लुका 23:22 - बान्‍तावा राई

²² खोन्‍किना सुम्‌कादुओदु पिलातस्‌आ लासुलोचि, “देकि? दि ओ म़नाआ अ़त्‍लो काचि मुयुङ्‌सु कि? अ़ङ्‌का ना ओसाआ स़मा दन्‍दा तोक्‍मायु खाक्‍कोछाङ फिसुओ य़ङ मान्‍धित्‌ङा। खोन्‌ओसा अ़ङ्‌का य़हुप पाक्‍तुङ्‌कि लेरुङ्‌खाइसुङ।”

लुका 23:22 Referans Kwoze

लुका 23:14

“ओसाआ रोम हेन्‍कोप्‌ओ अ़देङ्‌सालाप्‍पादा म़नाचि थेन्‍तुङुचि निकिना खानानिन्‌आ ओ म़ना अ़ङ्‌काएदा त़तारुम। मेन एनानुम, ओ आम्‍नुओ बुदाङा सेनुङ्‌चिउङ, मेन खानानिन्‌आ त़पाक्‍तुम्‌ओ खाक्‍कोछाङ ह़त्‍मायु य़ङ अ़ङ्‌का ओएदा मान्‍धित्‌ङा।

१ पत्रुस 3:18

देकिनालो ख्रिस्‍त्‌छाङ आन्‍कान निनाम्‍हाङ्‌एदा तात्‍मा निम्‍पाङ साम्‌योक्‍मि म़ना मान्‍साम्‌योक्‍मिचिओ निकि खोक्‍को अ़धुन्‌ओ निम्‍पाङ हेवामिचिओ अ़चुफान्‌दा अ़क्‍दु म़सुवा। खोक्‍को पोक्‌दा म़सुवा, मेन लावादा म़खोन्‍तालोन्‍ता।

१ पत्रुस 1:19

मेन खेन मान्‌वान्‍माय़ङ खोन्‍कि थुपि मात्‍द़ङ्‌ओ अ़क्‌तात थुबाछावाको ख्रिस्‍तओ छ़ओ अ़चुह़आ खानानिन ऩफोङ्‌सिन्‌ओ।

लुका 23:20

येसु लेत्‍मानि मिनाकि पिलातस्‌आ हान्‍छाङ यायोक प़चि।

लुका 23:16

खोन्‌ओसा हान अ़ङ्‌का य़हुप पाक्‍तुङ खोन्‍किना ओक्‍को लेरुङ्‌खाइसुङ।”

लुका 23:4

खोन्‍किना पिलातस्‌आ मुलो काब़क्‍पाचि खोन्‍कि म़ना मुक्‍लाचि लोचि, “अ़ङ्‌का ओ म़नाएदा ह़त्‍मायु य़ङ दित्‍छाङ मान्‍धित्‌ङा।”

लुका 23:21

मेन मोचि ओवात्‍नि य़ङ्‌याङ्‌सा म़पारायुङ्‌सा, “मो क्रुस्‌दा ख़न्‍तासेरानुम! मो क्रुस्‌दा ख़न्‍तासेरानुम!”

लुका 23:23

मेन म़नाचिआ “खोक्‍को क्रुस्‌दा ख़न्‍माङादोत!”नि क़न्‍नान्‍चिन्‍सा म़पाराकि अ़दोरा। खोन्‍कि मोचिओ अ़चुय़ङ्‌आ पिलातस्‌ओ अ़मिन्‍मा सारु।