लुका 1:78 - बान्‍तावा राई

⁷⁸ आन्‍निनाम्‍हाङ ब़द्‍धे सोमाकातुक म़युङ्‌याङ, खोन्‌ओसा खोक्‍कोसाआ लोन्‌याङ्‍ओ नाम्‍साम निनाम्‍माचोक्‌दुङ्‌का आन्‍कान्‌एदा अ़य़।

लुका 1:78 Referans Kwoze

२ पत्रुस 1:19

खोन्‍कि निनाम्‍हाङ्‌य़ङ खाकालुचिओ अ़चुय़ङ आन्‍कान्‌एदा च़लोक सोम्‍कुवा मुमा खान्‍तुओ मुयाङ। देकिनालो फ़ऱऱवा खादात्‌याङ्‌ओ लेन मान्‍तायुक्‌तारि खोन्‍कि आम्‍नुओ साकोङ्‌वादा अ़वाय़ङ्‌ओ साङ्‌केन्‍मा मान्‍लोन्‌युक्‌तारि कुन्‌यामादा लेत्‌याङ्‌ओ कुपिवा खानानिन्‌आ ओ य़ङ्‌दा नुलोक मिन्‍मा पाक्‍तानुम।

कलस्‍सि 3:12

ओवात्‍नि निनाम्‍हाङ्‌आ ऩछेन्‍तिन्‌ओ सेङ्‌याङ्‌ओकि सोमा ऩतुक्‍तिन्‌ओ म़नाचि त़लिसिन्‌ओसा खानानिन नोत्‍चिचिवाओ, सोमाकातुक, अ़नुवाक, कासिम्‍नान्‍चिन खोन्‍कि काहुङ लिसानिन।

फिलिप्‍पि 2:1

मोवात्‍नि ख्रिस्‍तएदा अ़क्‍भोम लिमादा अ़क्‍चित राक याक्‌याङ्‌नालो, खोक्‍कोसोओ अ़चुसोमातुक्‍मादाङ्‌काओ अ़क्‍चित सोम्‍सेत्‍मा याक्‌याङ्‌नालो, निनाम्‍हाङ लावाएनान्‌ओ अ़क्‍चित यावायोक युङ्‌याङ्‌नालो, अ़क्‍छा निएदा सोमातुक्‍मा खोन्‍कि सोम्‍मासेत्‍माय़ङ अ़क्‍चित युङ्‌याङ्‌नालो,

एफिसि 5:14

खाक्‍को य़ङ नुलोक दात, मोङा साम ओ। खोन्‌ओसा साम्‍कालिन ओवात्‍नि य़ङ्‌याङ: “दुखुप्‌दा त़छुक्‍ता ओ, थिन्‍ता। खोन्‍कि त़सुवादाओदाङ्‌का पुवालोन्‍ता, खोन्‍कि ख्रिस्‍तआ खाना साम ऩप़।”

खाङ्‌मुमा 22:16

“अ़ङ्‌का येसुआ खानाएदा साम्‍भुङ्‌चिओ निम्‍पाङ ओ य़ङ्‌खान प़सि अ़ङ्‌को अ़ङ्‌काफा छुत्‍तुङ्‌युङ्‌सुङ। अ़ङ्‌का दाउद भुङ्‌ओ अ़भेन खोन्‍कि खोसोओ हाङ्‌कामु पाङ्‌यि कातोक ओ। अ़ङ्‌का अ़वाय़ङ लेत्‌याङ्‌ओ साङ्‌केन्‍मा ओ।”

१ युहन्‍ना 3:17

मेन हेन्‍खामादाओ चासुम्‍छेन्‍बि कातोक्‌आ साकोङ्‌छ़ङ कामु हाप्‍ताओ खाकिछाङ अ़साकोङ्‌वा खोएदा छाक्‍लो मुनालो निनाम्‍हाङ्‌ओ अ़चुसोम्‍तुक्‍मा मोएदा देत्‍नि याक?

फिलिप्‍पि 1:8

येसु ख्रिस्‍तआ खानानिन देत्‍नि सोमाऩतुक्‍तिन, मोवात्‍निङा अ़ङ्‌काछाङ खानानिन झारा सोमातुक्‍नाङ्‌नानिन निकिना निनाम्‍हाङ अ़ङ्‌सालुम्‍स़ङ म़युङ्‌याङ।

युहन्‍ना 3:16

निनाम्‍हाङ्‌आ हेन्‍खामा ओवात्‍नि सोमाअ़तुक्‍ता, खोक्‍कोसाआ आप्‍पिओ अ़क्‍छा ओन्‍ङा ओ अ़चुछा म़पुवा, खोन्‍कि खोक्‍कोएदा साकोङ्‌छ़ङ कामु साङ्‌छाङ अ़स़निन्‍ने, मेन मोसाआ अ़लुक्‍निन्‌ओ ह़ङ्‌म़ङ तोक्‍तुने।