युहन्‍ना 3:11 - बान्‍तावा राई

¹¹ अ़ङ्‌का खाना लोना, आन्‍कान्‍का दि लेसुम्‌योम्‍का, मोङा आन्‍कान्‍का य़ङिन्‍का, खोन्‍कि आन्‍कान्‍का दि खाम्‌युङ्‌सुम्‍का मोसोओ अ़सालुम्‍स़ङ आन्‍कान्‍का प़म्‍का, खोन्‍नुछाङ खानानिन आन्‍काओ सालुम्‍स़ङ त़लोइमिन।

युहन्‍ना 3:11 Referans Kwoze

युहन्‍ना 8:38

दि अ़ङ्‌का अ़ङ्‌पापाओ अ़चुबुदा खाङ्‌युङ्‌सुङ, मो अ़ङ्‌का खानानिन लोनानिन। खानानिन्‌आछाङ दि आम्‍नुओ पाएदाङ्‌का त़एनुम्‌युङ्‌सुम, मोत्‍निङा त़च़न।”

युहन्‍ना 14:24

अ़ङ्‌का सोमामान्‍तुक्‍कादाआ अ़ङ्‌चिन्‍माय़ङ्‌चि अ़मुन्‍चिन। खानानिन्‌आ त़एनुम्‌योम्‌ओ य़ङ्‌चि अ़ङ्‌को आप्‍पिओ माआङ, मेन अ़ङ्‌का काछुत अ़ङ्‌पापादाङ्‌का ओ।

युहन्‍ना 12:49

देकिनालो अ़ङ्‌का अ़ङ्‌आप्‍पिओ पाङ्‌दाङ्‌का मान्‍चेप्‍ङा, मेन अ़ङ्‌का दे य़ङ्‌मादोत्‌ओ खोन्‍कि दि चेप्‍मादोत्‌ओ, अ़ङ्‌का काछुत पापा निनाम्‍हाङ्‌आ अ़ङ्‌का ऩलोवाङ्‌युङ्‌साङ।

युहन्‍ना 8:14

येसुआ म़लासुलोचि, “अ़ङ्‌का आप्‍पि अ़ङ्‌तुक्‌वादा सालुम्‍स़ङ प़ङ्‌नुछाङ अ़ङ्‌सालुम्‍स़ङ अ़छ़ङ मुयाङ। देकिनालो अ़ङ्‌का सिन्‍तुङ्‌योङ, अ़ङ्‌का खादाङ्‌का ताङ्‌ओ खोन्‍कि अ़ङ्‌का खादा खात्‍ङाङा। मेन खानानिन त़सिन्‍तिमिन, अ़ङ्‌का खादाङ्‌का ताङ माङ्‌लो खादा खात्‍ङाङा।

युहन्‍ना 7:16

खोन्‍किना येसुआ मोचि म़लासुलोचि, “अ़ङ्‌चिन्‍माय़ङ अ़ङ्‌को माआङ, मेन अ़ङ्‌का काछुत निनाम्‍हाङ्‌दाङ्‌का ता।

युहन्‍ना 1:18

निनाम्‍हाङ साङ्‌आछाङ देम्‍खाछाङ मान्‍खाङ्‌युक्‍तु। पापा निनाम्‍हाङ्‌ओ अ़चुकोङ्‌कोम च़क्‌दा कायुङ अ़क्‍छा ओन्‍ङाओ अ़चुछाआ निनाम्‍हाङ नुलोक खाङ्‌अ़मुसायुङ्‌सा।

२ कोरिन्‍थि 4:4

ओ हेन्‍खामादाओ माङ्‌आ साकोङ्‌छ़ङ मान्‍मुकादाचिओ अ़चुमिन्‍माचि दोप्‍म़क म़मेत्‍तुप़युङ्‌सुचिओसा ख्रिस्‍तओ साम्‍स़रिओ अ़चुनुय़ङ्‌खान खाङ्‌मादाङ्‌का म़छेक्‍तुचि। ख्रिस्‍त निनाम्‍हाङ्‌ओ अ़चुकात्‍मावा म़कात्‌याङ।

युहन्‍ना 1:11

खोक्‍को आप्‍पिओ अ़चुम़नाचिएदा म़ता, मेन खोक्‍कोसोओ अ़चुओ म़नाचिआङा खोक्‍को मान्‍लोक्‌अ़दा।

लुका 10:22

अ़ङ्‌पापाआ झारा सामाचिएदा पाङ्‌मुमा सावा अ़ङ्‌का ऩपुवाङ्‌युङ्‌साङ। निनाम्‍हाङ्‌ओ अ़चुछा साङ निकि अ़ङ्‌पापाएदाङ्‌का साङ्‌आछाङ अ़सिन्‍तुन। अ़ङ्‌पापा साङ निकिना अ़ङ्‌काएदाङ्‌का साङ्‌आछाङ अ़सिन्‍तुन। खोन्‍कि अ़ङ्‌का साङ्‌एदा खाङ मुमानि मिन्‍ङा, मोएदाङ्‌का नि साङ्‌आछाङ अ़ङ्‌पापा साङ निकिना अ़सिन्‍तुन।”

