युहन्‍ना 3:2 - बान्‍तावा राई

² खो अ़खाखुत येसुएदा ता, खोन्‍कि खोक्‍को लो, “रब्‍बि, आन्‍कान्‍का सिन्‍तुम्‌योम्‍का खानानिन निनाम्‍हाङ्‌एदाङ्‌का त़तान्‌ओ काचिन्‍पा ओ। देकिनालो निनाम्‍हाङ मात्‍द़ङ खानानिन्‌आ त़मुम्‍च़म्‌ओ ओ बुन्‌चि साङ्‌आछाङ मुमा ऩऱन्‍चिन।”

युहन्‍ना 3:2 Referans Kwoze

युहन्‍ना 5:36

देकिनालो अ़ङ्‌काएदा खाक्‍को सालुम्‍स़ङ युङ्‌याङ, मो युहन्‍नाओदाङ्‌का तोक्‍पो मुयाङ। खाक्‍को काचिचि तालासि अ़ङ्‌पापाआ अ़ङ्‌का ऩपुवाङ्‌युङ्‌साङ, मो काचि अ़ङ्‌का मुङ्‌योङ, खोन्‍कि अ़ङ्‌पापाआ अ़ङ्‌का ऩछुत्‍ताङ्‍ओ निकिना मोचिआङा अ़ङ्‌तुक्‌वादा सालुम्‍स़ङ अ़प़याङ।

छाम्‍माय़ङ 10:38

खोन्‍कि देत्‍नि निनाम्‍हाङ्‌आ सेङ्‌लावा खोन्‍कि सावा नासरत्‌ओ येसु अ़पुवा, खोक्‍कोसोओ अ़तुक्‌वादा खानानिन्‌आ त़सिन्‍तुम्‌योम्‌ङा। खोन्‍किना खोक्‍को अ़नुवाक काचि मुयाङ्‌सा खोन्‍कि सैतानाआ क़म्‍तुङुचिओचि नुयाङ्‌सा झारादात्‍नि म़कोला, देकिनालो निनाम्‍हाङ खोक्‍कोएदा म़याआङा।

छाम्‍माय़ङ 2:22

इस्राएल म़नाचि ओ, ओ य़ङ्‌चि एनानुम्‍च़म! नासरत्‌ओ येसु आम्‍नुओ बुदा निनाम्‍हाङ्‌आ सावा काचिचि, म़दोम्‍दाओ काचिचि खोन्‍कि बुन्‍चिलाम्‍पा अ़य़साओ निकिना खाङ्‌अ़मुसा। मो खानानिन नुलोक त़सिन्‍तुम्‌योम।

युहन्‍ना 9:16

फरिसिचिएदाओ खा-खाक्‍कोचि म़य़ङा, “मो म़ना निनाम्‍हाङ्‌लाम्‍पा ताओ माआङ, देकिनालो मोसाआ सावातोम्‍खा-लेन अ़योङुन्‌योन।” मेन निचि म़य़ङा, “देत्‍नि हेवामि म़नाआ ओवाको म़दोम्‍दाओ बुन्‌चि मुमा ऱचि?” खोन्‍कि मोचिओ अ़चुरादा म़फेआन्‍चिन।

युहन्‍ना 12:37

खोक्‍कोसाआ मोचिओ अ़चुबुदा ब़द्‍धे म़दोम्‍दाओ बुन्‌चि म़मुचिनुछाङ मोचिआ खोक्‍कोएदा साकोङ्‌छ़ङ मान्‍मुचि।

युहन्‍ना 1:38

येसु म़हुसान्‍चिन्‌कि म़चोउचि खोन्‍कि मोचिआ अ़त़ङ्‌ताङाचुओ म़खाचिकि मोचि म़सेनुचि, “खानाचिआ दि त़लाम्‍चुङ्‌चु?” मोचिआ खोक्‍को अ़लासालोवाचु, “रब्‍बि, खानानिन खादा त़युङिन्‌येन?” (“रब्‍बि” ओ अ़तुप्‌य़ङ, “काचिन्‍पा” ओ)।

मत्‍ति 22:16

फरिसिचिआ अ़चुकाखेङ्‌पाचि हेरोदि रुहुप्‌दाओ म़नाचिएनान खोक्‍कोएदा म़खाइसुचि। मोचि म़य़ङा, “काचिन्‍पो, आन्‍कान्‍का सिन्‍तुम्‌योम्‍का, खानानिन अ़नुवाक त़मुन्‌येन, खोन्‍कि निनाम्‍हाङ्‌ओ अ़चुलाम अ़छ़ङ खात़चिन्‍तिन, खोन्‍कि खानानिन साङ्‌एदाङ्‌काछाङ त़क़सिमिन, देकिनालो खानानिन म़नाचि खाङ्‌याङ्‌सा काचि त़मुन्‍मिन।

युहन्‍ना 7:31

खोन्‍नुछाङ मुक्‍लादाओ ब़द्‍धे म़नाचिआ खोक्‍कोएदा साकोङ्‌छ़ङ म़मुवा खोन्‍कि मोचि म़य़ङा, “ख्रिस्‍त म़ताहिदा दि ओ म़नाआ मुचिओदाङ्‌का तोक्‍पो म़दोम्‍दाओ बुन्‌चि मुमा ऱचि कि?”

