लुका 20:21 - बान्‍तावा राई

²¹ खोन्‍किना खाकासुक्‌चिआ येसु अ़सेना, “काचिन्‍पो, आन्‍कान्‍का सिन्‍तुम्‌योम्‍का, खानानिन अ़छ़ङ त़चेविन खोन्‍कि त़चिन्‍तुम्‍च़म, खोन्‍कि खानानिन साङ्‌लिप्‍पाछाङ त़वाङिमिन, मेन खानानिन निनाम्‍हाङ्‌ओ अ़चुलाम अ़छ़ङ खात़चिन्‍तिन।

लुका 20:21 Referans Kwoze

मत्‍ति 22:16

फरिसिचिआ अ़चुकाखेङ्‌पाचि हेरोदि रुहुप्‌दाओ म़नाचिएनान खोक्‍कोएदा म़खाइसुचि। मोचि म़य़ङा, “काचिन्‍पो, आन्‍कान्‍का सिन्‍तुम्‌योम्‍का, खानानिन अ़नुवाक त़मुन्‌येन, खोन्‍कि निनाम्‍हाङ्‌ओ अ़चुलाम अ़छ़ङ खात़चिन्‍तिन, खोन्‍कि खानानिन साङ्‌एदाङ्‌काछाङ त़क़सिमिन, देकिनालो खानानिन म़नाचि खाङ्‌याङ्‌सा काचि त़मुन्‍मिन।

गलाति 1:10

दि अ़ङ्‌का म़नाचिओ अ़चुचोन्‍मा लामुङ्‌योङ ओ, हे निनाम्‍हाङ ओ? माङ्‌लो दि अ़ङ्‌का म़नाचिओ अ़चुऩङानुमा लाप्‍तुङ्‌योङ्‌च़ङ? मोवात्‍नि च़लोक हान्‍छाङ म़नाचिओ अ़चुऩङानुमा लाप्‍तुङ्‌योङ्‌च़ङ्‌नालो अ़ङ्‌का ख्रिस्‍तओ अ़चुहारुक मान्‍लिङा ओ।

२ कोरिन्‍थि 2:17

देकिनालो ब़द्‍धे निचिवा आन्‍कान्‍का निनाम्‍हाङ्‌ओ अ़चुय़ङ काखित काइन्‌चि माआङ, मेन निनाम्‍हाङ्‌आ ऩछुत्‍तिन्‍काओ अ़चुमिन्‍मा सेङ्‌याङ्‌ओ म़नाचिवा आन्‍कान्‍का निनाम्‍हाङ्‌ओ अ़चुबुदा ख्रिस्‍तओ अ़चुतुक्‌वादा चेविन्‍का।

युहन्‍ना 3:2

खो अ़खाखुत येसुएदा ता, खोन्‍कि खोक्‍को लो, “रब्‍बि, आन्‍कान्‍का सिन्‍तुम्‌योम्‍का खानानिन निनाम्‍हाङ्‌एदाङ्‌का त़तान्‌ओ काचिन्‍पा ओ। देकिनालो निनाम्‍हाङ मात्‍द़ङ खानानिन्‌आ त़मुम्‍च़म्‌ओ ओ बुन्‌चि साङ्‌आछाङ मुमा ऩऱन्‍चिन।”

मर्कुस 12:14

मोचि येसुएदा म़ताकि अ़लोवा, “काचिन्‍पो, खानानिन अ़नुवाक त़मुन्‌येन, अ़छ़ङ त़चेविन, खोन्‍कि साङ्‌लिप्‍पाछाङ त़वाङिमिन, खोन्‍कि म़ना त़खान्‌कि काचि त़मुन्‍मिन निकिना आन्‍कान्‍का सिन्‍तुम्‌योम्‍का। मेन खानानिन निनाम्‍हाङ्‌ओ अ़चुलाम अ़छ़ङ खात़चिन्‍तिन। हान आन्‍कान्‍का लोनि, आन्‍कान्‍का रोमि तोक्‍पोहाङ कैसरएदा दाम्‍दु छोन्‍मा मोसाओ अ़य़ङ्‌हुप्‌आ अ़प़न्‍का हे अ़प़न्‍मिन्‍का?

गलाति 2:6

खा-खाक्‍को अ़चुऩङ्‌ऱङाओ तोक्‍पो बुसुवाचिनि म़लोवाङाओ म़नाचि म़युङाङानुछाङ ओसाआ अ़ङ्‌का देत्‍छाङ अ़सिन्‍ऩङ। निनाम्‍हाङ्‌आ म़नाओ अ़ङाइवा अ़खाङ्‌कि छ़ङ ऩछेन्‍निन। अ़ङ्‌का य़ङ्‌ङा, मोचिआ अ़ङ्‌य़ङ्‌खान्‌दा दित्‍छाङ मान्‍तेप्‌अ़दा।

लुका 20:20

येसुआ काचि फिसु हे निकि मोचिआ अ़खायुङ्‌साङा, खोन्‍कि अ़नुवाक लिसिन्‌वा काच़चि खासुक्‍सि येसुएदा म़छुत्‍तुचि। देकिनालो येसु म़चेप्‌ओ अ़चुय़ङ्‌दा लाप्‍माकि रोमि धिखाहुप काखाङ्‌ओ अ़छुक्‌दा खोक्‍को पाक्‍माप़मानि म़मिनाङा।

लुका 20:22

हान आन्‍कान्‍का लोनि, आन्‍कान्‍का रोमि तोक्‍पोहाङ कैसरएदा दाम्‍दु छोन्‍मामोसाओ अ़य़ङ्‌हुप्‌आ अ़प़न्‍का हे अ़प़न्‍मिन्‍का?”