युहन्‍ना 5:24 - बान्‍तावा राई

²⁴ अ़नुछ्‍याङा अ़ङ्‌का खानानिन लोनानिन, साङ्‌आ अ़ङ्‌य़ङ एनु खोन्‍कि अ़ङ्‌का काछुत साकोङ्‌छ़ङ मु, मोएदा अ़लुक्‍निन्‌ओ ह़ङ्‌म़ङ याक्‌याङ। मो लाहि अ़पाक्‍निन, मेन मो स़मादामादाङ्‌का ह़ङ्‌म़ङ्‌दा वाङायुङ्‌सा।

युहन्‍ना 5:24 Referans Kwoze

युहन्‍ना 3:36

साङ निनाम्‍हाङ्‌ओ अ़चुछाएदा साकोङ्‌छ़ङ मु, मोएदा अ़लुक्‍निन्‌ओ ह़ङ्‌म़ङ याक। साङ्‌आ निनाम्‍हाङ्‌ओ अ़चुछा ऩङाछिरु, मोसाआ ह़ङ्‌म़ङ अ़खान, मेन निनाम्‍हाङ्‌ओ अ़चुमाइसुङ मोएदा युङ्‌युङ।

युहन्‍ना 3:18

साङ खोक्‍कोएदा साकोङ्‌छ़ङ मु, मो लाहिदा अ़छुक्‍निन, मेन साकोङ्‌छ़ङ मान्‍मुकादा म़ना बुयाङा लाहि कामु काइसायुङ्‌सा, देकिनालो मो निनाम्‍हाङ्‌ओ अ़क्‍छा ओन्‍ङा ओ अ़चुछाओ अ़चुऩङ्‌दा साकोङ्‌छ़ङ मान्‍मुयुक।

युहन्‍ना 6:40

अ़ङ्‌पापाओ अ़चुमित्‍चिऩङ ओङा ओ, झारा साङ-साङ्‌चिआ अ़चुओ छा अ़खाङ, खोन्‍कि खोक्‍कोएदा साकोङ्‌छ़ङ म़मु अ़धुन्‌ओ ह़ङ्‌म़ङ अ़तोक्‍ने। अ़ङ्‌का मो आदेङ्‌ओ लेन्‌दा अ़ह़ङ मुङ।”

रोमि 8:1

खोन्‌ओसा हान ख्रिस्‍त येसुएनान अ़क्‍नि कालिचिएदा दन्‍दा मात्‍द़ङ।

युहन्‍ना 6:47

अ़नुछ्‍याङा अ़ङ्‌का खानानिन लोनानिन, साङ साकोङ्‌छ़ङ मु, मोएदा अ़धुन्‌ओ ह़ङ्‌म़ङ याक।

युहन्‍ना 3:16

निनाम्‍हाङ्‌आ हेन्‍खामा ओवात्‍नि सोमाअ़तुक्‍ता, खोक्‍कोसाआ आप्‍पिओ अ़क्‍छा ओन्‍ङा ओ अ़चुछा म़पुवा, खोन्‍कि खोक्‍कोएदा साकोङ्‌छ़ङ कामु साङ्‌छाङ अ़स़निन्‍ने, मेन मोसाआ अ़लुक्‍निन्‌ओ ह़ङ्‌म़ङ तोक्‍तुने।

युहन्‍ना 11:26

खोन्‍कि काह़ङ खोन्‍कि अ़ङ्‌काएदा साकोङ्‌छ़ङ कामु झारा देम्‍खाछाङ अ़स़निन्‍दानिन। दि खाना ओ य़ङ्‌दा साकोङ्‌छ़ङ त़मु?”

युहन्‍ना 20:31

मेन ओ य़ङ्‌चि म़छाप्‍तायुङ्‌सा खोन्‌ओसा खानानिन्‌आ येसु निनाम्‍हाङ्‌ओ अ़चुछा ख्रिस्‍तओ निकिना साकोङ्‌छ़ङ मुवानिन, खोन्‍कि साकोङ्‌छ़ङ्‌लाम्‍पा खोक्‍कोसोओ अ़चुपाङ्‌दा खानानिन ह़ङ्‌म़ङ तोक्‍तानुम।

युहन्‍ना 8:51

अ़नुछ्‍या अ़ङ्‌का खानानिन लोनानिन, साङ अ़ङ्‌य़ङ्‌वा च़नालो खो देम्‍खाछाङ अ़स़निन।”

१ थेसलोनिकि 5:9

देकिनालो निनाम्‍हाङ्‌आ आन्‍कान दन्‍दा प़मा निम्‍पाङ माआङ, मेन आन्‍हाङ्‌पा येसु ख्रिस्‍तलाम्‍पा लेन्‍मा तोक्‍तुम्‍ने निम्‍पाङ बुयाङा म़छेन्‍ता।

