लुका 19:38 - बान्‍तावा राई

³⁸ “निनाम्‍हाङ्‌ओ अ़चुऩङ्‌दा म़ताओ हाङ निनाम्‍हाङ्‌आ आसिखा अ़प़ने! निनाम्‍मादु सेवाङ्‌नि लिने खोन्‍कि झारादाङ्‌का धानि निनाम्‍हाङ्‌ओ अ़चुऩङ लोङ्‌ने।”

लुका 19:38 Referans Kwoze

लुका 13:35

खा, आम्‍खिम रोङ्‌रोङ्‌धाप छिरादायुङ्‌सा। खोन्‍कि अ़ङ्‌का खाना लोना, खाना ‘निनाम्‍हाङ्‌ओ अ़चुऩङ्‌दा म़ताओ आसिखा कातोक म़मुयाङ!’नि मान्‌य़ङ्‌त़युक्‌ओन अ़ङ्‌का खाना त़खाङ्‌ऩङ।”

मत्‍ति 21:9

खोन्‍कि येसुओ अ़चुबुदा काखात्‌चि खोन्‍कि अ़चुदेङ्‌दा कात़ङ्‌चि, म़पारा, “दाउद्‌ओ अ़छा होसन्‍ना! साङ हाङ्‌पा निनाम्‍हाङ्‌ओ अ़चुऩङ्‌दा म़ता, खोक्‍को निनाम्‍हाङ्‌आ आसिखा अ़प़ने! होसन्‍ना, निनाम्‍मादु कायुङ्‌ओसोओ अ़चुऩङ लोङ्‌ने!”

१ पत्रुस 1:12

खोचि ओ य़ङ खाम़एत्‍ताओ आप्‍पि मोचि ब़त्‍मान्‍चिन निकिना माआङ, मेन खानानिन ऩब़रिन्‌येन निकिना निनाम्‍हाङ्‌आ खोचि तुप्‍म़मेत्‍तुचि। ओ य़ङ्‌चि निनाम्‍मादुङ्‌का अ़य़साओ सेङ्‌लावाओ अ़सावादा खानानिन खाऩएत्‍तिन्‌ओ नुय़ङ्‌खान खाकालुचिआ खाअ़लुसाओ य़ङ खानानिन खाऩएत्‍तिन्‌युङ्‌सिन। निनाम्‍हाङ काफाचिछाङ ओ य़ङ्‌चि खाङ्‌मा अ़न्‍नुनु अ़चुऩङानुयाङ।

१ तिमोथि 1:17

हान दुङ-दुङ्‌तारिओ हाङ, अ़लुक्‍निन्‌ओ खोन्‍कि अ़खान्‍मिन्‌ओ अ़क्‍छा ओन्‍ङा निनाम्‍हाङ्‌ओ अ़धुन-अ़धुन्‌तारि साया खोन्‍कि अ़चुऩङ लोङ्‌ने। मोवात्‍निङा लिने।

एफिसि 1:12

आन्‍कान ख्रिस्‍तदा बुयादाङ्‌का सोम्‍कुवा कामुचि खोक्‍कोसाआ अ़चुसाम चोन्‍माओ निम्‍पाङ ह़ङ्‌मा ऱन्‍काने निम्‍पाङ खोक्‍कोएदा बुया अ़छ़ङ अ़मुवायुङ्‌सा खोन्‍कि ऩछेन्‍तिन्‌युङ्‌सिन्‍का।

मत्‍ति 25:34

खोन्‍किना हाङ्‌आ अ़चुचुप्‍ताङ्‌छुक्‍लिप्‍पाओचि म़लोचि, ‘बानानिन, अ़ङ्‌पापाओ अ़चुआसिखा कातोक्‌चि ओ! हेन्‍खामा मुन्‍माय़ङ ग़रिदाङ्‌काङा आम्‍नुओ निम्‍पाङ चुम्‍सायुङ्‌साओ हाङ्‌होन्‌दा त़वाङिन।

एफिसि 1:6

खोन्‌ओसा खोक्‍कोसाआ सोमाअ़तुक्‍ताङाओ अ़चुछालाम्‍पा आन्‍कान मोहा म़पुवाओ साम्‍स़रिओ अ़चुसोमातुक्‍माओ निम्‍पाङ आन्‍कान निनाम्‍हाङ चोन्‍तुम्‍ने।

रोमि 5:1

मोवात्‍नि साकोङ्‌छ़ङ्‌लाम्‍पा निनाम्‍हाङ्‌आ आन्‍कान साम्‌योक्‍मि म़काइसायुङ्‌सा। खोन्‌ओसा हान आन्‍हाङ्‌पा येसु ख्रिस्‍तलाम्‍पा निनाम्‍हाङ्‌एदा आन्‍कान सेवाङ्‌नि ह़ङिन।

कलस्‍सि 1:20

खोन्‍कि निनाम्‍हाङ्‌आ अ़चुछालाम्‍पा क्रुस्‌दाओ हेन्‍खोक्‌वाआ सेवाङ्‌नि अ़मुवाकि हेन्‍खामादाओने कि निनाम्‍मादुओङाने, खोक्‍कोलाम्‍पाङा झारा य़ङ्‌चि खोक्‍कोएदा तोङ्‌सि म़तारुचि।

एफिसि 3:21

खोक्‍कोसोओ अ़धुन-अ़धुन्‌तारि साम्‍भुङ खोन्‍कि ख्रिस्‍त येसुदा अ़धुन अ़चुऩङ्‌लोङ्‌ने! ओवात्‍निङा लिने।

एफिसि 3:10

खोन्‍कि खोक्‍कोसोओ अ़चुमित्‍चिऩङ साम्‍भुङ्‌लाम्‍पा निनाम्‍हाङ्‌ओ ब़द्‍धेकाखालाओ ताया निनाम्‍मादुओ युङ्‌खाचिदा हाङ्‌काचि कामुचि खोन्‍कि पाङ्‌कातोक्‌चिओ अ़चुरादा खाङ्‌मुमा दोराङा।

मत्‍ति 2:2

“यहुदिचिओ अ़चुहाङ म़लिसाओ अ़ऩङ्‌वा छा खादा म़युङ्‌याङ? आन्‍कान्‍का खोक्‍कोसोओ अ़चुसाङ्‌केन्‍मा बुसुहोन्‌या खाम्‍का, खोन्‍कि खोक्‍को ब़क्‍सि तान्‌युङ्‌सिन्‍का।”

मत्‍ति 25:40

खोन्‍किना हाङ्‌आ मोचि म़लोचि, ‘अ़नुछ्‍या, अ़ङ्‌का खानानिन लोनानिन, खानानिन्‌आ ओ अ़ङ्‌निछाचिएदाङ्‌का झारादा अ़चुप्‍पो अ़क्‍छा देत्‍नि त़मुम, मो खानानिन्‌आ अ़ङ्‌काङा त़मुवाङ्‌ऩङ्‌ओ।’