लुका 23:13 - बान्‍तावा राई

¹³ खोन्‍किना पिलातस्‌आ मुलो काब़क्‍पाचि, बुसुवाचि खोन्‍कि रुमिपाङ्‌मिचि अ़क्‍नि बुत्‍तुचिकि लोचि,

लुका 23:13 Referans Kwoze

युहन्‍ना 18:38

पिलातस य़ङा, “अ़छ़ङ दि ओ?” ओन य़ङाकि खो यहुदिचिएदा बुङ्‌खाया लासालोन्‍ता, खोन्‍कि मोचि लोचि, “अ़ङ्‌का ओसोओ अ़देङ्‌सालाप्‍पादा दित्‍छाङ लाहि पाक्‍मायु फिसुओ अ़धित्‍ऩङ।

मर्कुस 15:14

पिलातस्‌आ मोचि सेनुचि, “देकिना? ओसाआ दि फिसुयुङ्‌सु कि?” मेन मोचि च़लोक म़पारा, “मो क्रुस्‌दा ख़न्‍तासेरानुम!”

युहन्‍ना 19:4

बुङ्‌खाया लासालोन्‍ताकि पिलातस्‌आ मोचि लोचि, “खानुम, अ़ङ्‌का ओक्‍को खानानिन्‌एदा बुङ्‌खाया लोत्‍तुङ्‌योङ, खोन्‍कि खानानिन खाएत्‍नाङ्‌नानिन, अ़ङ्‌का ओक्‍कोसोओ अ़देङ्‌सालाप्‍पादा दित्‍छाङ लाहि पाक्‍मायु अ़तुक्‌वा अ़धित्‍ऩङ।”

लुका 23:35

म़नाचि म़एवाकि अ़चोआयुङ्‌साङा खोन्‍कि यहुदि बुसुवाचिआ सुङ्‌याङ्‌सा अ़लोवा, “ओसाआ निचि ना लेइसुचि। ओ निनाम्‍हाङ्‌आ छेन्‍तुओ कालेन्‍पा ख्रिस्‍त हाङ ओनालो आप्‍पिछाङ लेन्‍नान्‍चिन्‍ने।”

लुका 24:20

मेन मुलो काब़क्‍पाचि खोन्‍कि आन्‍कातित्‍पाचिआ खोक्‍को सेत्‍माओ दन्‍दा प़मा निकिना म़प़लाउचि खोन्‍किना खोक्‍को क्रुस्‌दा अ़ख़न्‍ता।

युहन्‍ना 3:1

फरिसिचिएदाओ निकोदेमस अ़ऩङ मुवाङाओ अ़क्‍छा म़ना युङाङा। मो यहुदिचिओ अ़क्‍छा बुसुवा म़ना याआङा।

युहन्‍ना 7:26

खानुम, येसु राक्‌एनान चेप्‌याङ, मेन ओचिआ खोक्‍को देत्‍छाङ ऩलोन्‌योन। ओङा ख्रिस्‍तओनि बुसुवाचिआ अ़नुछ्‍या अ़सिन्‍ता हे?

युहन्‍ना 7:48

दि पाङ्‌कातोक्‌चि माङ्‌लो फरिसिचिएदाओ खाक्‍को खोक्‍कोएदा साकोङ्‌छ़ङ मुवायुङ्‌सा?

युहन्‍ना 12:42

खोन्‍नुछाङ ब़द्‍धे यहुदि बुसुवाचिआ खोक्‍कोएदा साकोङ्‌छ़ङ म़मुवा, मेन फरिसिचिएदाङ्‌का म़क़साकि मोचिआ यावायोक्‍खिम्‌दाङ्‌का म़लोन्‍खान निकिना अ़चुक़माआ मो साङ्‌छाङ खामान्‌एत्‌अ़दा।

छाम्‍माय़ङ 3:17

हान, ब़ब़, नाना खोन्‍कि निछाचि ओ, अ़ङ्‌का सिन्‍तुङ्‌योङ, खानानिन खोन्‍कि आम्‍नुओ बुसुवाचिआ मान्‍सिन्‍त़दोम्‌ओसा येसु त़सेरुम्‌ओ।

छाम्‍माय़ङ 4:5

अ़माङ्‌कोलेन झारा यहुदि बुसुवाचि, अ़धुवाचि खोन्‍कि य़ङ्‌हुप काचिन्‍पाचि यरुसलेम्‌दा म़कोवान्‍चिन।

छाम्‍माय़ङ 4:8

खोन्‍किना पत्रुस सेङ्‌लावाआ भेप्‍तुकि मोचि लासुलोचि, “बुसुवाचि खोन्‍कि अ़धुवाचि ओ!

छाम्‍माय़ङ 13:27

मेन यरुसलेम्‌दा कायुङ म़नाचि खोन्‍कि खोचिओ अ़चुबुसुवाचिआ येसु कालेन्‍पा निकिना मान्‍सिन्‌अ़दा। मोचिआ झारा सावातोम्‍खा-लेन्‌दा अ़खिप्‍ताङाओ निनाम्‍हाङ्‌य़ङ खाकालुचिओ अ़चुय़ङ मान्‍तुप्‌अ़दाकिना येसु स़माओ दन्‍दा अ़पुवा, खोन्‍कि निनाम्‍हाङ्‌य़ङ खाकालुचि म़चेवाओ य़ङ अ़तासाला।