लुका 21:36 - बान्‍तावा राई

³⁶ खोन्‌ओसा तामा मुयाङ्‌ओ झारा य़ङ्‌चिदाङ्‌का रात्‍मा त़ऱन्‍चिन्‍ने निकि अ़ङ्‌का म़नाओ अ़छाओ अ़ङ्‌बुदा एप्‍मा त़ऱन्‍ने निकिना अ़धुन चेत्‍चेत्‍चेत्‌वा युङानिन्‌कि यामारानिन।”

लुका 21:36 Referans Kwoze

१ युहन्‍ना 2:28

खोन्‍कि हान अ़चुप्‍पो सोमातुक्‍निङ्‌निओ छाचि ओ, खोक्‍कोएदा युङायाक्‍तानिन, खोन्‌ओसा खोक्‍को खाङ्‌म़मुनान्‍चिन्‌ओ ग़रि आन्‍कान राक तोक्‍तुम्‍ने, खोन्‍कि खोक्‍कोसोओ अ़चुबुदा आन्‍कान लेजोदा अ़छुक्‍तिमिन्‍ने।

१ पत्रुस 5:8

चाप्‍चेत्‍तानिन्‍चिन खोन्‍कि चाप्‍चाप्‍चाप्‌वा युङानिन! आम्‍नुओ ङेङ सैताना काङुन धिनारावात्‍नि साङ धित्‍माकि चामा निकिना खालाम्‍सा हुलुक।

मत्‍ति 25:13

खोन्‌ओसा येसुआ म़लोचि, “चाप्‍चाप्‍चाप्‌वा युङानिन, देकिनालो मो लेन खोन्‍कि मोग़रि खानानिन त़सिन्‍तिमिन्‌येन।”

मत्‍ति 24:42

खोन्‌ओसा चाप्‍चाप्‍चाप्‌वा युङानिन, देकिनालो खाउ लेन आम्‍नुओ हाङ्‌पा म़ता, खानानिन त़सिन्‍तिमिन्‌येन।

१ पत्रुस 4:7

झारा य़ङ्‌चिओ अ़चुलुक्‍माखात्‍मा च़क्‌दा ताचिआयुङ्‌सा। खोन्‌ओसा खारुच़ङ्‌तानुम खोन्‍कि आम्‍नुओ यामात्‍माओ निम्‍पाङ चाप्‍चेत्‍तानिन्‍चिन।

१ कोरिन्‍थि 16:13

चाप्‍चेप्‍तानिन्‍चिन, आम्‍नुओ साकोङ्‌छ़ङ्‌दा नुलोक युङानिन। राक्‍स़रिओ म़ना लिसानिन। सावापोरिओ मुवानिन।

लुका 18:1

अ़चुकाखेङ्‌पाचि अ़धुन याम़मात्‌युङ्‌ने खोन्‍कि अ़चुमिन्‍मा अ़स़निन्‍ने निकिना येसुआ मोचि अ़क्‌तात दोय़ङ्‌ला खाम़एत्‍तुचि।

मर्कुस 13:33

खोन्‌ओसा चाप्‍चेत्‍तानिन्‍चिन! चुम्‍सानिन्‍चिन! देकिनालो मो ग़रि देम्‍खा ता ओ खानानिन त़सिन्‍तिमिन्‌येन।

यहुदा 1:24

निनाम्‍हाङ्‌आ खानानिन धाम्‍मादाङ्‌का लेन्‍मा ऩऱन, खोन्‍कि खोक्‍कोसोओ अ़चुसाम्‍स़रि थुपिमात्‍द़ङ्‌ओ तोक्‍पो ऩङानुमाएनान अ़चुबुदा एप्‍ऩमेत्‍तिन।

मत्‍ति 26:41

चाप्‍चाप्‍चाप्‌वा युङानिन्‌कि यामारानिन, खोन्‌ओसा चिन्‍माखाङ्‌मादा मान्‍छुक्‍दानिन। आम्‍नुलावा अ़नुछ्‍या छेयाङ, मेन आम्‍नुओ पोक अ़ऱनिनिन।”

१ थेसलोनिकि 5:17

अ़धुन यामारायुङ्‌सानिन,

मर्कुस 13:37

अ़ङ्‌का खानानिन दे लोनानिन, अ़ङ्‌का झाराकापाङ लोनानिन, चाप्‍चाप्‍चाप्‌वा युङानिन!”

