युहन्‍ना 17:25 - बान्‍तावा राई

²⁵ साम्‌योक्‍मि आपो, हेन्‍खामादाओ म़नाचिआ खानानिन ऩसिन्‍तिमिन, मेन अ़ङ्‌का खानानिन सिन्‍नानिन, खोन्‍कि खानानिन्‌आ अ़ङ्‌का त़छुत्‍निओ ओ काखेङ्‌पाचिआ अ़सिन।

युहन्‍ना 17:25 Referans Kwoze

युहन्‍ना 17:11

अ़ङ्‌का हान हेन्‍खामादा ब़द्‍धे अ़युङ्‌ऩङ, मेन ओचि ना हेन्‍खामादा म़युङ। अ़ङ्‌का खानानिन्‌एदा ताङाङा। त़सेङिन्‌येन्‌ओ आपो, खानानिन्‌आ त़प़निओ म़नाचि आम्‍नुओ सावाआ रात्‍तानुम्‍च़म, खोन्‍कि आन्‍कान्‌वात्‍निङा मोचिछाङ अ़क्‌तात म़लिने।

युहन्‍ना 17:8

देकिनालो खाक्‍को य़ङ खानानिन्‌आ अ़ङ्‌का त़प़नि, अ़ङ्‌का मोचि प़ङ्‌युङ्‌सुङ्‌च़ङ, खोन्‍कि मोचिआ मो अ़लोआयुङ्‌सा। अ़ङ्‌का खानानिन्‌एदाङ्‌का ताङ्‌ओ निकिना मोचिआ अ़नुछ्‍या अ़सिन्‍तायुङ्‌सा, खोन्‍कि खानानिन्‌आ अ़ङ्‌का त़छुत्‍निओ निकिना मोचि साकोङ्‌छ़ङ म़मुवायुङ्‌सा।

युहन्‍ना 15:21

मोचिआ ओ झारा काचिचि अ़ङ्‌ऩङ्‌ओ अ़तुक्‌वाआ खानानिन ऩमुन, देकिनालो मोचिआ अ़ङ्‌का काछुत ऩसिन्‍तुन।

युहन्‍ना 7:29

खानानिन्‌आ खोक्‍को त़सिन्‍तिमिन। मेन अ़ङ्‌का खोक्‍को सिन्‍तुङ, देकिनालो अ़ङ्‌का खोक्‍कोलाम्‍पा ताङ्‌ओ, खोन्‍कि खोक्‍कोसाआ अ़ङ्‌का ऩछुत्‍ताङ्‌ओ।”

युहन्‍ना 16:27

देकिनालो अ़ङ्‌पापा आप्‍पिआ खानानिन सोमाऩतुक्‍तिन, देकिनालो खानानिन्‌आ अ़ङ्‌का सोमा त़तुक्‍ताङ्‌ऩङ, खोन्‍कि अ़ङ्‌का निनाम्‍हाङ्‌दाङ्‌का ताङ्‌ओ निकिना साकोङ्‌छ़ङ त़मुनियुङ्‌नि।

हिब्रु 8:11

हान्‌दाङ्‌का “हाङ्‌पा निनाम्‍हाङ सिन्‍तानुम”निकिना खाक्‍कोछाङ म़नाआ अ़तेन्‍पाङ माङ्‌लो अ़द़क्‍छाबुवाचि अ़चिन्‍तुन्‍चिन। देकिनालो अ़चुप्‍पोदाङ्‌का अ़धिवातारिओचिआ झारासा अ़ङ्‌का ऩसिन्‍ङा।

२ कोरिन्‍थि 4:4

ओ हेन्‍खामादाओ माङ्‌आ साकोङ्‌छ़ङ मान्‍मुकादाचिओ अ़चुमिन्‍माचि दोप्‍म़क म़मेत्‍तुप़युङ्‌सुचिओसा ख्रिस्‍तओ साम्‍स़रिओ अ़चुनुय़ङ्‌खान खाङ्‌मादाङ्‌का म़छेक्‍तुचि। ख्रिस्‍त निनाम्‍हाङ्‌ओ अ़चुकात्‍मावा म़कात्‌याङ।

