49 येसु कासिन्चि खोन्कि गालिल्याङ्का अ़त़ङ्ताबात्ताओ मेत्छामाचिआ अ़थाया म़एवाकि मोवात्नि लिसाङाओ अ़खायाक्ता।
खोन्किना चाकावालावाचिकि सारिमादाङ्का म़नुवाओ नि देम्कापाङ मेत्छामाचिछाङ म़याआङा। मोचिएदाङ्का अ़क्छा मग्दालादाओ मरियम याआङा, मोएदाङ्का येसुआ सात्कातात चाकावालावाचि म़लोइसुचिओ।
गालिल्याङ्का येसुएनान अ़क्नि म़बानाओ मेत्छामाचि योसेफ्ओ अ़देङ-अ़देङ म़खाराकि मो एप्मा खोन्कि मो हुत्दा येसुओ अ़चुस़पोक देत्नि युङ्सुङुओ अ़खा।
म़नाचिओ अ़धिवाङ अ़लोकाआ येसु त़ङ्मा अ़पुक्ता। मोचिएदा अ़चुकोङ्कोम धात्याङ्सा ओत्ओत्ओत्वा म़खावाङाओ मेत्छामाचिछाङ म़याआङा।
मग्दला सहरादाओ मरियम खोन्कि योसेफ्ओ अ़मा मरियम्आ येसु एप्मादा युङ्साङाओ अ़खाङाचु।
एप्माओ अ़बुदा मग्दला सहरादाओ मरियम खोन्कि नि मरियम्छाङ युङाङा।