२ तिमोथि 4:5

मेन खाना झारा ग़रि क़म्‍तान्‍चिन। दुखा आङ्‌तु, नुय़ङ्‌खान खालुमा काचि मुवा, खोन्‍कि आम्‍ब़क्‍मा काचि तासुलो।

कलस्‍सि 4:2

यामारायुङ्‌सानिन। चाप्‍चेत्‍नान्‍चिन्‍सा निनाम्‍हाङ आलाङ पुवानुम, खोन्‍कि यामारानिन।

छाम्‍माय़ङ 10:2

खो खोन्‍कि खोसोओ अ़खिम्‌दाओचि झारासाआ निनाम्‍हाङ अ़मित्‍ताङा, खोन्‍कि अ़कित्‍ताङा। खोसाआ मान्‍तोक्‍कादा यहुदिचि सोमातुक्‍तुचिकि फासुङुचि, खोन्‍कि खो अ़धुन निनाम्‍हाङ्‌एदा यामाराङा।

लुका 20:35

मेन म़स़दाओदाङ्‌का खोन्‍मालोन्‍माकि मो जुगातारि तामालामा खान्‍तुचिओचिआ ना मोचि सायाम़काम ना सायाङा म़काम्‍सुप़चि।

मत्‍ति 8:20

खोन्‍कि येसुआ मो अ़लोवा, “हाप्‍सुचिओ अ़चुयुङ्‌खा बुक्‍ताङ्‌चि खोन्‍कि नाम्‍छ़ऱदु कापेन छोङ्‌वाचिओ अ़चुयाङ्‌चि म़याक्‌याङ, मेन म़नाओ अ़छाओ ना अ़ताङ नान्‍खाछाङ मात्‍द़ङ।”

मत्‍ति 24:43

खोन्‍कि ओ तुप्‍तानुम, काख़ खाउग़रि तायाङ निकिना खिम्‌ओ अ़हाङ्‌पाआ सिन्‍तुओ खाङ्‌दे, खो चाप्‍चाप्‍चाप्‌वा युङाकि खोसाआ काख़ अ़खिम केरुकि वाङ्‌मा मान्‍प़दोओ।

मत्‍ति 24:44

खानानिन्‌छाङ चुम्‍सायुङ्‌सानिन्‍चिन। देकिनालो खानानिन्‌आ त़मित्‍तिमिन्‌येन्‌ओ ग़रिदा अ़ङ्‌का म़नाओ अ़छा ताङा।

लुका 1:19

निनाम्‍हाङ काफाआ य़ङ लासुप़, “अ़ङ्‌ऩङ गब्रिएल ओ। निनाम्‍हाङ्‌आ अ़ङ्‌का अ़धिवाङ पाङ ऩपुवाङ्‌युङ्‌साङ। खोक्‍कोसाआङा अ़ङ्‌का ओक्‍को ऩङानुमाओ य़ङ्‌खान खाना खाएत्‌सि ऩय़साङ्‌ओ।

लुका 21:35

हेन्‍खामादा कायुङ्‌चि झाराएदा मो लेन ता।

२ कोरिन्‍थि 4:14

आन्‍कान्‍का सिन्‍तुम्‌योम्‍का, हाङ्‌पा येसु अ़ह़ङ कामुआ, आन्‍कान्‍काछाङ येसुएनान अ़ह़ङ ऩमुन्‍का, खोन्‍कि खोक्‍कोसाआङा आन्‍कान्‍का खानानिन्‌एनान खोक्‍कोसोओ अ़चुबुदा ऩतारिन्‍का।

खाङ्‌मुमा 6:17

देकिनालो खोचिओ चाअ़त्‍लो अ़चुच़ऱपाओ अ़धिवा लेन तायुङ्‌सा, खोन्‍कि ओसोओ अ़देङ्‌सालाप्‍पादा साङ्‌आ तेम्‍मा ऱ?”

खाङ्‌मुमा 7:9

खोन्‍किना साङ्‌आछाङ खिप्‍मा अ़ऱन्‍चिन्‌ओ अ़क्‌तात अ़धिवाङ म़ना मुक्‍ला अ़ङ्‌का खाङ। मोचि झारा हेन्‍कोप्‌चि झारा रावाचि झारा भुङ्‌चि खोन्‍कि य़ङ्‌काचेप्‌चिदाङ्‌का म़तायुङ्‌सा। मोचि ओम्‍प़चिवा तित म़हुम्‍साङा खोन्‍कि अ़चुछुक्‌दा खजुराताङ्‌ओ अ़खेक्‌चि म़क़क्‍ताकि हाङ्‌युङ्‌खा खोन्‍कि थुबाछाओ अ़चुबुदा म़एवाङाओ अ़ङ्‌का खाङ्‌च़ङ।

खाङ्‌मुमा 8:2

खोन्‍किना अ़ङ्‌का खाङ्‌च़ङ्‌ओ सात्‌कापाङ निनाम्‍हाङ काफाचिङा निनाम्‍हाङ्‌ओ अ़चुबुदा काएप्‌चि ओ, खोन्‍कि मोचि सात्‌कातात थुथुरि म़प़चि।

खाङ्‌मुमा 11:4

मो ह़वाङ निनाम्‍हाङ्‌य़ङ खाकालुचिआ ह्‍वातात जैतुनाताङ्‌चि खोन्‍कि हेन्‍खामादा हाङ्‌पाओ अ़चुबुदा काएप ह्‍वातात कुपियुङ्‌खाचि खाङ्‌मुसुचि।