युहन्‍ना 17:13 - बान्‍तावा राई

¹³ मेन हान अ़ङ्‌का खानानिन्‌एदा ताङाङा। हेन्‍खामादा युङ्‌ङाङाहिदा ओ य़ङ्‌चि अ़ङ्‌का चेप्‍ङा, खोन्‌ओसा अ़ङ्‌काएदा याक्‌याङ्‍ओ अ़ङ्‌ऩङानुमा मोचिएदा झारा याक्‍ने।

युहन्‍ना 17:13 Referans Kwoze

हिब्रु 12:2

आन्‍साकोङ्‌छ़ङ कापुङ खोन्‍कि काताला येसु नुलोक आन्‍म़क्‌आ खाम्‍ने। खोक्‍कोसाआ आदेङ तोक्‍माय़ङ अ़चुऩङ्‌नुमा अ़मित्‍ताकि सायापेप्‍माय़ङ क्रुस्‌दा स़माओ अ़तुक्‌वादा दित्‍छाङ मान्‍मित्‌अ़दा। खोन्‌ओसा ओन्‍ग़रि खोक्‍को निनाम्‍हाङ्‌ओ अ़चुहाङ्‌युङ्‌खाओ अ़चुचुप्‍ताङ्‌छुक्‌लिप्‍पा म़युङ्‌याङ।

गलाति 5:22

मेन सेङ्‌लावाओ अ़चुसिवा सोम्‍तुक्‍मा, मिन्‍माचानुमा, सेवाङ्‌नि, हुङ्‌मा, सोम्‍तुक्‍मा खाङ्‌मुमा, नुलोक मुमायु, सोम्‍कुवामुमायु,

युहन्‍ना 15:11

दियाको अ़ङ्‌ऩङानुमा खानानिन्‌एदा याक, मोवाको आम्‍नुओछाङ ब़द्‍धे ऩङानुमा याक्‍ने। मोसोओ निम्‍पाङ अ़ङ्‌का ओ य़ङ खानानिन लोनायुङ्‌नानिन।

युहन्‍ना 3:29

साङ्‌एदा सायाकाकाम्‍मा युङ्‌याङ, सायाकाकाम्‍पा खोङा ओ। सायाकाकाम्‍पाओ अ़यावा खोसोओ अ़च़क्‌दा एप, खोसोओ अ़य़ङ एनुकि अ़न्‍नुनु अ़ऩङानु। खोन्‌ओसा अ़ङ्‌सेवाङ्‌नि तालायुङ्‌सा।

१ युहन्‍ना 1:4

आन्‍ऩङानुसिन्‍चिन्‍ने निकिना आन्‍कान्‍का ओ य़ङ्‌चि छाप्‍तुम्‌योम्‍च़म्‍का।

युहन्‍ना 13:3

निनाम्‍हाङ पापाआ झारा सामा खोक्‍कोसोओ अ़चुछुक्‌दा अ़पुवाओ खोन्‍कि खोक्‍को निनाम्‍हाङ्‌लाम्‍पा म़ताओ खोन्‍कि निनाम्‍हाङ्‌एदा म़खात्‌याङ्‌नि येसुआ अ़सिन्‍ताङा।

२ युहन्‍ना 1:12

अ़ङ्‌का खानानिन छाप्‍मायु य़ङ्‌चि ना ब़द्‍धे म़याक्‌याङ, मेन छाप्‍लावा खोन्‍कि च़क्‍मावाआ अ़ङ्‌का छाप्‍मा मान्‍स़ङा। मेन अ़ङ्‌का खानानिन तुप्‍माकि आम्‍नुओ बुदाङा हान्‍मा स़ङाङा, खोन्‌ओसा आन्‍कान झारासोओ आन्‍ऩङानुमा तालाने।

रोमि 14:17

देकिनालो निनाम्‍हाङ्‌ओ अ़चुहाङ्‌होन चामा खोन्‍कि दुङ्‌माओ अ़तुक्‌वा माआङ, मेन सेङ्‌लावादा, साम्‌योक्‍मि तोक्‍मायु, सेवाङ्‌नि खोन्‍कि ऩङानुमान्‍चिन्‌ओ।

युहन्‍ना 16:33

अ़ङ्‌तुक्‌वाआ खानानिन सेवाङ्‌नि त़लिसिन्‍ने निकिना अ़ङ्‌का खानानिन ओ य़ङ्‌चि लोनायुङ्‌नानिन। खोन्‌ओसा हेन्‍खामादा खानानिन दुखा त़तोक्‍तिन, मेन राक मुवानिन! अ़ङ्‌का हेन्‍खामाएदा छोसाङ।”

छाम्‍माय़ङ 13:52

खोन्‍कि एन्‍तिओखियादाओ येसु काखेङ्‌चि अ़चुऩङानुमाआ खोन्‍कि सेङ्‌लावाआ म़भेप्‍ता।

युहन्‍ना 7:33

येसुआ म़लोचि, “अ़क्‍चित ग़रि अ़ङ्‌का खानानिन्‌एनान युङ्‌ङा, खोन्‍किना अ़ङ्‌का काछुत्‌एदा लाङाखात्‍ङा।

युहन्‍ना 17:11

अ़ङ्‌का हान हेन्‍खामादा ब़द्‍धे अ़युङ्‌ऩङ, मेन ओचि ना हेन्‍खामादा म़युङ। अ़ङ्‌का खानानिन्‌एदा ताङाङा। त़सेङिन्‌येन्‌ओ आपो, खानानिन्‌आ त़प़निओ म़नाचि आम्‍नुओ सावाआ रात्‍तानुम्‍च़म, खोन्‍कि आन्‍कान्‌वात्‍निङा मोचिछाङ अ़क्‌तात म़लिने।