लुका 13:26 - बान्‍तावा राई

²⁶ खोन्‍किना खानानिन य़ङ्‌मा त़पुङ्‌सुम, ‘आन्‍कान्‍का खानानिन्‌एनान्‌ङा चान्‍का, दुङिन्‍का खोन्‍कि आन्‍काओ लाम्‌चिदा खानानिन्‌आ त़चिन्‍नि।’

लुका 13:26 Referans Kwoze

तितस 1:16

मोचि “निनाम्‍हाङ सिन्‍तुङ्‌योङ”नि ना म़य़ङ, मेन मोचिओ अ़चुकाचिआ ओन निनाम्‍हाङ ऩङाअ़छित निकिना खाङ्‌मुसु। मोचि ना चिप्‍माकात्‍तुचिओ, लोमान्‍तेत खोन्‍कि खाक्‍कोछाङ अ़नुवाक काचि मुमा खान्‍तुओचि मात्‍द़ङ्‌चि।

२ तिमोथि 3:5

साम्‌योक्‍मिवात्‍नि लिमा म़लाम, मेन मोसोओ अ़सावा ऩङाअ़छित। ओवाको म़नाचिदाङ्‌का अ़थाया युङा।

लुका 3:8

खानानिन्‌आ अ़नुछ्‍याङा हेवा त़छिरुम्‌निओ य़ङ आम्‍नुओ काचिसिवालाम्‍पा खाङ्‌मुसानुम। खोन्‍कि ‘आन्‍कान अब्राहाम्‌ओ अ़छावारिचि लिसिन्‌ओसा निनाम्‍हाङ्‌ओ अ़चुमाइसुङ्‌दाङ्‌का लेरिन्‍का’नि आम्‍नुओ मिन्‍मादा मान्‌य़ङ्‌दानिन। अ़ङ्‌का खानानिन लोनाङ्‌नानिन, निनाम्‍हाङ्‌आ ओ लुङ्‌चिदाङ्‌काछाङ अब्राहाम्‌ओ अ़छावारिचि मुमा म़ऱचि।

लुका 13:27

मेन खोसाआ ऩलोन, ‘अ़ङ्‌का खानानिन लोनानिन, खानानिन खादाङ्‌का त़तान्‌ओ, खानानिन साङ्‌चि ओ, अ़ङ्‌का अ़सिन्‍नानिमिन। अ़त्‍लो काचि कामुचि ओ, खानानिन झारा अ़ङ्‌काएदाङ्‌का खारालावानिन!’