लुका 12:37 - बान्‍तावा राई

³⁷ मो हारुक्‌चि आसिखा कातोक्‌चि ओ, साङ्‌चिओ अ़चुहाङ्‌पा खिम्‌दा लाताहिदा मान्‌इम्‍दाम़युक्‌ओ म़धिरुचि। अ़ङ्‌का खानानिन नुछ्‍याङा लोनानिन, हाङ्‌पाआ अ़छुमाय़क छ़सुकि मो हारुक्‌चि चा चाखादा चासि युङ्‌म़मेत्‍तुचि खोन्‍कि खो वाङ्‌कि मोचि म़ब़रुचि।

लुका 12:37 Referans Kwoze

२ पत्रुस 3:14

खोन्‌ओसा सोमातुक्‍नाङ्‌नानिन्‌ओ अ़ङ्‌यावाचि ओ, ओ य़ङ्‌चि काहुङ्‌चिओसा निनाम्‍हाङ्‌ओ अ़चुखाङ्‌मादा खानानिन थुपि खोन्‍कि ह़त्‍माय़ङ मात्‍द़ङ्‌ओ सेवाङ्‌निओ ह़ङ्‌म़ङ ह़ङानिन।

मत्‍ति 24:42

खोन्‌ओसा चाप्‍चाप्‍चाप्‌वा युङानिन, देकिनालो खाउ लेन आम्‍नुओ हाङ्‌पा म़ता, खानानिन त़सिन्‍तिमिन्‌येन।

फिलिप्‍पि 1:23

अ़ङ्‌का ना हाक्‍हाक्‍किरा लिसाङ्‌युङ्‌साङ। हामान्‍चिन्‌कि ख्रिस्‍तएनान युङ्‌मा स़ङाङा, देकिनालो ओ ब़द्‍धे अ़नुवाक मुयाङ।

१ कोरिन्‍थि 2:9

मेन ओवात्‍नि छाप्‌याङ, “म़नाआ देम्‍खाछाङ मान्‍खाङ्‌युक्‍तुओ, अ़नाबाक्‌आ मान्‌एन्‌युक्‍तुओ, देम्‍खाछाङ मान्‍मित्‌दोओ य़ङ निनाम्‍हाङ्‌आ खोक्‍को सोमाकातुक्‌चिओ निम्‍पाङ म़चुम्‍सुप़युङ्‌सुचि।”

खाङ्‌मुमा 14:13

खोन्‍किना निनाम्‍मादुङ्‌का ओवात्‍नि य़ङाओ अ़क्‌तात य़ङ अ़ङ्‌का एनुङ, “ओ छाप्‍तु: ओदाङ्‌का ह्‍यात्‍नि हाङ्‌पाएदा कास़चि आसिखा कातोक्‌चि ओ।” लावा म़य़ङ्‌याङ, “उवा, मोचिओ अ़चुकाचिदाङ्‌का सावा म़तोम, देकिनालो खोचिआ अ़मुवाओ य़ङ्‌दा सिरिफा म़प़चि।”

२ पत्रुस 1:11

खोन्‍नालो खानानिन आन्‍हाङ्‌पा खोन्‍कि कालेन्‍पा येसु ख्रिस्‍तओ अ़धुन्‌ओ अ़चुहाङ्‌होन्‌दा अ़धिवो साऩङ्‌वाएनान वाङ्‌मा त़तोक्‍तुम।

युहन्‍ना 12:26

साङ अ़ङ्‌का ब़त्‍मास़नालो मोसाआ अ़ङ्‌का अ़त़ङ्‌ङाने, खोन्‍कि अ़ङ्‌का खादा युङ्‌ङा, अ़ङ्‌का काब़त्‌छाङ मोदाङा युङ। साङ्‌आ अ़ङ्‌का अ़ब़त्‍ङा, अ़ङ्‌पापाआ मो साया अ़मेत।

लुका 21:36

खोन्‌ओसा तामा मुयाङ्‌ओ झारा य़ङ्‌चिदाङ्‌का रात्‍मा त़ऱन्‍चिन्‍ने निकि अ़ङ्‌का म़नाओ अ़छाओ अ़ङ्‌बुदा एप्‍मा त़ऱन्‍ने निकिना अ़धुन चेत्‍चेत्‍चेत्‌वा युङानिन्‌कि यामारानिन।”

खाङ्‌मुमा 7:17

देकिनालो हाङ्‌युङ्‌खाओ अ़रादा कायुङ थुबाछा मोचिओ अ़चुकाखाङ म़लिकि म़रात्‍तुचि। खोक्‍कोसाआ मोचि अ़ह़ङ बोन्‌वा चाक्‌वादा म़तित्‍तुखात्‍तुचि। खोन्‍कि निनाम्‍हाङ्‌आ मोचिओ अ़चुम़क्‌चिदाङ्‌का झारा अ़चुम़क्‌वाचि म़त़क्‍तुप़चि।”

खाङ्‌मुमा 3:21

साङ छो, खो अ़ङ्‌का अ़ङ्‌हाङ्‌मुखादा अ़ङ्‌काएनान युङ्‌मा प़ङ, देत्‍नि अ़ङ्‌का आप्‍पिछाङ छोसाङ खोन्‍कि अ़ङ्‌पापाएनान खोक्‍कोसोओ अ़चुहाङ्‌युङ्‌खादा युङ्‌ङाङा।

फिलिप्‍पि 1:21

देकिनालो अ़ङ्‌का ख्रिस्‍तओ निम्‍पाङ ह़ङ्‌ङाङा, खोन्‍कि स़मा अ़नुवाक ओ।

लुका 17:8

दि मोसाआ मो अ़हारुक ‘अ़ङ्‌का चा कुक्‍ताङ्‌पुवाङ खोन्‍कि अ़ङ्‌का ब़त्‍सि चुम्‍सान्‍चिन्‌कि अ़ङ्‌का चाङादुङ्‌ङा चिन्‍ङातारि ब़राङ। खोन्‍किना ओन्‍ङा खाना चामादुङ्‌मा त़ऱ’नि अ़लोन कि?

लुका 12:43

मो आसिखा कातोक हारुक ओ, मो अ़हाङ्‌पा लाताहिदा मोवात्‍निङा च़याङ्‌ओ धिरु।

लुका 12:36

हाङ्‌पा सायाकाम्‍माओ खाबाचादाङ्‌का लाबान्‌कि लाप्‍तिखोप तोलुहिदा च़क्‍नि लाप्‍तिखोप होत्‍माप़मा काऱ हारुक्‌चिवात्‍नि खानानिन लिसानिन।

लुका 22:27

अ़धिवाङ साङ ओ, चा-चासि कायुङ हे काब़त? दि चा-चासि कायुङ माआङ कि? मेन अ़ङ्‌का आम्‍नुओ रादा अ़क्‍छा काब़त्‍पावाको मुङाङा।

खाङ्‌मुमा 16:15

मोचिआ हाङ्‌चि मोदा म़कोउचि मो हिब्रु य़ङ्‌दा ‘आरमागेद्‍दोन’नि लो। हाङ्‌पा म़य़ङ्‌याङ, “खानुम, अ़ङ्‌का काख़पावा ताङा! मो आसिखा कातोक ओ। साङ चाप्‍चाप्‍चाप्‌वा युङ, खोन्‍कि अ़तित हुम्‍सु। मोवात्‍नि मो म़ना अ़कालाङ्‌द़क कोन्‍मा खोन्‍कि अ़लेजो कात्‍मा अ़दोत्‍निन।”