लुका 22:19 - बान्‍तावा राई

¹⁹ खोन्‍किना खोक्‍कोसाआ पेम्‍पाक अ़क़क्‍ताकि निनाम्‍हाङ आलाङ अ़पुवाचिआकि मो अ़धाङ्‌साकि अ़चुकाखेङ्‌पाचि प़याङ्‌सा म़लोचि, “ओ आम्‍नुओ निम्‍पाङ प़नानिन्‌ओ अ़ङ्‌पोक ओ। हान्‌दाङ्‌का ओ अ़ङ्‌मित्‍मादा मुयाङ्‌सा मुवानुम।”

लुका 22:19 Referans Kwoze

१ कोरिन्‍थि 10:16

आसिखाओ लाङ्‌चोक्‍खुङ्‍ओ निम्‍पाङ आन्‍कान आसिखा दोरिन। दि मो ख्रिस्‍तओ अ़चुह़दा होन्‍मान्‍चिन माआङ कि? खोन्‍कि आन्‍कान पेम्‍पाक ओरुम, दि मो ख्रिस्‍तओ अ़चुयाम्‌दा होन्‍मान्‍चिन माआङ कि?

लुका 22:20

अ़नाम्‍प़क्‌ओ चा म़चाचिआकि येसुआ मोवात्‍निङा लाङ्‌चोक्‍खुङ अ़क़क्‍ताकि म़लोचि, “ओ लाङ्‌चोक्‍खुङ्‌दाओ अङ्‌गुरा माङ्‌वा आम्‍नुओ निकि सोन्‌ओ अ़ङ्‌ह़लाम्‍पा मुमाय़ङ अ़ऩङ्‌वा य़ङ्‌छ़ङ ओ।

१ कोरिन्‍थि 10:4

खोन्‍कि झारासा अ़कनिवाओङा लावामि चाक्‌वा अ़दुङा। देकिनालो मोचिआ अ़क्‍नि कोन्‍माओ लावामि लुङ्‌छ़ङ्‌दाओ चाक्‌वा अ़दुङा खोन्‍कि मोक्‍को लुङ्‌छ़ङ ख्रिस्‍त म़युङाङा।

तितस 2:14

झाराकापाराओ आन्‍हेवादाङ्‌का आन्‍कान फोङ्‌सि, आन्‍कान सेङ्‌सि, खोन्‍कि अ़नुवाक काचि मुमा कास़ आप्‍पिओ अ़चुम़ना मुसि येसु ख्रिस्‍तआ आन्‍को निकि अ़चुह़ङ्‌म़ङ म़पुवा।

१ पत्रुस 2:24

हेवाओ अ़सावा आन्‍कान्‌एदा दित्‍छाङ अ़युङ्‌निन्‍ने, खोन्‍कि साम्‌योक्‍मिओ निम्‍पाङ ह़ङिन्‍ने निकिना क्रुस्‌दा खोक्‍कोसाआ आप्‍पि आन्‍हेवा अ़खुया। खोक्‍कोसोओ अ़चुखेन्‍चिलाम्‍पा खानानिन त़नुन्‌युङ्‌सिन।

एफिसि 5:2

देत्‍नि ख्रिस्‍तआ आन्‍कान सोमाम़तुक्‍ता खोन्‍कि निनाम्‍हाङ्‌ओ निम्‍पाङ नाम्‍नुयाङ्‌ओ छुक्‍दाम खोन्‍कि हेन्‍खोक्‌वावात्‍नि म़लिसाकि खोक्‍को आप्‍पि आन्‍को निम्‍पाङ म़सुवा, मोवात्‍नि खानानिन्‌छाङ सोमातुक मुवानिन।

गलाति 1:4

आन्‍निनाम्‍हाङ पापाओ अ़चुमिन्‍मावा येसु ख्रिस्‍तआ आइमित्‌ओ अ़अ़त्‍पा हेन्‍खामादाङ्‌का आन्‍कान फोङ्‌लोइसि आन्‍हेवाचिओ अ़फान्‌दा खोक्‍को आप्‍पि म़पुवान्‍चिन।

युहन्‍ना 6:51

निनाम्‍मादुङ्‌का धाओ अ़ह़ङ पेम्‍पाक अ़ङ्‌काङा ओ। साङ्‌आ ओ पेम्‍पाक चा, मो अ़धुन्‌तारि ह़ङ। खोन्‍कि खाक्‍को पेम्‍पाक अ़ङ्‌का हेन्‍खामादाओ ह़ङ्‌म़ङ्‌ओ निम्‍पाङ प़ङ, मो अ़ङ्‌पोक ओ।”

लुका 24:30

खोन्‍किना येसु मोचिएनान चा-चासि म़युङाकि पेम्‍पाक अ़क़क्‍ताकि निनाम्‍हाङ आलाङ अ़पुवा, खोन्‍कि अ़धाङ्‌साकि मोचि म़प़चि।

मत्‍ति 14:19

खोन्‍किना येसुआ म़ना मुक्‍लाचि ल़क्‍ल़क्‍ल़क्‌वाओ नागिदा युङ्‌म़मेत्‍तुचि, खोन्‍कि मो पाच्‌कातात पेम्‍पाक्‌चि खोन्‍कि ह्‍वातात ङाचि अ़क़क्‍ताकि निनाम्‍मादुत्‍नि चोप्‌याङ्‌सा निनाम्‍हाङ आलाङ अ़पुवा, खोन्‍कि पेम्‍पाक्‌चि म़धाङ्‌सुचिकि अ़चुकाखेङ्‌पाचि म़प़चि, खोन्‍कि काखेङ्‌पाचिआ म़ना मुक्‍लाचि म़प़चि।

लुका 22:17

खोन्‍किना खोक्‍कोसाआ लाङ्‌चोक्‍खुङ अ़क़क्‍ताकि निनाम्‍हाङ आलाङ अ़पुवा, खोन्‍कि अ़चुकाखेङ्‌पाचि म़लोचि, “ओ लोआनुम्‌कि खानानिन आम्‍नुओ रादा हासानुम।

१ थेसलोनिकि 5:18

झारा ग़रिचिदा निनाम्‍हाङ आलाङ पुवानुम। देकिनालो ख्रिस्‍त येसुलाम्‍पा आम्‍नुओ निम्‍पाङ निनाम्‍हाङ्‌ओ अ़चुमिन्‍मा ओङा ओ।

गलाति 4:25

हागार अरब हेन्‍कोप्‌ओ सिनै भ़ऱ ओ, खोन्‍कि आइमित्‌ओ यरुसलेम्‌एनान तोङ्‌माखाङ्‌मा ऱम। देकिनालो मो अ़छाचिएनान हारुक्‌दा याक्‌याङ।

मत्‍ति 15:36

खोन्‍कि खोक्‍कोसाआ मो सात्‌कातात पेम्‍पाक खोन्‍कि ङा अ़क़क्‍ताकि निनाम्‍हाङ आलाङ अ़पुवा, खोन्‍कि मो पेम्‍पाक अ़धाङ्‌साकि अ़चुकाखेङ्‌पाचि म़प़चि। खोन्‍किना मोचिआ म़ना मुक्‍लाचि म़हात्‍तुचि।