लुका 18:42 - बान्‍तावा राई

⁴² खोन्‍कि येसुआ खो अ़लोवा, “खाना खाकाखाङ लिसा! आम्‍साकोङ्‌छ़ङ्‌आ खाना त़नुसायुङ्‌सा।”

लुका 18:42 Referans Kwoze

लुका 17:19

खोन्‍किना येसुआ मो सामरियायाओ म़ना अ़लोवा, “पुवालोन्‍ताकि खारा, साकोङ्‌छ़ङ त़मुवाओसा खाना त़नुवायुङ्‌सा।”

लुका 8:48

खोन्‍कि येसुआ मो अ़लोवा, “अ़ङ्‌छा ओ, आम्‍साकोङ्‌छ़ङ्‌आ खाना त़नुसायुङ्‌सा। हान सेवाङ्‌नि खारा।”

मत्‍ति 8:3

खोक्‍कोसाआ अ़चुछुक अ़फेसाकि खो अ़नोप्‍ता खोन्‍कि अ़लोवा, “अ़ङ्‌का मिन्‍ङाङा, खाना नुवालावा!” खोन्‍कि मोन्‍ग़रिङा खोसोओ अ़क़माधामा सारिमादाङ्‌का नुवाखारा।

लुका 7:50

येसुआ मो मेत्‍छामा अ़लोवा, “खाना साकोङ्‌छ़ङ त़मुवाओसा निनाम्‍हाङ्‌आ खाना ऩलेइसायुङ्‌सा। हान मिन्‍राक मान्‍मुमाङ खारा।”

मत्‍ति 9:22

येसु म़हुसान्‍चिन खोन्‍कि खोक्‍कोसाआ मो मेत्‍छामा अ़खा खोन्‍कि अ़लोवा, “अ़ङ्‌छाओ, राक मुवा। आम्‍साकोङ्‌छ़ङ्‌आ खाना त़नुसायुङ्‌सा।” मो मेत्‍छामा मोन्‍ग़रिङा नुवालावा।

मत्‍ति 15:28

खोन्‍किना येसुआ मोसोओ अ़य़ङ अ़लासा, “मेत्‍छामा, आम्‍साकोङ्‌छ़ङ तोक्‍पो मुयाङ! खाना त़मिन्‌याङ्‌वा आम्‍को निम्‍पाङ मेत्‍प़।” मोसोओ अ़छा मेत्‍छाछा छा मोन्‍ग़रिङा नुवालावा।

लुका 18:41

“आम्‍को निकि अ़ङ्‌का दे मुनानेनि खाना त़मिन्‌याङ?” खोन्‍कि मोसाआ य़ङ्‌लासु, “हाङ्‌पो, अ़ङ्‌का लामाखाखाङ्‌मा ऱङाने!”