लुका 16:15 - बान्‍तावा राई

¹⁵ खोन्‍कि येसुआ म़लोचि, “खानानिन म़नाचिओ अ़चुबुदा आप्‍पि निनाम्‍हाङ्‌ओ अ़मिन्‍मावा काच़वात्‍नि खाङ्‌त़मुसिन्‍चिन, मेन निनाम्‍हाङ्‌आ आम्‍नुओ साकोङ्‌वा अ़सिन्‌याङ। म़नाचिआ दि तोक्‍पोनि अ़मित, मो निनाम्‍हाङ्‌आ अ़चुचिप्‍मा अ़कात।

लुका 16:15 Referans Kwoze

१ कोरिन्‍थि 4:5

खोन्‌ओसा काइसाओ ग़रिदाङ्‌का बुया दित्‍छाङ छ़ङ्‌मान्‍छेन्‌दानिन। हाङ्‌पा म़तालो हुङानुम। दि कुइयामादा कुमायुङ्‌सा, खोक्‍कोसाआ साम्‌दा म़तारुचि खोन्‍कि म़नाचिओ अ़चुसाकोङ्‌वादाओ अ़चुमित्‍चिऩङ्‌चि खाङ्‌म़मुसुचि। मोन्‍ग़रि झारा म़नाचिआ निनाम्‍हाङ्‌एदाङ्‌का अ़चुचोन्‍मा अ़तोक।

छाम्‍माय़ङ 15:8

आन्‍साकोङ्‌वादाओ य़ङ कासिन निनाम्‍हाङ्‌आ निरावाचिछाङ आन्‍कान म़पुवावाङा सेङ्‌लावा म़प़चिकि खोक्‍कोसा मोचि म़लोउचिओ काचि खाङ्‌अ़मुसा।

१ पत्रुस 3:4

आम्‍नुओ साकोङ्‌वा सिम्‍माय़ङ्‌आ खोन्‍कि सेवाङ्‌निओ लावाओ अ़लुक्‍निन्‌ओ चोङ्‌मायुआ चोङ्‌सानुम, मो निनाम्‍हाङ्‌ओ अ़चुबुदा अ़न्‍नुनु ब़द्‍धे अ़लुङ्‌ओ मुयाङ।

लुका 11:39

मेन हाङ्‌पाआ मो अ़लोवा, “खानानिन फरिसिचि फाङ्‌लान बुङ्‌खालिप्‍पा ना त़प़न्‍तुम, मेन आम्‍नुओ कोङ्‌हुत्‌या च़क्‍ख़य़ खोन्‍कि अ़त्‍लोआ भेप्‍तुयुङ्‌सु।

लुका 10:29

मेन मो आप्‍पि अ़नुवाक म़नानि खाङ्‌मुमान्‍चिन मिन्‍माआ येसु सेनु, “अ़ङ्‌तेन्‍पाङ साङ ए खा?”

खाङ्‌मुमा 2:23

अ़ङ्‌का मो कात़ङ्‌चि सेरुङ्‌च़ङ। खोन्‍कि झारा साम्‍भुङ्‌चिआ अ़सिन, अ़ङ्‌का खोङा ओ, झारासोओ अ़चुमिन्‍माचि खोन्‍कि अ़चुसाकोङ्‌वाचि लामुङ्‌च़ङ, खोन्‍कि खानानिन झारासा त़मुम्‌ओ आम्‍नुओ काचिचिओ सिरिफा अ़ङ्‌का लानाप़नानिन।

१ पत्रुस 5:5

मोवात्‍निङा सावाछाचि ओ, ताङ्‌पाचिओ अ़चुक़म्‍मादा युङानिन। खानानिन झारा सिम्‍सानिन्‍चिन्‌कि अ़क्‍छा निएदा फाकाफा मुवानिन, देकिनालो, “निनाम्‍हाङ्‌आ ऱक्‍भाक्‌चि फित्‍चि म़मुचि, मेन कासिम्‍नान्‍चिन्‌चि खोक्‍कोसाआ सोमाम़तुक्‍तुचि।”