युहन्‍ना 10:15

देत्‍नि अ़ङ्‌पापाआ अ़ङ्‌का ऩसिन्‍ङा, मोवात्‍निङा अ़ङ्‌का अ़ङ्‌पापा सिन्‍तुङ। अ़ङ्‌का अ़ङ्‌भेराचिओ निम्‍पाङ अ़ङ्‌ह़ङ्‌म़ङ प़ङ्‌च़ङ।

युहन्‍ना 8:55

खानानिन्‌आ खोक्‍को मान्‍सिन्‍त़युक्‍तुम, मेन अ़ङ्‌का खोक्‍को सिन्‍तुङ। अ़ङ्‌का खोक्‍को ‘मान्‍सिन्‌युक्‍तुङ’नि य़ङ्‌ङानालो अ़ङ्‌का खानानिन्‌वा सोज्‍जेओ लिङा। मेन अ़ङ्‌का खोक्‍को सिन्‍तुङ, खोन्‍कि खोक्‍कोसोओ अ़चुय़ङ्‌वा च़ङा।

लुका 10:22

अ़ङ्‌पापाआ झारा सामाचिएदा पाङ्‌मुमा सावा अ़ङ्‌का ऩपुवाङ्‌युङ्‌साङ। निनाम्‍हाङ्‌ओ अ़चुछा साङ निकि अ़ङ्‌पापाएदाङ्‌का साङ्‌आछाङ अ़सिन्‍तुन। अ़ङ्‌पापा साङ निकिना अ़ङ्‌काएदाङ्‌का साङ्‌आछाङ अ़सिन्‍तुन। खोन्‍कि अ़ङ्‌का साङ्‌एदा खाङ मुमानि मिन्‍ङा, मोएदाङ्‌का नि साङ्‌आछाङ अ़ङ्‌पापा साङ निकिना अ़सिन्‍तुन।”

खाङ्‌मुमा 13:8

खोन्‍कि हेन्‍खामादा कायुङ झारा म़नाचिआ मो साक्‍स़ङ अ़ब़क। मोचिओ अ़चुऩङ हेन्‍खामा मुन्‍मा बुयादाङ्‌काङा ह़ङ्‌म़ङ्‌ओ छाप्‍लाखादा मान्‍छाप्‌युक्‍ता। मो छाप्‍लाखा म़सेराओ थुबाछाएदा याक्‌याङ।

१ युहन्‍ना 1:9

आन्‍कान आन्‍हेवाचि निनाम्‍हाङ्‌ओ अ़चुबुदा लोउम्‍च़म्‌नालो खोक्‍कोसाआ आन्‍हेवाचि आन्‍कान म़लेत प़, खोन्‍कि झारा मान्‍साम्‌योक्‍मिचिदाङ्‌का म़सेङ, देकिनालो खोक्‍को साकोङ्‌छ़ङ मुमा खान्‍तुओ खोन्‍कि साम्‌योक्‍मि म़मुयाङ।

२ थेसलोनिकि 1:8

निनाम्‍हाङ मान्‍सिन्‍कादाचि खोन्‍कि आन्‍हाङ्‌पा येसु ख्रिस्‍तओ अ़चुनुय़ङ्‌खान मान्‍लोक्‍कादाचि खोक्‍कोसाआ दन्‍दा म़प़चि।

१ कोरिन्‍थि 15:34

नुलोक आम्‍नुओ खारुच़ङ्‌तानुम, खोन्‍कि हेवा मुमा छिरानुम। खानानिन्‌एदा देम्‌कापाङ्‌आ ना निनाम्‍हाङ्‌ङा मान्‍सिन्‍त़युक्‍तुम्‌ओसा खानानिन लेजो मेत्‍मा निम्‍पाङ अ़ङ्‌का ओवात्‍नि य़ङाङ्‌ओ।

१ कोरिन्‍थि 1:21

हेन्‍खामादाओ म़नाचिआ आप्‍पि अ़चुतायाआ निनाम्‍हाङ सिन्‍मा मान्‍ऱअ़दाओसाआ निनाम्‍हाङ्‌ओ अ़चुतायालाम्‍पा आन्‍कान्‍का खालुसुम्‍काओ नुय़ङ्‌खान्‌ओ खामान्‍सिन्‌लाम्‍पा साकोङ्‌छ़ङ कामुचि लेन्‍मा निनाम्‍हाङ्‌आ अ़छ़ङ अ़मुवा।

