लुका 16:10 - बान्‍तावा राई

¹⁰ “साङ अ़चुप्‍पो काचिदा मिन्‍माआ चालो काचि मु, मो म़नाआ अ़धिवा काचिदाछाङ मिन्‍माआ चालो काचि मु। खोन्‍कि साङ अ़चुप्‍पो काचिदा मिन्‍माआ अ़चान्‍लो काचि मु, मो म़ना अ़धिवा काचिदाछाङ मिन्‍माआ अ़चान्‍लो काचि मु।

लुका 16:10 Referans Kwoze

मत्‍ति 25:21

मोसोओ अ़हाङ्‌पाआ मो लासुलो, ‘नुलोक त़चुवा, अ़नुवाक खोन्‍कि सोम्‍कुवामुमायु हारुक। खाना उन्‍निदा सोम्‍कुवामुमायु त़लिसा, हान अ़ङ्‌का खाना ब़द्‍धे य़ङ्‌चिदा पाङ प़ना। खाना ताकि अ़ङ्‌काएनान अ़क्‍नि खाबाचादा आम्‍ऩङानुसान्‍चिन।’

लुका 19:17

खोन्‍कि हाङ्‌आ अ़हारुक लो, ‘त़छोसा, अ़नुवाक हारुक! खाना दस्‌कातात सहरादा पाङ्‌मुमा त़तोक्‍तु। देकिनालो खाना अ़चुप्‍पो काचिदा सोम्‍कुवामुमायु काचि त़मुवा।’

मत्‍ति 25:23

मोसोओ अ़हाङ्‌पाआ मोछाङ लासुलो, ‘नुलोक त़चुवा, अ़नुवाक खोन्‍कि सोम्‍कुवामुमायु हारुक। खाना उन्‍निदा सोम्‍कुवामुमायु त़लिसा, हान अ़ङ्‌का खाना ब़द्‍धे य़ङ्‌चिदा पाङ प़ना। खाना ताकि अ़ङ्‌काएनान अ़क्‍नि खाबाचादा आम्‍ऩङानुसान्‍चिन।’

हिब्रु 3:2

खोक्‍को कापाक निनाम्‍हाङ्‌एदा येसु अ़चुकाचिदा सोम्‍कुवा मुमा खान्‍तुओ म़मुवाङा, मोवात्‍निङा निनाम्‍हाङ्‌य़ङ खाकालु मोसाछाङ निनाम्‍हाङ्‌ओ अ़चुम़नाचिएदा अ़काचि मुमादा सोम्‍कुवा मुमा खान्‍तुओ मुवाङा।

युहन्‍ना 12:6

मेन मोसाआ मान्‍तोक्‍कादाचि मित्‍तुचिकि ओवात्‍नि य़ङाओ माआङ। देकिनालो मो काख़पा ओ, खोन्‍कि फेक्‌वाओ बेखा मोसाआङा युङ्‌सुङु, खोन्‍कि मोदा याआङाओ आप्‍पिओ निम्‍पाङ याङुङु।

युहन्‍ना 13:27

पेम्‍पाक्‌ओ अ़धाङ चोचिउङुवा सैताना मो हुत्‌दा वाङा। खोन्‍कि येसुआ मो अ़लोवा, “खाना दे च़मा त़लाम्‌याङ, मो च़क्‍नि मु।”

युहन्‍ना 13:2

खोन्‍कि अ़नाम्‍प़क्‌ओ चा-चामा ग़रि दियाबलस्‌आ सिमोन्‌ओ अ़छा यहुदा इस्‍करियोत्‌ओ अ़मिन्‍मादा येसु धान्‍मा मिन्‍मा बुयाङा पाक्‍तुप़युङ्‌सु।

मत्‍ति 24:45

सोम्‍कुवा मुमाय़ङ खोन्‍कि खारु कातोक खिम काचि काखाङ साङ ओ? खोसोओ अ़हाङ्‌पाआ नि अ़हारुक्‌चि खोसोओ अ़छुक्‌दा अ़पाक्‌कि मोचिआ चामादोत्‌ओ ग़रिदा मोचिओ अ़चुचामा, दुङ्‌मायु काप़ अ़मु।