युहन्‍ना 8:42 - बान्‍तावा राई

⁴² येसुआ मोचि म़लोचि, “निनाम्‍हाङ आम्‍नुओ पाओनालो ना खानानिन्‌आ अ़ङ्‌का सोमात़तुक्‍ताङ्‌ऩङ्‌ओ। देकिनालो अ़ङ्‌का निनाम्‍हाङ्‌एदाङ्‌का ताङ्‌ओ। अ़ङ्‌का अ़ङ्‌मिन्‍माआ ताङ्‌ओ माआङ, मेन खोक्‍कोसाआ अ़ङ्‌का ऩछुत्‍ताङ्‍ओ।

युहन्‍ना 8:42 Referans Kwoze

युहन्‍ना 12:49

देकिनालो अ़ङ्‌का अ़ङ्‌आप्‍पिओ पाङ्‌दाङ्‌का मान्‍चेप्‍ङा, मेन अ़ङ्‌का दे य़ङ्‌मादोत्‌ओ खोन्‍कि दि चेप्‍मादोत्‌ओ, अ़ङ्‌का काछुत पापा निनाम्‍हाङ्‌आ अ़ङ्‌का ऩलोवाङ्‌युङ्‌साङ।

युहन्‍ना 14:10

अ़ङ्‌का अ़ङ्‌पापाएदा याक्‍ङाङा, खोन्‍कि अ़ङ्‌पापा अ़ङ्‌काएदा म़याक्‌याङ्‌नि दि खाना साकोङ्‌छ़ङ त़मुनान? खाक्‍को य़ङ अ़ङ्‌का खानानिन लोनाङ्‌नानिन मो अ़ङ्‌का अ़ङ्‌पाङ्‌दा लोनानिन्‌ओ माआङ, मेन अ़ङ्‌काएदा कायाक्‍पा अ़ङ्‌पापाआ अ़चुकाचि अ़मु।

युहन्‍ना 17:8

देकिनालो खाक्‍को य़ङ खानानिन्‌आ अ़ङ्‌का त़प़नि, अ़ङ्‌का मोचि प़ङ्‌युङ्‌सुङ्‌च़ङ, खोन्‍कि मोचिआ मो अ़लोआयुङ्‌सा। अ़ङ्‌का खानानिन्‌एदाङ्‌का ताङ्‌ओ निकिना मोचिआ अ़नुछ्‍या अ़सिन्‍तायुङ्‌सा, खोन्‍कि खानानिन्‌आ अ़ङ्‌का त़छुत्‍निओ निकिना मोचि साकोङ्‌छ़ङ म़मुवायुङ्‌सा।

युहन्‍ना 17:25

साम्‌योक्‍मि आपो, हेन्‍खामादाओ म़नाचिआ खानानिन ऩसिन्‍तिमिन, मेन अ़ङ्‌का खानानिन सिन्‍नानिन, खोन्‍कि खानानिन्‌आ अ़ङ्‌का त़छुत्‍निओ ओ काखेङ्‌पाचिआ अ़सिन।

युहन्‍ना 1:14

मो य़ङ पोक लिसाकि आन्‍रादा म़याआ। युहन्‍नाआ खोक्‍कोसोओ अ़चुतुक्‌वादा सालुम्‍स़ङ प़याङ्‌सा म़लोचि, “साङ्‌कोओ अ़चुतुक्‌वादा अ़ङ्‌का खानानिन लोनानिन, खोक्‍को ओङा ओ, अ़ङ्‌कादाङ्‌का आदेङ म़ताओ तोक्‍पो म़मुयाङ, देकिनालो खोक्‍को अ़ङ्‌कादाङ्‌का बुयाङा म़युङाङा।” आन्‍कान्‍का खोक्‍कोसोओ अ़चुसाम खाम्‌युङ्‌सुम्‍का। खोक्‍को निनाम्‍हाङ पापाओ अ़क्‍छा ओन्‍ङा अ़चुछा खान्‍तुलो तोक्‍पो म़मुवाङा। मो य़ङ सोम्‍तुक्‍मायु खोन्‍कि अ़छ़ङ्‌आ भेप्‍तुओ म़मुवाङा।

१ युहन्‍ना 4:14

निनाम्‍हाङ पापाआ अ़चुओ छा हेन्‍खामादाओ म़नाचि लेइसि अ़य़साओ आन्‍कान्‍का खाम्‍का खोन्‍कि अ़चुसालुम्‍स़ङ प़म्‌योम्‍च़म्‍का।

युहन्‍ना 5:43

अ़ङ्‌का अ़ङ्‌पापाओ अ़चुऩङ्‌दा ताङ्‌युङ्‌साङ, मेन खानानिन्‌आ अ़ङ्‌का मान्‍लोक्‍त़दाङ्‌ऩङ। नि साङ आप्‍पिओ अ़ऩङ्‌दा तानालो मो त़लोउम।

१ कोरिन्‍थि 16:22

साङ्‌आ हाङ्‌पा सोमाअ़तुक्‍तुन्‌नालो मो माङ्‌हिम्‍ने! आन्‍काओ हाङ्‌पो, तानिन!