रोमि 3:26

निनाम्‍हाङ आप्‍पि साम्‌योक्‍मि म़मुयाङ्‌ओ खाङ्‌मुमा खोन्‍कि येसुएदा साकोङ्‌छ़ङ कामुचि साम्‌योक्‍मि मुमा, निनाम्‍हाङ्‌आ अ़चुछा म़पुवा।

रोमि 3:11

कातुप साङ्‌छाङ मात्‍द़ङ, निनाम्‍हाङ कालाम साङ्‌छाङ मात्‍द़ङ।

रोमि 1:28

खोन्‍कि मोचिआ निनाम्‍हाङ लोक्‍मा अ़खान्‍तुन्‍लो अ़खाओसा निनाम्‍हाङ्‌आ मोचिओ अ़त्‍लो अ़चुमिन्‍मा खोन्‍कि खान्‌अ़त्‍लो च़माथाङ्‌मादा मोचि म़लेरुखाइसुचि।

छाम्‍माय़ङ 26:18

खाना मोचि निनाम्‍हाङ्‌ओ अ़चुय़ङ चिन्‍तुचि, खोन्‍कि कुइयामादाङ्‌का उयाङ्‌ओदाकि सैतानाओ अ़सावादाङ्‌का निनाम्‍हाङ्‌एदा म़लाने। खोन्‍किना मोचि अ़ङ्‌काएदा मोचिओ अ़चुहेवाचि निनाम्‍हाङ्‌आ म़लेत्‍तुप़चिकिना अ़ङ्‌काएदाओ साकोङ्‌छ़ङ्‌लाम्‍पा म़सेङाकि निनाम्‍हाङ्‌आ म़छेन्‍तुचिओ म़नाचिओ अ़चुरादा मोचिआ युङ्‌मा अ़तोक।’

छाम्‍माय़ङ 17:23

देकिनालो सहरादा अ़ङ्‌का कोलाङ्‌याङ्‌हिदा आम्‍नुओ ब़क्‍खाचि अ़ङ्‌का नुलोक खाङ्‌च़ङ। मोचिएदाओ अ़क्‌तात्‌दा ‘अ़सिन्‍निनिन्‌ओ माङ्‌ओ निम्‍पाङ’नि छाप्‍ताङाओ ब़क्‍खाछाङ धिरुङ। खोन्‌ओसा खाक्‍को खानानिन्‌आ मान्‍सिन्‍माङ त़ब़क्‍तुम्‌योम, खोक्‍कोसोओङा अ़तुक्‌वादा अ़ङ्‌का खानानिन खाएत्‍नाङ्‌नानिन।

युहन्‍ना 17:23

अ़ङ्‌का मोचिएदा खोन्‍किना खानानिन अ़ङ्‌काएदा, खोन्‍कि मोचि झारा अ़क्‌तात म़लिने, खोन्‍किना खानानिन्‌आ अ़ङ्‌का त़छुत्‍निओ, खोन्‍किना अ़ङ्‌का सोमा त़तुक्‍निओवा खानानिन्‌आ मोचिछाङ सोमात़तुक्‍तुम्‍च़म्‌ओ हेन्‍खामाआ मो सिन्‍तुने।

युहन्‍ना 17:21

मोवात्‍नि मोचि झारा अ़क्‌तात म़लिने। आपो, देत्‍नि खानानिन अ़ङ्‌काएदा त़याइन्‌येन, खोन्‍कि अ़ङ्‌का खानानिन्‌एदा मोवात्‍निङा मोचिछाङ आन्‍काचिएदा म़याक्‍ने, खोन्‍कि खानानिन्‌आ अ़ङ्‌का त़छुत्‍ताङ्‌ऩङ्‍ओ निकिना हेन्‍खामादाओ म़नाचि साकोङ्‌छ़ङ म़मुने।

युहन्‍ना 17:18

देत्‍नि खानानिन्‌आ अ़ङ्‌का हेन्‍खामादा त़छुत्‍नि, मोवात्‍नि अ़ङ्‌काछाङ मोचि हेन्‍खामादा छुत्‍तुङ्‌योङ्‌च़ङ।

युहन्‍ना 17:3

खानानिन अ़क्‍छा ओन्‍ङा ओ अ़नुछ्‍याओ निनाम्‍हाङ त़युङिन्‌येन, खोन्‍कि खानानिन्‌आ येसु ख्रिस्‍त त़छुत्‍तुम। खानानिन खोन्‍कि खो सिन्‍मालाम्‍पा अ़लुक्‍निन्‌ओ ह़ङ्‌म़ङ अ़तोक।