खाङ्‌मुमा 1:5

ओ य़ङ्‌चिओ साकोङ्‌छ़ङ मुमा खान्‍तुओ सालुम्‍स़ङ खोन्‍कि म़सुवादाओचिदाङ्‌का बुदा म़खोन्‍तालोन्‍ताओ खोन्‍कि हेन्‍खामादाओ झारा हाङ्‌चिएदा हाङ्‌काचि कामु येसु ख्रिस्‍तलाम्‍पाछाङ खानानिन सोमातुक्‍मा खोन्‍कि सेवाङ्‌नि। खोक्‍कोसाआ आन्‍कान सोमाम़तुक, खोन्‍कि खोक्‍कोसोओ अ़चुस़मा हेन्‍खोक्‌वाआ आन्‍कान आन्‍हेवादाङ्‌का म़फोङ्‌सायुङ्‌सा।

छाम्‍माय़ङ 22:18

हाङ्‌पा अ़ङ्‌काएदा म़चेवा। ‘हेङाकि यरुसलेम च़क्‍नि छिरुदो, देकिनालो अ़ङ्‌तुक्‌वादा त़प़ओ आम्‍सालुम्‍स़ङ ओदाओ म़नाचिआ साकोङ्‌छ़ङ ऩमुन।’

युहन्‍ना 5:43

अ़ङ्‌का अ़ङ्‌पापाओ अ़चुऩङ्‌दा ताङ्‌युङ्‌साङ, मेन खानानिन्‌आ अ़ङ्‌का मान्‍लोक्‍त़दाङ्‌ऩङ। नि साङ आप्‍पिओ अ़ऩङ्‌दा तानालो मो त़लोउम।

युहन्‍ना 3:13

निनाम्‍मादुङ्‌का काधा म़नाओ अ़छादाङ्‌का साङ्‌छाङ निनाम्‍मादु मान्‌वाङ्‌युक।

युहन्‍ना 3:5

येसुआ अ़लासालोवा, “अ़नुछ्‍याङा अ़ङ्‌का खाना लोना, म़ना चाक्‌वा खोन्‍कि लावाआ अ़लानिन्‍लिनिन्‌नालो निनाम्‍हाङ्‌ओ अ़चुहाङ्‌होन्‌दा वाङ्‌मा अ़ऱनिन।

युहन्‍ना 3:3

येसुआ मो अ़लासालोवा, “अ़नुछ्‍याङा अ़ङ्‌का खाना लोना, म़ना अ़ऩङ्‌वा लिकि अ़लानिन्‍लिनिन्‌नालो मोसाआ निनाम्‍हाङ्‌ओ अ़चुहाङ्‌होन खाङ्‌मा अ़तोक्‍तुन।”

मत्‍ति 23:37

यरुसलेम, यरुसलेम, खाना निनाम्‍हाङ्‌य़ङ खाकालुचि त़सेरुचि खोन्‍कि खानाएदा छुत्‍तुङ्‌च़ङ्‌ओचि लुङ्‌ताक्‌आ त़कोउचि! देत्‍नि वामामाआ वाइछेत्‌चि अ़लाप्‌हुत्‌दा कोउचि, मोवात्‍निङा देम्‍कादु अ़ङ्‌का आम्‍छाचि कोप्‍माचिनि मिनाङ, मेन खाना त़छुन्‍ता।

मत्‍ति 11:27

खोन्‍किना येसु म़य़ङा, “अ़ङ्‌पापाआ झारा सामाचिएदा पाङ्‌मुमा सावा अ़ङ्‌का ऩपुवाङ्‌युङ्‌साङ। निनाम्‍हाङ्‌ओ अ़चुछा साङ निकि अ़ङ्‌पापाएदाङ्‌का साङ्‌आछाङ अ़सिन्‍तुन। अ़ङ्‌पापा साङ निकिना अ़ङ्‌काएदाङ्‌का साङ्‌आछाङ अ़सिन्‍तुन। खोन्‍कि अ़ङ्‌का साङ्‌एदा खाङ मुमानि मिन्‍ङा, मोएदाङ्‌का नि साङ्‌आछाङ अ़ङ्‌पापा साङ निकिना अ़सिन्‍तुन।

खाङ्‌मुमा 3:14

लाउदिकियादाओ साम्‍भुङ्‌ओ निनाम्‍हाङ काफा खाना ओ य़ङ छाप्‍तु। ओ य़ङ्‌खान आमेन निओदाङ्‌का ओ, साङ सोम्‍कुवा मुमा खान्‍तुओ अ़छ़ङ सालुम्‍स़ङ काप़पा खोन्‍कि निनाम्‍हाङ्‌ओ अ़चुमुन्‍माय़ङ्‌चिदाओ हाङ्‌काचि कामुदाङ्‌का ओ।

युहन्‍ना 3:12

अ़ङ्‌का खानानिन हेन्‍खामादाओ य़ङ्‌चि खाएत्‍नानिन, खोन्‍नुछाङ खानानिन साकोङ्‌छ़ङ त़मुन्‍मिन, मोवात्‍नि निनाम्‍मादुओ य़ङ्‌चि खानानिन खाएत्‍नानिन्‌नालो देत्‍नि साकोङ्‌छ़ङ मुमा त़ऱम?

युहन्‍ना 8:26

अ़ङ्‌का आम्‍नुओ तुक्‌वादा य़ङ्‌मा खोन्‍कि छ़ङ्‌छेन्‍मा ब़द्‍धे युङ्‌याङ। मेन अ़ङ्‌का काछुत्‌लाम्‍पा अ़ङ्‌का दि एनुङ, मो य़ङ ओन्‍ङा अ़ङ्‌का हेन्‍खामादा य़ङ्‌ङा। देकिनालो खोक्‍को अ़छ़ङ म़मुयाङ।”