युहन्‍ना 6:40 - बान्‍तावा राई

⁴⁰ अ़ङ्‌पापाओ अ़चुमित्‍चिऩङ ओङा ओ, झारा साङ-साङ्‌चिआ अ़चुओ छा अ़खाङ, खोन्‍कि खोक्‍कोएदा साकोङ्‌छ़ङ म़मु अ़धुन्‌ओ ह़ङ्‌म़ङ अ़तोक्‍ने। अ़ङ्‌का मो आदेङ्‌ओ लेन्‌दा अ़ह़ङ मुङ।”

युहन्‍ना 6:40 Referans Kwoze

रोमि 6:23

देकिनालो हेवाओ अ़लुङ स़मा ओ, मेन निनाम्‍हाङ्‌आ मोहा प़माय़ङ्‌ओ अ़चुआसिखा ख्रिस्‍त येसु आन्‍हाङ्‌पाएदा अ़लुक्‍निन्‌ओ ह़ङ्‌म़ङ ओ।

युहन्‍ना 6:54

अ़ङ्‌पोक काचा खोन्‍कि अ़ङ्‌ह़ कादुङ्‌एदा अ़धुन्‌ओ ह़ङ्‌म़ङ याक, खोन्‍कि आदेङ्‌ओ लेन्‌दा अ़ङ्‌का मोचि ह़ङ्‌सुङ्‌लोइसुङ्‌च़ङ।

युहन्‍ना 5:24

अ़नुछ्‍याङा अ़ङ्‌का खानानिन लोनानिन, साङ्‌आ अ़ङ्‌य़ङ एनु खोन्‍कि अ़ङ्‌का काछुत साकोङ्‌छ़ङ मु, मोएदा अ़लुक्‍निन्‌ओ ह़ङ्‌म़ङ याक्‌याङ। मो लाहि अ़पाक्‍निन, मेन मो स़मादामादाङ्‌का ह़ङ्‌म़ङ्‌दा वाङायुङ्‌सा।

युहन्‍ना 11:25

येसुआ मो अ़लोवा, “खाकाखोन्‍लोन खोन्‍कि ह़ङ्‌म़ङ काप़ अ़ङ्‌काङा ओ। अ़ङ्‌का साकोङ्‌छ़ङ कामु स़दानुछाङ ह़ङ।

युहन्‍ना 4:14

मेन साङ्‌आ अ़ङ्‌का प़ङ्‍ओ चाक्‌वा दुङु, मो देम्‍खाछाङ वामित्‍मा अ़स़निन। खाक्‍को चाक्‌वा अ़ङ्‌का मो प़ङ, मो मोएदा अ़लुक्‍निन्‌ओ ह़ङ्‌म़ङ्‌ओ निम्‍पाङ लोन्‌याङ्‍ओ बोन्‌वा लि!”

युहन्‍ना 14:19

हान अ़क्‍दुकि हेन्‍खामाआ अ़ङ्‌का देम्‍खाछाङ अ़खाङ्‌ऩङ, मेन खानानिन्‌आ अ़ङ्‌का त़खाङ्‌ङाऩङ। अ़ङ्‌का अ़ह़ङ लाङालिङाओसाआ खानानिन्‌छाङ अ़ह़ङ त़लासिन्‍लिसिन।

युहन्‍ना 12:45

साङ्‌आ अ़ङ्‌का अ़खाङ्‌ङा, मोसाआ अ़ङ्‌का काछुत खा।

युहन्‍ना 6:27

लुक्‍खात्‌ओ चामायुओ निम्‍पाङ काचि मान्‍मुदानिन, मेन अ़लुक्‍निन्‌ओ ह़ङ्‌म़ङ काप़ चामायुओ निम्‍पाङ काचि मुवानिन। मो चामायु म़नाओ अ़छाआ खानानिन ऩप़न। देकिनालो पापा निनाम्‍हाङ्‌आ म़नाओ अ़चुछाएदा अ़चुओ सेप्‍मा पाङ अ़पुवायुङ्‌सा।”

युहन्‍ना 3:36

साङ निनाम्‍हाङ्‌ओ अ़चुछाएदा साकोङ्‌छ़ङ मु, मोएदा अ़लुक्‍निन्‌ओ ह़ङ्‌म़ङ याक। साङ्‌आ निनाम्‍हाङ्‌ओ अ़चुछा ऩङाछिरु, मोसाआ ह़ङ्‌म़ङ अ़खान, मेन निनाम्‍हाङ्‌ओ अ़चुमाइसुङ मोएदा युङ्‌युङ।