रोमि 3:20

खोन्‌ओसा य़ङ्‌हुप्‌ओ काचिआ खाक्‍को म़नाछाङ खोक्‍कोसोओ अ़चुबुदा साम्‌योक्‍मि अ़कान्‍निन, देकिनालो य़ङ्‌हुप्‌आङा आन्‍कान देम हेवामि मुन्‌येन्‌ओ खाङ्‌म़मु।

युहन्‍ना 2:25

म़नाओ अ़तुक्‌वादा साङ्‌आछाङ खोक्‍को चिन्‍मा मान्‍दोत्‌याङ, देकिनालो म़नाओ अ़साकोङ्‌वादा दि याक, मो खोक्‍कोसाआ अ़सिन्‍ताङा।

मत्‍ति 23:5

मेन मोचिओ झारा अ़चुकाचि म़नाचि खाङ्‌मेत्‍मा निम्‍पाङ म़मु। देकिनालो मोचिओ अ़चुत़ऱबुप खोन्‍कि धिछुक्‌दाओ य़ङ्‌हुप छाप्‍लावा अ़धिवा अ़मु, खोन्‍कि अ़चुतित्‌चिओ झुम्‌युक्‌वाचि म़किसुचि।

लुका 18:21

मो म़नाआ येसु लासुलो, “ओ झारा य़ङ्‌चि ना अ़ङ्‌का अ़ङ्‌सावाछादाङ्‌काङा मुङ्‌युङ्‌सुङ्‌च़ङ।”

लुका 18:11

फरिसि पुवालोन्‍ताकि अ़कोङ्‌या यामारा, ‘निनाम्‍हाङ्‌पो, अ़ङ्‌का खानानिन आलाङ प़नानिन। देकिनालो अ़ङ्‌का नि म़नाचिवाको काच़न, अ़त्‍लोकाच़, ताङ्‌लान कामु माङ्‌लो ओ दाम्‍दुकालात्‌वाकोछाङ अ़ङ्‌का अ़मुऩङ्‌ऩङ।

छाम्‍माय़ङ 1:18

यहुदाआ अ़त्‍लो काचिआ दुउओ छेन्‍बिआ व़क खिरु। मो व़क्‌दाङा खो ताङ्‌कालेप्‍पा लिसाधाकि सुवादा, खोन्‍कि खोसोओ अ़बुक केराकि अ़थोक्‌चि म़लोन्‍ताखारा।

लुका 20:47

मोचिआ मेन्‍मित्‍माचिओ अ़चुखिम्‌चिदाओ चासुम्‍छेन्‍बिचि म़च़न्‍तुखात्‍तुप़चि, खोन्‍कि खाङ्‌मुमाओ निम्‍पाङ ब़द्‍धे मेत्‍लोदा याम़मात। ओ म़नाचिआ ब़द्‍धे चाअ़त्‍लो दन्‍दा अ़तोक।”

लुका 20:20

येसुआ काचि फिसु हे निकि मोचिआ अ़खायुङ्‌साङा, खोन्‍कि अ़नुवाक लिसिन्‌वा काच़चि खासुक्‍सि येसुएदा म़छुत्‍तुचि। देकिनालो येसु म़चेप्‌ओ अ़चुय़ङ्‌दा लाप्‍माकि रोमि धिखाहुप काखाङ्‌ओ अ़छुक्‌दा खोक्‍को पाक्‍माप़मानि म़मिनाङा।

मत्‍ति 6:16

खानानिन मान्‍चामाङ त़युङिन्‌हिदा कोङ्‌क़त्‌वाचिवात्‍नि आम्‍नुओ ङाइवा मान्‍सेत्‌दानुम। देकिनालो मोचिआ मान्‍चामाङ युङ्‌माय़ङ म़नाचि खाङ्‌मेत्‍माचि निम्‍पाङ मोचिओ अ़चुङाइवाचि म़सेरुचि। अ़नुछ्‍या अ़ङ्‌का खानानिन लोनानिन, मोचिआ अ़चुसिरिफा अ़तोक्‍ताचिआयुङ्‌सा।