युहन्‍ना 20:16

येसुआ मो अ़लोवा, “मरियम!” मोसाआ हुसान्‍चिन्‌कि हिब्रु य़ङ्‌दा खोक्‍को लो, “रब्‍बोनि!” मो निओ हिब्रु य़ङ्‌दा “काचिन्‍पो।”

युहन्‍ना 15:24

साङ्‌आछाङ मान्‍मुयुक्‍तुओ म़दोम्‍दाओ काचिचि अ़ङ्‌का मोचिओ अ़चुरादा मान्‍मुङाओ दे, मोचि हेवाओ लाहि मान्‍पाक्‍चिओ। मेन हान मोचिआ ओ म़दोम्‍दाओ काचिचि अ़खायुङ्‌साकिछाङ मोचिआ अ़ङ्‌का खोन्‍कि अ़ङ्‌पापा ह़वाङ्‌माङ ऩङाऩछिरायुङ्‌साच्‍या।

युहन्‍ना 3:26

खोन्‌ओसा युहन्‍नाएदा म़ताकि मोचिआ खो अ़लोवा, “काचिन्‍पो, यर्दन अ़ह्‍याउधेत्‌या मो खानानिन्‌एनान म़युङाङाओ, खोक्‍कोसोओ अ़तुक्‌वादा खानानिन्‌आ सालुम्‍स़ङ त़प़म, खानुम, खोक्‍कोसाआ बप्‍तिस्‍मा म़प़ङुचि खोन्‍कि झारा खोक्‍कोएदा म़खात्‌याङ।”

मर्कुस 12:14

मोचि येसुएदा म़ताकि अ़लोवा, “काचिन्‍पो, खानानिन अ़नुवाक त़मुन्‌येन, अ़छ़ङ त़चेविन, खोन्‍कि साङ्‌लिप्‍पाछाङ त़वाङिमिन, खोन्‍कि म़ना त़खान्‌कि काचि त़मुन्‍मिन निकिना आन्‍कान्‍का सिन्‍तुम्‌योम्‍का। मेन खानानिन निनाम्‍हाङ्‌ओ अ़चुलाम अ़छ़ङ खात़चिन्‍तिन। हान आन्‍कान्‍का लोनि, आन्‍कान्‍का रोमि तोक्‍पोहाङ कैसरएदा दाम्‍दु छोन्‍मा मोसाओ अ़य़ङ्‌हुप्‌आ अ़प़न्‍का हे अ़प़न्‍मिन्‍का?

फिलिप्‍पि 1:14

ब़द्‍धेकापाङ ब़ब़, नाना खोन्‍कि निछाचि, अ़ङ्‌छेक्‍माआ हाङ्‌पाआ राक्‌एनान्‌ओ खोन्‍कि निनाम्‍हाङ्‌ओ अ़चुय़ङ अ़चुक़मा मान्‍कात्‍माङ चेप्‍मा च़लोक अ़चुराक्‍स़रिओ म़मुयुङ्‌सुचि।

मत्‍ति 23:7

हाताचिदा म़नाचिआ साऩङ्‌वाओ सेवा म़मेत्‍तुचिओ खोन्‍कि ‘काचिन्‍पो’नि म़लोचिओ अ़चुऩङानु।

मत्‍ति 23:8

मेन खानानिन साङ्‌आछाङ ‘काचिन्‍पो’नि ऩलोन्‍मिन्‍ने, देकिनालो आम्‍नुओ काचिन्‍पा अ़क्‍छा ओन्‍ङा म़युङ्‌याङ, खोन्‍कि खानानिन झारा ब़ब़, नाना खोन्‍कि निछाचि ओ।

युहन्‍ना 2:11

येसुआ ओ बुयाओदुओ बुन गालिल्‌ओ कानादा खाङ्‌अ़मुसाओ। ओवात्‍नि खोक्‍कोसाआ अ़चुसावा खाङ्‌अ़मुसा, खोन्‍कि खोक्‍कोसोओ अ़चुकाखेङ्‌पाचिआ खोक्‍कोएदा साकोङ्‌छ़ङ म़मुवा।

युहन्‍ना 4:31

मोवात्‍नि लिसाङाओ ग़रि अ़चुकाखेङ्‌पाचिआ खोक्‍को अ़लोवा, “रब्‍बि, दि-दि चानिन।”

युहन्‍ना 6:2

खोन्‍कि अ़क्‌तात अ़धिवो म़ना मुक्‍लाचिआ खोक्‍को अ़त़ङ्‌ता, देकिनालो खोक्‍कोसाआ कातुक्‌चिएदा म़मुचिओ म़दोम्‍दाओ बुन्‌चि मोचिआ अ़खायुङ्‌सा।

युहन्‍ना 10:38

मेन अ़ङ्‌का अ़ङ्‌पापाओ अ़चुकाचि मुङ्‌नालो खानानिन अ़ङ्‌काएदा साकोङ्‌छ़ङ त़मुन्‍मिन्‌नुछाङ ओ म़दोम्‍दाओ काचिचिदा साकोङ्‌छ़ङ मुवानिन। खोन्‌ओसा खानानिन्‌आ सिन्‍मा त़ऱम खोन्‍कि त़तुप्‍तुम, पापा अ़ङ्‌काएदा म़याक्‌याङ खोन्‍कि अ़ङ्‌का पापाएदा याक्‍ङाङा।”

युहन्‍ना 14:10

अ़ङ्‌का अ़ङ्‌पापाएदा याक्‍ङाङा, खोन्‍कि अ़ङ्‌पापा अ़ङ्‌काएदा म़याक्‌याङ्‌नि दि खाना साकोङ्‌छ़ङ त़मुनान? खाक्‍को य़ङ अ़ङ्‌का खानानिन लोनाङ्‌नानिन मो अ़ङ्‌का अ़ङ्‌पाङ्‌दा लोनानिन्‌ओ माआङ, मेन अ़ङ्‌काएदा कायाक्‍पा अ़ङ्‌पापाआ अ़चुकाचि अ़मु।