युहन्‍ना 1:14

मो य़ङ पोक लिसाकि आन्‍रादा म़याआ। युहन्‍नाआ खोक्‍कोसोओ अ़चुतुक्‌वादा सालुम्‍स़ङ प़याङ्‌सा म़लोचि, “साङ्‌कोओ अ़चुतुक्‌वादा अ़ङ्‌का खानानिन लोनानिन, खोक्‍को ओङा ओ, अ़ङ्‌कादाङ्‌का आदेङ म़ताओ तोक्‍पो म़मुयाङ, देकिनालो खोक्‍को अ़ङ्‌कादाङ्‌का बुयाङा म़युङाङा।” आन्‍कान्‍का खोक्‍कोसोओ अ़चुसाम खाम्‌युङ्‌सुम्‍का। खोक्‍को निनाम्‍हाङ पापाओ अ़क्‍छा ओन्‍ङा अ़चुछा खान्‍तुलो तोक्‍पो म़मुवाङा। मो य़ङ सोम्‍तुक्‍मायु खोन्‍कि अ़छ़ङ्‌आ भेप्‍तुओ म़मुवाङा।

लुका 2:30

देकिनालो खानानिन्‌आ त़य़सुम्‌ओ कालेन्‍पा अ़ङ्‌का आप्‍पि अ़ङ्‌म़क्‌आङा खाङ्‌युङ्‌सुङ।

१ युहन्‍ना 2:25

खोन्‍कि येसुआ आन्‍कान दि म़हिप्‍ताओ, मो अ़लुक्‍निन्‌ओ ह़ङ्‌म़ङ ओ।

युहन्‍ना 17:2

देकिनालो खानानिन्‌आ खो त़प़म्‌ओ झारा म़नाचि खोसाआ अ़लुक्‍निन्‌ओ ह़ङ्‌म़ङ प़चिने निकिना खानानिन्‌आ खो झारा म़नाचिएदा पाङ त़प़म्‌युङ्‌सुम।

युहन्‍ना 10:28

मोचि अ़ङ्‌का अ़लुक्‍निन्‌ओ ह़ङ्‌म़ङ प़ङ्‌च़ङ, खोन्‍कि मोचि देम्‍खाछाङ ऩलुक्‍निन, खोन्‍कि साङ्‌आछाङ मोचि अ़ङ्‌छुक्‌दाङ्‌का ऩङाप्‍ऩङ्‌खात्‍ऩङ।

यहुदा 1:21

खानानिन निनाम्‍हाङ्‌ओ अ़चुसोमातुक्‍मादा नुलोक युङ्‌सानिन्‍चिन, खोन्‍कि अ़लुक्‍निन्‌ओ ह़ङ्‌म़ङ्‌ओ निम्‍पाङ आन्‍हाङ्‌पा येसु ख्रिस्‍तओ सोम्‌योक्‍मा हुङानुम।

१ पत्रुस 1:8

खानानिन्‌आ खोक्‍को मान्‍खाङ्‌त़युक्‍तुम्‌नुछाङ सोमात़तुक्‍तुम। खोन्‍कि ओन्‍ग़रि खानानिन त़खान्‍मिन्‌नुछाङ खोक्‍कोएदा साकोङ्‌छ़ङ त़मुन, खोन्‍किना य़ङ्‌मा अ़ऱन्‍मिन्‌ओ खोन्‍कि साम्‍स़रिओ छेमाआ आम्‍नुओ ऩङानु।

२ कोरिन्‍थि 4:6

निनाम्‍हाङ्‌आ “कुन्‍चियाधेक्‍धेक्‌ओदा साम लेत्‍ने!”नि म़य़ङा। मो निनाम्‍हाङ्‌आङा येसु ख्रिस्‍तओ अ़चुङाइवादा निनाम्‍हाङ्‌ओ अ़चुसाम आन्‍कान सिन्‍मा ऱम्‍ने निकिना आन्‍साकोङ्‌वादा खोक्‍कोसोओ अ़चुसाम अ़लेइसायुङ्‌सा।

रोमि 5:21

खोन्‌ओसा देत्‍नि हेवाआ स़मादा हाङ मुवा, मोवात्‍निङा येसु ख्रिस्‍त आन्‍हाङ्‌पालाम्‍पा सोमातुक्‍माआछाङ हाङ मुकिना साम्‌योक्‍मिलाम्‍पा अ़लुक्‍निन्‌ओ ह़ङ्‌म़ङ्‌दा म़तित।