युहन्‍ना 3:17

निनाम्‍हाङ्‌आ हेन्‍खामा लाहि पाक्‍माओ निम्‍पाङ अ़चुछा हेन्‍खामादा मान्‌य़अ़दा, मेन हेन्‍खामा खोक्‍कोलाम्‍पा लेन्‍ने निकिना अ़य़सा।

युहन्‍ना 5:23

खोन्‍कि देत्‍नि मोचिआ पापा साया अ़मेत, मोवात्‍निङा झारासाआ अ़चुछा साया अ़मेत्‍ने। साङ्‌आ अ़चुछा साया अ़मेत्‍तुन, खो काछुत पापाछाङ साया अ़मेत्‍तुन।

खाङ्‌मुमा 22:1

खोन्‍किना निनाम्‍हाङ काफाआ अ़ङ्‌का फत्‍किरिवाको छोक्‍छोक्‍छोक्‌वाओ ह़ङ्‌म़ङ काप़ चाक्‌वाओ याङ्‌वामा खाङ्‌अ़मेत्‍ताङ। मो याङ्‌वामा निनाम्‍हाङ्‌ओ खोन्‍कि थुबाछाओ हाङ्‌युङ्‌खादाङ्‌का लोन्‍ताकि

गलाति 4:4

मेन ग़रि तालाकि निनाम्‍हाङ्‌आ अ़चुछा अ़य़सा। खोक्‍को अ़क्‍छा मेत्‍छामाएदाङ्‌का म़पुक्‍तान्‍चिन, खोन्‍कि यहुदि य़ङ्‌हुप्‌ओ अ़पाङ्‌दा म़पुक्‍तान्‍चिन।

युहन्‍ना 8:14

येसुआ म़लासुलोचि, “अ़ङ्‌का आप्‍पि अ़ङ्‌तुक्‌वादा सालुम्‍स़ङ प़ङ्‌नुछाङ अ़ङ्‌सालुम्‍स़ङ अ़छ़ङ मुयाङ। देकिनालो अ़ङ्‌का सिन्‍तुङ्‌योङ, अ़ङ्‌का खादाङ्‌का ताङ्‌ओ खोन्‍कि अ़ङ्‌का खादा खात्‍ङाङा। मेन खानानिन त़सिन्‍तिमिन, अ़ङ्‌का खादाङ्‌का ताङ माङ्‌लो खादा खात्‍ङाङा।

युहन्‍ना 13:3

निनाम्‍हाङ पापाआ झारा सामा खोक्‍कोसोओ अ़चुछुक्‌दा अ़पुवाओ खोन्‍कि खोक्‍को निनाम्‍हाङ्‌लाम्‍पा म़ताओ खोन्‍कि निनाम्‍हाङ्‌एदा म़खात्‌याङ्‌नि येसुआ अ़सिन्‍ताङा।

युहन्‍ना 16:30

हान आन्‍कान्‍का तुप्‍तुम्‍का, खानानिन झारा य़ङ त़सिन्‍तुम्‌योम, खोन्‍किना साङ्‌आछाङ खानानिन सेन्‍मा अ़दोत्‍निन। ओ लाम्‍पाङा खानानिन निनाम्‍हाङ्‌एदाङ्‌का त़तान ओ निकिना आन्‍कान्‍का साकोङ्‌छ़ङ मुन्‍का।”

१ युहन्‍ना 5:20

आन्‍कान सिन्‍तुम्‌योम निनाम्‍हाङ्‌ओ अ़चुछा म़तायुङ्‌सा, खोन्‍कि अ़छ़ङ निनाम्‍हाङ आन्‍कान खाङ्‌म़मेत्‍तायुङ्‌सा। मोवात्‍नि आन्‍कान निनाम्‍हाङ अ़छ़ङ म़मुयाङ निकिना सिन्‍तुम्‍ने। खोन्‍कि ओन्‍ग़रि आन्‍कान अ़छ़ङ निनाम्‍हाङ्‌एनान अ़क्‍नि याइन्‌येन, देकिनालो खोक्‍कोसोओ अ़चुओ छा येसु ख्रिस्‍तएनान आन्‍कान यावायोक्‌दा अ़क्‍नि याइन्‌येन। खोक्‍को अ़छ़ङ निनाम्‍हाङ खोन्‍कि अ़लुक्‍निन्‌ओ ह़ङ्‌म़ङ म़युङ्‌याङ।