युहन्‍ना 8:23 - बान्‍तावा राई

²³ खोन्‍किना खोक्‍कोसाआ मोचि म़लोचि, “खानानिन ह्‍युनाओचि ओ, अ़ङ्‌का धानाओ ओ। खानानिन ओ हेन्‍खामादाओचि ओ, अ़ङ्‌का ओ हेन्‍खामादाओ माआङ।

युहन्‍ना 8:23 Referans Kwoze

युहन्‍ना 3:31

धानाङ्‌का काय़ झारादाङ्‌का म़झोन्‌याङ। हेन्‍खामादा लिओ म़ना हेन्‍खामादाओङा ओ, खोन्‍कि हेन्‍खामादाओ य़ङ्‌चि म़चेप। निनाम्‍मादुङ्‌का काय़ झारादाङ्‌का म़झोन्‌याङ।

युहन्‍ना 17:16

देत्‍नि अ़ङ्‌का हेन्‍खामादाओ माआङ, मोवात्‍नि मोचिछाङ हेन्‍खामादाओचि माआङ।

युहन्‍ना 17:14

अ़ङ्‌का मोचि आम्‍नुओ य़ङ प़ङ्‌च़ङ, खोन्‍कि हेन्‍खामाआ मोचि ऩङाछिरुचि, देकिनालो मोचि हेन्‍खामादाओचि माआङ, देत्‍नि अ़ङ्‌काछाङ हेन्‍खामादाओ माआङ।

याकुब 4:4

ताङ्‌लान कामु म़नाचि ओ, हेन्‍खामाएनान यावाकामु ना निनाम्‍हाङ्‌ओ अ़चुङेङ्‌ओनि दि खानानिन त़सिन्‍तिमिन्‌येन? खोन्‌ओसा साङ हेन्‍खामाओ अ़यावा लिमा लाम, मो निनाम्‍हाङ्‌ओ अ़चुङेङ लि।

युहन्‍ना 3:13

निनाम्‍मादुङ्‌का काधा म़नाओ अ़छादाङ्‌का साङ्‌छाङ निनाम्‍मादु मान्‌वाङ्‌युक।

युहन्‍ना 1:14

मो य़ङ पोक लिसाकि आन्‍रादा म़याआ। युहन्‍नाआ खोक्‍कोसोओ अ़चुतुक्‌वादा सालुम्‍स़ङ प़याङ्‌सा म़लोचि, “साङ्‌कोओ अ़चुतुक्‌वादा अ़ङ्‌का खानानिन लोनानिन, खोक्‍को ओङा ओ, अ़ङ्‌कादाङ्‌का आदेङ म़ताओ तोक्‍पो म़मुयाङ, देकिनालो खोक्‍को अ़ङ्‌कादाङ्‌का बुयाङा म़युङाङा।” आन्‍कान्‍का खोक्‍कोसोओ अ़चुसाम खाम्‌युङ्‌सुम्‍का। खोक्‍को निनाम्‍हाङ पापाओ अ़क्‍छा ओन्‍ङा अ़चुछा खान्‍तुलो तोक्‍पो म़मुवाङा। मो य़ङ सोम्‍तुक्‍मायु खोन्‍कि अ़छ़ङ्‌आ भेप्‍तुओ म़मुवाङा।