लुका 19:46 - बान्‍तावा राई

⁴⁶ येसुआ मोचि म़लोचि, “साम्‍कालिन्‌दा ओवात्‍नि छाप्‍तायुङ्‌सा, ‘अ़ङ्‌खिम यामात्‍खा खिम लि।’ मेन खानानिन्‌आ ना ओ काङाप्‍खात्‌चिओ अ़चुबुक्‍ताङ त़मुम्‌युङ्‌सुम।”

लुका 19:46 Referans Kwoze

मत्‍ति 23:13

अ़चाअ़त्‍मादा त़छुक्‍तिन खानानिन य़ङ्‌हुप काचिन्‍पाचि खोन्‍कि फरिसिचि ओ! खानानिन कोङ्‌क़त्‌वाचि ओ! देकिनालो खानानिन्‌आ म़नाचिओ अ़चुबुदा निनाम्‍हाङ्‌होन्‌ओ अ़लाप्‍तिखोप त़छेक्‍तुम्‌योम। ना खानानिन त़वाङिन ना वाङ्‌मा कालाम्‌चि वाङ्‌मा त़प़म्‍च़म।

मत्‍ति 21:13

खोक्‍कोसाआ मोचि म़लोचि, “साम्‍कालिन्‌दा ओवात्‍नि छाप्‍तायुङ्‌सा, ‘अ़ङ्‌खिम यामात्‍खा खिम लि।’ मेन खानानिन्‌आ ना अ़ङ्‌खिम काङाप्‍खात्‌चिओ अ़चुबुक्‍ताङ त़मुम्‌युङ्‌सुम।”

मर्कुस 11:17

खोन्‍किना खोक्‍कोसाआ मोचि चिन्‌याङ्‌सा म़लोचि, “साम्‍कालिन्‌दा ओवात्‍नि छाप्‍तायुङ्‌सा: ‘अ़ङ्‌खिम झारा रावाचिओ निम्‍पाङ अ़चुयामात्‍खा खिम लि।’ मेन खानानिन्‌आ ना ओ काङाप्‍खात्‌चिओ अ़चुबुक्‍ताङ त़मुम्‌युङ्‌सुम।”