मत्‍ति 6:5

खानानिन यात़मारिन्‌येन्‌हिदा कोङ्‌क़त्‌वाचिवा यामान्‍मात्‌दानिन, देकिनालो मोचि यावायोक्‍खिम्‌चिदा खोन्‍कि लाम्‌चिदात्‍निओ खुचुरोङ्‌चिदा म़नाचिआ अ़खाङ्‌ने निकिना एप्‌याङ्‌सा यामात्‍मा अ़चुऩङानु। अ़नुछ्‍या, अ़ङ्‌का खानानिन लोनानिन, मोचिआ अ़चुसिरिफा अ़तोक्‍ताचिआयुङ्‌सा।

मत्‍ति 6:2

खोन्‌ओसा खानानिन मान्‍तोक्‍कादा म़नाचि त़प़म्‍च़म्‌हिदा आम्‍नुओ बुदा थुथुरि मान्‍मुत्‌दानुम, मोवात्‍नि ना यावायोक्‍खिम्‌चिदा खोन्‍कि लाम्‌चिदा म़नाचिएदाङ्‌का चोन्‍लुमाओ निम्‍पाङ कोङ्‌क़त्‌वाचि म़च़। अ़नुछ्‍या, अ़ङ्‌का खानानिन लोनानिन, मोचिआ अ़चुसिरिफा अ़तोक्‍ताचिआयुङ्‌सा।

युहन्‍ना 21:17

खोक्‍कोसाआ मो सुम्‌कादुओदु अ़लोवा, “युहन्‍नाओ अ़छा सिमोन, दि खाना अ़ङ्‌का सोमात़तुक्‍ङा?” पत्रुस्‌ओ अ़राक सुवा, देकिनालो खोक्‍कोसाआ सुम्‌कादुओदु “दि खाना अ़ङ्‌का सोमात़तुक्‍ङा?” निकिना खो अ़सेना। मोसाआ खोक्‍को लो, “हाङ्‌पो, खानानिन झारा त़सिन्‍तुम्‌योम, अ़ङ्‌का सोमातुक्‍नानिन निकिना खानानिन त़सिन्‍तुम्‌योम।” येसुआ खो अ़लोवा, “अ़ङ्‌भेराचि चान्‍तुचि।

लुका 18:9

खोन्‍किना येसुआ आप्‍पिओन साम्‌योक्‍मिनि सोम्‍कुवा कामुचि खोन्‍कि निचि दिसुवा मान्‍मित्‍कादा खा-खाक्‍कोचि ओ दोय़ङ्‌ला खाम़एत्‍तुचि,

लुका 18:14

अ़ङ्‌का खानानिन लोनानिन, ओ दाम्‍दु कालात मो फरिसिदाङ्‌का निनाम्‍हाङ्‌ओ अ़चुमिन्‍मावा काच़नि काइसाकि अ़खिम्‌ह्‍यात्‍नि खारा। देकिनालो साङ आप्‍पि झोन्‍नान्‍चिन, मो सिम, खोन्‍कि साङ आप्‍पि सिम्‍नान्‍चिन, मो झोन।”

छाम्‍माय़ङ 1:24

खोन्‍किना मोचि अ़नुवाक म़ना छेन्‍मा निकिना झारा याम़मारा। मोचि म़य़ङा, “हाङ्‌पो, खानानिन झारा म़नाचिओ अ़चुसाकोङ्‌वा त़सिन्‍तुम्‌योम, ओ ह़वाङ्‌दा खाक्‍को खानानिन त़छेन्‍तुम्‌ओ, आन्‍कान्‍का खाङ्‌मेत्‍नि,

रोमि 8:27

खोन्‍कि म़नाचिओ अ़चुसाकोङ्‌वा काखाङ निनाम्‍हाङ्‌आ सेङ्‌लावाओ अ़चुमिन्‍मा दि ओ, मो अ़सिन, देकिनालो निनाम्‍हाङ्‌ओ अ़चुमित्‍चिऩङ्‌वात्‍नि सेङ्‌लावाआ निनाम्‍हाङ्‌ओ अ़चुम़नाचिओ निम्‍पाङ याम़मात।