लुका 13:19 - बान्‍तावा राई

¹⁹ निनाम्‍हाङ्‌ओ अ़चुहाङ्‌होन ओवाको ओ: अ़क्‍छाआ प़सैओ अ़ल़वा खात्‍तुकि अ़व़क्‌दा वेत्‍तु। खोन्‍कि मो पोन्‌कि अ़क्‌तात स़ङ्‌ताङ्‌वात्‍नि झोन्‍लो लि। नाम्‍छ़ऱदुओ छोङ्‌वाचि मोसोओ अ़खेक्‌चिदात्‍नि याङ म़पाक।”

लुका 13:19 Referans Kwoze

छाम्‍माय़ङ 4:4

मेन मो निनाम्‍हाङ्‌य़ङ काएन्‍चिएदाङ्‌का ब़द्‍धेकापाङ्‌आ येसुदा साकोङ्‌छ़ङ म़मुवा, खोन्‍कि साकोङ्‌छ़ङ कामुपाचिओ अ़चुखिप्‍मा पोयाकि आप्‍फात पाच हजारा म़लिसा।

छाम्‍माय़ङ 2:41

खोन्‍किना खा-खाक्‍कोचि पत्रुस्‌आ लोचिओ य़ङ्‌दा साकोङ्‌छ़ङ म़मुवा, मोचि छाम्‍माय़ङ्‌चिआ बप्‍तिस्‍मा म़प़चि। खोन्‍कि मो लेन अ़चुरुहुप्‌दा आप्‍फात सुम्‌काहजारालेका म़नाचि म़तेप्‍ता।

छाम्‍माय़ङ 21:20

मोचिआ ओ य़ङ अ़एनाकि निनाम्‍हाङ्‌ओ अ़चुऩङ झारासा अ़लोङ्‌सा। खोन्‍किना खोचिआ पावल अ़लोवा, “एनाखानुम पावल निछा, ओदाछाङ अ़हजारा-हजारा यहुदिचिआ हाङ्‌पा साकोङ्‌छ़ङ अ़मुवाकि निनाम्‍हाङ्‌य़ङ खाकालु मोसाओ अ़य़ङ्‌हुप्‌वा च़मादा अ़चुमिन्‍मा अ़पाक।

मत्‍ति 17:20

खोक्‍कोसाआ मोचि म़लासुलोचि, “आम्‍नुओ साकोङ्‌छ़ङ अ़चिलोक याक्‌याङ्‌ओसा ओ। अ़नुछ्‍या, अ़ङ्‌का खानानिन लोनानिन, खानानिन्‌एदा अ़क बोप प़सैओ अ़ल़वा ओन्‍को ओन्‍ङा आम्‍नुओ साकोङ्‌छ़ङ याक्‌याङ्‌नालो ओ भ़ऱ ‘ओदाङ्‌का खारालावा!’नि त़लोम्‌नालो मो खात्‍लाप़। खोन्‍कि खानानिन्‌आ मुमा त़ऱन्‍मिन्‌ओ दित्‍छाङ मात्‍द़ङ।

खाङ्‌मुमा 11:15

खोन्‍किना सात्‌कातात्‌ओ निनाम्‍हाङ काफाआ अ़थुथुरि मुत्‍तु, खोन्‍कि निनाम्‍मादु ओवात्‍नि य़ङाङाओ अ़धिवा य़ङ्‌चि मुक्‍तुचि, “हेन्‍खामादाओ हाङ्‌होन आन्‍हाङ्‌पा निनाम्‍हाङ्‌ओ खोन्‍कि खोक्‍कोसोओ अ़चुख्रिस्‍तओ हाङ्‌होन लिसायुङ्‌सा, खोन्‍कि खोक्‍को अ़धुन्‌तारि हाङ म़मुयुङ!”

रोमि 15:19

ओ म़दोम्‍दाओ काचिचि, सावापोरिओ बुन्‌चि, सेङ्‌लावाओ अ़चुसावालाम्‍पा अ़ङ्‌का मुङ्‌युङ्‌सुङ। ओवात्‍नि यरुसलेम्‌दाङ्‌का इल्‍लुरिकन भेप्‍लो झारादात्‍नि ख्रिस्‍तओ अ़चुनुय़ङ्‌खान अ़ङ्‌का खालुसुङ्‌युङ्‌सुङ।

लुका 17:6

खोन्‍कि हाङ्‌पाआ म़लासुलोचि, “खानानिन्‌एदा प़सैओ अ़ल़वा ओन्‍को आम्‍नुओ साकोङ्‌छ़ङ याक्‌याङ्‌नालो खानानिन ओ खेत्‍लाङ्‌बेतिताङ ‘खाना धेलान्‍चिन्‍कि धियाङ्‌वामादा लित्‍तान्‍चिन!’नि त़लोम्‌नालो मो काङ।

मर्कुस 4:30

खोन्‍किना येसुआ म़लोचि, “निनाम्‍हाङ्‌ओ अ़चुहाङ्‌होन दिएनान तोङ्‌सुम्‍खाम? माङ्‌लो ओ खालुमा खाक्‍को दोय़ङ्‌ला आन्‍कान याङुम?