१ युहन्‍ना 5:1

येसुङा ख्रिस्‍त म़युङ्‌याङ निकिना साकोङ्‌छ़ङ कामु झारा निनाम्‍हाङ्‌ओ अ़चुछा ओ। साङ्‌आ निनाम्‍हाङ पापा सोमातुक्‍तु, मोसाआ अ़चुछाछाङ सोमातुक्‍तु।

मर्कुस 16:16

खा-खाक्‍को साकोङ्‌छ़ङ म़मुकि बप्‍तिस्‍मा म़लोक मोचि म़लेन, मेन खा-खाक्‍को साकोङ्‌छ़ङ ऩमुनिन मोचि निनाम्‍हाङ्‌आ म़ह़त्‍तुचि।

१ युहन्‍ना 3:14

आन्‍कान सिन्‍तुम्‌योम, आन्‍कान स़मादाङ्‌का ह़ङ्‌म़ङ्‌दा सोत्‍तिन्‌युङ्‌सिन्‍चिन, देकिनालो आन्‍कान ख्रिस्‍तियान यावाचि सोमातुक्‍तुम्‌योम्‍च़म। साङ खासोमाअ़तुक्‍निन, मो स़मादा याक।

युहन्‍ना 12:44

खोन्‍किना येसुआ अ़धिवा य़ङ्‌आ म़लोचि, “अ़ङ्‌का साकोङ्‌छ़ङ कामुआ अ़ङ्‌काएदा ओन्‍ङा माआङ, मेन अ़ङ्‌का काछुत्‌एदाछाङ साकोङ्‌छ़ङ मु।

१ पत्रुस 1:21

येसुलाम्‍पा खानानिन निनाम्‍हाङ साकोङ्‌छ़ङ त़मुम। निनाम्‍हाङ्‌आ येसु ख्रिस्‍त म़सुवादाओदाङ्‌का अ़खोन्‍तालोइसा खोन्‍कि खोक्‍को साया अ़मेत्‍ता। खोन्‌ओसा आम्‍नुओ साकोङ्‌छ़ङ खोन्‍कि सोम्‍कुवा निनाम्‍हाङ्‌एदा याक्‌याङ।

१ पत्रुस 1:5

खानानिन्‌आ आम्‍नुओ साकोङ्‌छ़ङ्‌लाम्‍पा अ़चुसावादा लेन्‍मा मान्‍तोक्‍त़युक्‍तुम्‌तारि निनाम्‍हाङ्‌आ खानानिन ऩरात्‍तिन। मो लेन्‍मा आदेङ्‌माङ्‌ओ लेन्‌दा खाङ्‌मेत्‍मा निम्‍पाङ खोक्‍कोसाआ अ़चुम्‍सायुङ्‌सा।

मत्‍ति 25:46

खोन्‍किना मोचि अ़धुन दन्‍दा तोक्‍खादा म़खात, मेन साम्‌योक्‍मि म़नाचि अ़धुन ह़ङ्‌मायुङ्‌मा ह़ङ्‌म़ङ्‌दा म़वाङ।”

युहन्‍ना 4:36

साङ्‌आ चा कोउ मोसाआ अ़लुङ तोक्‍तुयुङ्‌सु, खोन्‍कि अ़लुक्‍निन्‌ओ ह़ङ्‌म़ङ्‌ओ निम्‍पाङ अ़सिवा कोउयुङ्‌सु, खोन्‌ओसा कावेत खोन्‍कि काकोप अ़क्‍नि अ़चुऩङानु।

युहन्‍ना 6:50

मेन निनाम्‍मादुङ्‌का धाओ पेम्‍पाक ओङा ओ। साङ्‌आ मो चा, मो अ़स़निन्‍दानिन।

युहन्‍ना 6:51

निनाम्‍मादुङ्‌का धाओ अ़ह़ङ पेम्‍पाक अ़ङ्‌काङा ओ। साङ्‌आ ओ पेम्‍पाक चा, मो अ़धुन्‌तारि ह़ङ। खोन्‍कि खाक्‍को पेम्‍पाक अ़ङ्‌का हेन्‍खामादाओ ह़ङ्‌म़ङ्‌ओ निम्‍पाङ प़ङ, मो अ़ङ्‌पोक ओ।”

युहन्‍ना 6:58

निनाम्‍मादुङ्‌का धाओ ओ पेम्‍पाक, आम्‍नुओ सुन्‍तुम्‌चिआ मन्‍ना अ़चाओवाको माआङ। मोचिआ अ़चानुछाङ म़सुवादा। मेन ओ पेम्‍पाक साङ्‌आ चा, मो अ़धुन्‌तारि ह़ङ।”