लुका 20:19 - बान्‍तावा राई

¹⁹ य़ङ्‌हुप काचिन्‍पाचि खोन्‍कि मुलो काब़क्‍पाचिआ मो दोय़ङ्‌ला येसुआ खोचिओ अ़चुदेङ्‌सालाप्‍पादा म़य़ङाओ निकिना अ़सिन्‍तालावा। खोन्‌ओसा येसु मोन्‍ग़रिङा लाप्‍मा अ़लाप्‍ता, मेन मोचि म़नाचिदाङ्‌का अ़चुक़माकाराकि लाप्‍मा मान्‍ऱअ़दा।

लुका 20:19 Referans Kwoze

लुका 20:14

मेन अ़व़क काचात्‌चिआ अ़चुछा अ़खाकि अ़क्‍छा निएदा म़य़ङा, ‘ओ ना पाङ्‌कातोक ओ। आन्‍कान मो सेरुम्‍ने, खोन्‍कि आन्‍कान पाङ्‌कातोक लिसिन!’

मर्कुस 12:12

खोन्‍किना यहुदिचिओ अ़चुबुसुवाचिआ येसु लाप्‍मा अ़लाप्‍ता, देकिनालो मो दोय़ङ्‌ला खोचिओ अ़चुदेङ्‌सालाप्‍पादा खोक्‍को म़य़ङाओ निकिना अ़सिन्‍तालावा। मेन मोचि म़ना मुक्‍लाचिदाङ्‌का म़क़सा, खोन्‌ओसा मोचिआ खोक्‍को अ़छिरादाकि म़खारालोन्‍ता।

मर्कुस 11:18

ओ य़ङ मुलो काब़क्‍पाचि खोन्‍कि मोसाओ अ़य़ङ्‌हुप काचिन्‍पाचिआ अ़एना, खोन्‍कि मोचिआ येसु देत्‍नि सेत्‍मा निकिना अ़लाम लाम्‍मा अ़पुक्‍ता। मेन मोचि खोक्‍कोएदा म़क़सा, देकिनालो खोक्‍कोसोओ अ़चुचिन्‍मादा झारा म़ना मुक्‍लाचि दोम्‍तुदोचि।