युहन्‍ना 16:30

हान आन्‍कान्‍का तुप्‍तुम्‍का, खानानिन झारा य़ङ त़सिन्‍तुम्‌योम, खोन्‍किना साङ्‌आछाङ खानानिन सेन्‍मा अ़दोत्‍निन। ओ लाम्‍पाङा खानानिन निनाम्‍हाङ्‌एदाङ्‌का त़तान ओ निकिना आन्‍कान्‍का साकोङ्‌छ़ङ मुन्‍का।”

युहन्‍ना 16:3

खोन्‍कि मोचिआ ओ काचिचि म़मुचि, देकिनालो मोचिआ अ़ङ्‌पापा मान्‍सिन्‌अ़युक, ना अ़ङ्‌काङा ऩसिन्‍ताङ्‌युङ्‌साङ।

युहन्‍ना 8:19

मोचिआ खोक्‍को अ़सेना, “आम्‍पा खादा युङ्‌याङ?” येसुआ म़लोचि, “खानानिन्‌आ ना अ़ङ्‌का त़सिन्‍ङाऩङ ना अ़ङ्‌पापा त़सिन्‍तुम। खानानिन्‌आ त़सिन्‍ताङ्‌ऩङ्‌ओदे अ़ङ्‌पापाछाङ त़सिन्‍तुम्‌ओ।”

युहन्‍ना 6:19

अ़चुकाखेङ्‌पाचिआ पाच-छ किलोमितरा नावा अ़याप्‍ताखात्‍ताकिना मोचिआ येसु धियाङ्‌वामादा कोन्‌याङ्‌सा नावाओ अ़च़क्‌दा म़बानाङाओ अ़खा, खोन्‍कि मोचि म़क़सा।

युहन्‍ना 3:17

निनाम्‍हाङ्‌आ हेन्‍खामा लाहि पाक्‍माओ निम्‍पाङ अ़चुछा हेन्‍खामादा मान्‌य़अ़दा, मेन हेन्‍खामा खोक्‍कोलाम्‍पा लेन्‍ने निकिना अ़य़सा।

युहन्‍ना 1:18

निनाम्‍हाङ साङ्‌आछाङ देम्‍खाछाङ मान्‍खाङ्‌युक्‍तु। पापा निनाम्‍हाङ्‌ओ अ़चुकोङ्‌कोम च़क्‌दा कायुङ अ़क्‍छा ओन्‍ङाओ अ़चुछाआ निनाम्‍हाङ नुलोक खाङ्‌अ़मुसायुङ्‌सा।

मत्‍ति 16:16

सिमोन पत्रुस्‌आ लासुलो, “खानानिन ख्रिस्‍त ओ, अ़ह़ङ निनाम्‍हाङ्‌ओ अ़चुछा ओ।”

मत्‍ति 11:27

खोन्‍किना येसु म़य़ङा, “अ़ङ्‌पापाआ झारा सामाचिएदा पाङ्‌मुमा सावा अ़ङ्‌का ऩपुवाङ्‌युङ्‌साङ। निनाम्‍हाङ्‌ओ अ़चुछा साङ निकि अ़ङ्‌पापाएदाङ्‌का साङ्‌आछाङ अ़सिन्‍तुन। अ़ङ्‌पापा साङ निकिना अ़ङ्‌काएदाङ्‌का साङ्‌आछाङ अ़सिन्‍तुन। खोन्‍कि अ़ङ्‌का साङ्‌एदा खाङ मुमानि मिन्‍ङा, मोएदाङ्‌का नि साङ्‌आछाङ अ़ङ्‌पापा साङ निकिना अ़सिन्‍तुन।

खाङ्‌मुमा 16:5

खोन्‍किना चाक्‌वादा पाङ्‌कामु निनाम्‍हाङ काफा ओवात्‍नि य़ङाङाओ अ़ङ्‌का एनुङ, “त़सेङिन्‌येन्‌ओ निनाम्‍हाङ, खानानिन साङ त़युङिन्‌येन, साङ त़युङाङानिन ओ, खानानिन छ़ङ्‌त़छेन्‍तुम्‌ओ नुलोक तोङायुङ्‌सा।