युहन्‍ना 7:29 - बान्‍तावा राई

²⁹ खानानिन्‌आ खोक्‍को त़सिन्‍तिमिन। मेन अ़ङ्‌का खोक्‍को सिन्‍तुङ, देकिनालो अ़ङ्‌का खोक्‍कोलाम्‍पा ताङ्‌ओ, खोन्‍कि खोक्‍कोसाआ अ़ङ्‌का ऩछुत्‍ताङ्‌ओ।”

युहन्‍ना 7:29 Referans Kwoze

युहन्‍ना 8:55

खानानिन्‌आ खोक्‍को मान्‍सिन्‍त़युक्‍तुम, मेन अ़ङ्‌का खोक्‍को सिन्‍तुङ। अ़ङ्‌का खोक्‍को ‘मान्‍सिन्‌युक्‍तुङ’नि य़ङ्‌ङानालो अ़ङ्‌का खानानिन्‌वा सोज्‍जेओ लिङा। मेन अ़ङ्‌का खोक्‍को सिन्‍तुङ, खोन्‍कि खोक्‍कोसोओ अ़चुय़ङ्‌वा च़ङा।

मत्‍ति 11:27

खोन्‍किना येसु म़य़ङा, “अ़ङ्‌पापाआ झारा सामाचिएदा पाङ्‌मुमा सावा अ़ङ्‌का ऩपुवाङ्‌युङ्‌साङ। निनाम्‍हाङ्‌ओ अ़चुछा साङ निकि अ़ङ्‌पापाएदाङ्‌का साङ्‌आछाङ अ़सिन्‍तुन। अ़ङ्‌पापा साङ निकिना अ़ङ्‌काएदाङ्‌का साङ्‌आछाङ अ़सिन्‍तुन। खोन्‍कि अ़ङ्‌का साङ्‌एदा खाङ मुमानि मिन्‍ङा, मोएदाङ्‌का नि साङ्‌आछाङ अ़ङ्‌पापा साङ निकिना अ़सिन्‍तुन।

युहन्‍ना 17:18

देत्‍नि खानानिन्‌आ अ़ङ्‌का हेन्‍खामादा त़छुत्‍नि, मोवात्‍नि अ़ङ्‌काछाङ मोचि हेन्‍खामादा छुत्‍तुङ्‌योङ्‌च़ङ।

युहन्‍ना 6:46

निनाम्‍हाङ्‌एदाङ्‌का ताओदाङ्‌का नि साङ्‌आछाङ पापा निनाम्‍हाङ मान्‍खाङ्‌युक्‍तु। खोसाआ ओन्‍ङा निनाम्‍हाङ खायुङ्‌सु।

युहन्‍ना 1:18

निनाम्‍हाङ साङ्‌आछाङ देम्‍खाछाङ मान्‍खाङ्‌युक्‍तु। पापा निनाम्‍हाङ्‌ओ अ़चुकोङ्‌कोम च़क्‌दा कायुङ अ़क्‍छा ओन्‍ङाओ अ़चुछाआ निनाम्‍हाङ नुलोक खाङ्‌अ़मुसायुङ्‌सा।

१ युहन्‍ना 4:14

निनाम्‍हाङ पापाआ अ़चुओ छा हेन्‍खामादाओ म़नाचि लेइसि अ़य़साओ आन्‍कान्‍का खाम्‍का खोन्‍कि अ़चुसालुम्‍स़ङ प़म्‌योम्‍च़म्‍का।

१ युहन्‍ना 4:9

ओवात्‍नि निनाम्‍हाङ्‌आ अ़चुसोमातुक्‍मा आन्‍रादा खाङ्‌अ़मुसा, आन्‍कान येसुलाम्‍पा ह़ङिन्‍ने निकिना खोक्‍कोसाआ अ़क्‍छा ओन्‍ङा ओ अ़चुछा हेन्‍खामादा अ़य़सा।

१ युहन्‍ना 1:2

अ़नुछ्‍याङा मो ह़ङ्‌म़ङ खाङ्‌म़मुसान्‍चिन, खोन्‍कि आन्‍कान्‍का मो खाम्‍काकि सालुम्‍स़ङ प़म्‍का, खोन्‍किना खानानिन अ़लुक्‍निन्‌ओ ह़ङ्‌म़ङ आन्‍कान्‍का खाएत्‍नि, मो निनाम्‍हाङ पापाएदा याआङा खोन्‍कि आन्‍कान्‍का खाङ्‌ऩमेत्‍तिन्‌युङ्‌सिन्‍का।

युहन्‍ना 13:3

निनाम्‍हाङ पापाआ झारा सामा खोक्‍कोसोओ अ़चुछुक्‌दा अ़पुवाओ खोन्‍कि खोक्‍को निनाम्‍हाङ्‌लाम्‍पा म़ताओ खोन्‍कि निनाम्‍हाङ्‌एदा म़खात्‌याङ्‌नि येसुआ अ़सिन्‍ताङा।

युहन्‍ना 10:15

देत्‍नि अ़ङ्‌पापाआ अ़ङ्‌का ऩसिन्‍ङा, मोवात्‍निङा अ़ङ्‌का अ़ङ्‌पापा सिन्‍तुङ। अ़ङ्‌का अ़ङ्‌भेराचिओ निम्‍पाङ अ़ङ्‌ह़ङ्‌म़ङ प़ङ्‌च़ङ।