लुका 22:42 - बान्‍तावा राई

⁴² “आपो, आम्‍नुओ मिन्‍मा याक्‌याङ्‌नालो ओ दुखाओ लाङ्‌चोक्‍खुङ अ़ङ्‌काएदाङ्‌का माङ्‌निप़नि। खोन्‍नुछाङ अ़ङ्‌मिन्‍मावा माआङ, मेन आम्‍नुओ मिन्‍मावा लिने।”

लुका 22:42 Referans Kwoze

मत्‍ति 26:39

खोन्‍किना खोक्‍को अ़क्‍चित ह्‍यात्‍नि म़खाराकि बाखादा म़बोम्‍सान्‍चिन खोन्‍कि याम़मारा, “आपो, लिमा ऱनालो ओ दुखाओ लाङ्‌चोक्‍खुङ्‍ओ दुखा अ़ङ्‌काएदाङ्‌का माङ्‌निप़नि। खोन्‍नुछाङ अ़ङ्‌मिन्‍मावा माआङ, मेन आम्‍नुओ मिन्‍मावा लिने।”

मत्‍ति 26:42

येसु ह्‍वादुओदु म़लासाखाराकि याम़मारा, “आपो, अ़ङ्‌का ओ मान्‍दुङ्‌माङ अ़नुनिन्‌नालो आम्‍नुओ मित्‍मा तालाने।”

मर्कुस 14:36

खोक्‍को म़य़ङा, “अब्‍बा, अ़ङ्‌पापा, खानानिन्‌आ झारा य़ङ्‌चि मुमा त़ऱम्‍च़म। ओ दुखाओ लाङ्‌चोक्‍खुङ अ़ङ्‌काएदाङ्‌का माङ्‌निप़नि। खोन्‍नुछाङ अ़ङ्‌मिन्‍मावा माआङ, मेन आम्‍नुओ मिन्‍मावा लिने।”

युहन्‍ना 18:11

येसुआ पत्रुस अ़लोवा, “आम्‍बान्‍छोन अ़सिप्‌दा पाउ। दि अ़ङ्‌पापाआ अ़ङ्‌का ऩपुवाङ्‌ओ दुखाओ लाङ्‌चोक्‍खुङ अ़ङ्‌का मान्‍दुङ्‌दामा?”

मत्‍ति 20:22

मेन येसुआ लासुलो, “खानाचिआ दि त़दोत्‍चिङ्‌चि, मो खानाचिङा त़सिन्‍चुन्‍चुन। दि अ़ङ्‌का दुङ्‌मादोत्‌ओ दुखाचिओ लाङ्‌चोक्‍खुङ्‌दाङ्‌का खानाचिआ दुङ्‌मा त़ऱचु?” मोचि य़ङाचि, “आन्‍काच्‍या ऱचुवा।”

युहन्‍ना 5:30

अ़ङ्‌का आप्‍पि दित्‍छाङ मुमा अ़ऱऩङ। देत्‍नि अ़ङ्‌का एनुङ, मोवात्‍निङा अ़ङ्‌का छ़ङ्‌छेन्‍ङा। खोन्‍कि अ़ङ्‌छ़ङ्‌छेन्‍मा नुलोक कान, देकिनालो अ़ङ्‌का अ़ङ्‌मिन्‍मावा च़मा अ़लाम्‍ऩङ, मेन अ़ङ्‌का काछुत्‌ओ अ़चुमिन्‍मावा च़ङा।

युहन्‍ना 6:38

अ़ङ्‌को आप्‍पिओ अ़ङ्‌मिन्‍मा तालासि अ़ङ्‌का निनाम्‍मादुङ्‌का धाङ्‍ओ माआङ, मेन अ़ङ्‌का काछुत्‌ओ अ़चुमिन्‍मा तालासि धाङ्‌ओ।

युहन्‍ना 4:34

येसुआ मोचि म़लोचि, “अ़ङ्‌का काछुत्‌ओ अ़चुमिन्‍मावा च़मा खोन्‍कि खोक्‍कोसोओ अ़चुकाचि तामालामाङा अ़ङ्‌चामायु ओ।

मत्‍ति 26:44

खोन्‍किना खोक्‍कोसाआ मोचि म़लासुछिरुदोचि, खोन्‍कि म़खाराकि मो य़ङ्‌चिङा लाय़ङ्‌सा सुम्‌कादुओदु याम़मारा।

मत्‍ति 6:10

आम्‍नुओ हाङ्‌होन ताने, आम्‍नुओ मित्‍मा निनाम्‍मादुवात्‍निङा ओ हेन्‍खामादाछाङ तालाने।

मत्‍ति 11:25

मोन्‍ग़रि येसु म़य़ङा, “आपो, निनाम्‍मा खोन्‍कि हेन्‍खामादाओ हाङ्‌पा, अ़ङ्‌का खानानिन आलाङ प़नाङ्‌नानिन, देकिनालो खानानिन्‌आ ओ य़ङ्‌चि खारु कातोक खोन्‍कि तायाहाङ्‌पाचिदाङ्‌का त़कुम्‍सुम, खोन्‍कि छाचि मो खाङ्‌त़मेत्‍तुम्‍च़म।

मत्‍ति 11:26

उवा, आपो, देकिनालो ओवात्‍निङा च़मा खानानिन त़स़न।”

लुका 23:34

खोन्‍किना येसु म़य़ङा, “आपो, ओचि लेत्‍तापुवानुम्‍च़म। देकिनालो ओचि दे म़च़याङ, ओचिआ ऩसिन्‍तुन्‌योन।” खोन्‍कि रात्‍खामिचि होरा म़पाआ खोन्‍कि खोक्‍कोसोओ अ़चुतित्‌चि अ़हासा।

छाम्‍माय़ङ 21:14

पावल छुन्‍ताओसा आन्‍कान्‍का वाइवेत युङिन्‍काकि “निनाम्‍हाङ्‌ओ अ़मिन्‍मा तालाने”नि य़ङिन्‍का।