युहन्‍ना 12:50

अ़ङ्‌का सिन्‍तुङ्‌योङ, खोक्‍कोसोओ अ़चुलोमाय़ङ्‍आ अ़लुक्‍निन्‌ओ ह़ङ्‌म़ङ्‌दा म़तित। खोन्‌ओसा अ़ङ्‌का दि चेउङ, पापा निनाम्‍हाङ्‌आ अ़ङ्‌का ऩलोङाओ ओन्‍ङा चेप्‍ङा।”

युहन्‍ना 8:56

आम्‍नुओ सुन्‍तुम अब्राहाम अ़ङ्‌लेन खाङ्‌मा मुङुओसा खोसोओ अ़ऩङानुवाङा, खोन्‍कि खोसाआ खा, खोन्‍कि अ़ऩङानुवा।”

मर्कुस 16:16

खा-खाक्‍को साकोङ्‌छ़ङ म़मुकि बप्‍तिस्‍मा म़लोक मोचि म़लेन, मेन खा-खाक्‍को साकोङ्‌छ़ङ ऩमुनिन मोचि निनाम्‍हाङ्‌आ म़ह़त्‍तुचि।

हिब्रु 11:1

हान साकोङ्‌छ़ङ मुमानिओ निनाम्‍हाङ्‌आ म़हिप्‍ताओ अ़नुछ्‍या आन्‍कान तोक्‍तुम निकिना अ़छ़ङ मुमा, खोन्‍कि आन्‍कान अ़खान्‍मिन्‌ओ य़ङ्‌ओ अ़नुछ्‍याओ सोम्‍कुवा मुमा ओ।

हिब्रु 11:27

हाङ्‌ओ अ़माइसुङ्‌दा मान्‍क़माङ साकोङ्‌छ़ङ्‌लाम्‍पा खोसाआ मिस्र हेन्‍कोप छिरुदो। देकिनालो खोसाआ अ़दात्‍निन्‌ओ निनाम्‍हाङ खान्‌वात्‍नि खो लामान्‍चिन छुन्‍ता।

युहन्‍ना 14:17

खोक्‍को अ़छ़ङ ओ लावा म़मुयाङ, खोक्‍को हेन्‍खामाआ लोक्‍मा अ़ऱन, देकिनालो हेन्‍खामाआ खोक्‍को ना खा, ना सिन्‍तु। खानानिन्‌आ खोक्‍को त़सिन्‍तुम, देकिनालो खोक्‍को खानानिन्‌एनान म़याक, खोन्‍कि खोक्‍को खानानिन्‌एदा म़युङ्‌युङ।

मत्‍ति 10:15

अ़नुछ्‍या, अ़ङ्‌का खानानिन लोनानिन, छ़ङ्‌छेन्‍खा लेन मो सहरादाओ म़नाचिदाङ्‌का सदोम खोन्‍कि गमोरादाओ म़नाचिआ च़लोक निनाम्‍हाङ्‌ओ अ़चुदन्‍दा आङ्‌मा अ़ऱलो लि।

मत्‍ति 25:46

खोन्‍किना मोचि अ़धुन दन्‍दा तोक्‍खादा म़खात, मेन साम्‌योक्‍मि म़नाचि अ़धुन ह़ङ्‌मायुङ्‌मा ह़ङ्‌म़ङ्‌दा म़वाङ।”

युहन्‍ना 6:39

खोन्‍कि अ़ङ्‌का काछुत्‌ओ अ़चुमिन्‍मा ओङा ओ, खोक्‍कोसाआ अ़ङ्‌का ऩपुवाङ्‍ओचिदाङ्‌का साङ्‌छाङ अ़ङ्‌का अ़माऩङ्‌ने, मेन मोचि आदेङ्‌ओ लेन्‌दा अ़ह़ङ मुङ्‌च़ङ्‌ने।

युहन्‍ना 6:44

अ़ङ्‌का काछुत अ़ङ्‌पापाआ अ़ङ्‌काएदा मो अ़तित्‍तुन्‍तारुन्‌नालो साङ्‌छाङ अ़ङ्‌काएदा तामा अ़ऱनिन। मेन मो तानालो अ़ङ्‌का मो आदेङ्‌ओ लेन ह़ङ्‌सुङ्‌लोइसुङ।

युहन्‍ना 11:24

मार्थाआ खोक्‍को अ़लासालोवा, “अ़ङ्‌का सिन्‍तुङ्‌योङ, मो आदेङ्‌ओ लेन्‌ओ खोन्‍मालोन्‍मादा लापुक्‍लोन।”