युहन्‍ना 16:11 - बान्‍तावा राई

¹¹ छ़ङ्‌छेन्‍माओ अ़तुक्‌वादा निनाम्‍हाङ्‌आ ओ हेन्‍खामादाओ हाङ्‌कामु बुयाङा छ़ङ्‌अ़छेन्‍तायुङ्‌सा। ओ काचि यायोक काप़आ खाङ्‌म़मेत्‍तुचि।

युहन्‍ना 16:11 Referans Kwoze

युहन्‍ना 12:31

हान ओ हेन्‍खामाओ अ़छ़ङ छेन। ओ हेन्‍खामादा हाङ काचि कामु सैताना बुङ्‌खाया लोन्‍खान।

१ युहन्‍ना 3:8

साङ हेवा मु, खो सैतानादाङ्‌का ओ, देकिनालो सैतानाआ ना अ़पुङ्‌चिपुक्‌दाङ्‌काङा हेवा मुवायुङ्‌सा। निनाम्‍हाङ्‌ओ अ़चुछा खाङ्‌मुमान्‍चिन्‌ओ अ़तुक्‌वा ना सैतानाओ अ़काचिचि लुक्‍मा दोराङाओ।

हिब्रु 2:14

मो छाचिएदा सा खोन्‍कि ह़ओ पोक याक्‌याङ्‌ओसा, येसुछाङ सा खोन्‍कि ह़ओ पोक म़लिसा। मोवात्‍नि खोक्‍कोसोओ अ़चुस़मालाम्‍पा स़मा सावाकातोक मो सैताना खोक्‍कोसाआ लुक्‍मा अ़ऱने।

कलस्‍सि 2:15

निनाम्‍हाङ्‌आ हाङ्‌काचि कामु अ़अ़त्‍पा लावा खोन्‍कि पाङ्‌कातोक अ़अ़त्‍पा लावाचि अ़चुसावा मात्‍द़ङ्‌ओ म़मुचिकि क्रुस्‌दा म़छोसाकि झारासोओ अ़चुबुदा लेजो म़मेत्‍तुचि।

२ कोरिन्‍थि 4:4

ओ हेन्‍खामादाओ माङ्‌आ साकोङ्‌छ़ङ मान्‍मुकादाचिओ अ़चुमिन्‍माचि दोप्‍म़क म़मेत्‍तुप़युङ्‌सुचिओसा ख्रिस्‍तओ साम्‍स़रिओ अ़चुनुय़ङ्‌खान खाङ्‌मादाङ्‌का म़छेक्‍तुचि। ख्रिस्‍त निनाम्‍हाङ्‌ओ अ़चुकात्‍मावा म़कात्‌याङ।

युहन्‍ना 14:30

अ़ङ्‌का खानानिन्‌एनान हान ब़द्‍धे अ़चेप्‍ऩङ, देकिनालो ओ हेन्‍खामाओ हाङ्‌काचि कामु तायाङ। मोसोओ अ़सावा अ़ङ्‌काएदा दित्‍छाङ मात्‍द़ङ।

खाङ्‌मुमा 1:7

खानुम, खोक्‍को य़वारिदा म़तायाङ! खोन्‍कि झारा म़क्‌चिआ खोक्‍को अ़खाङ, साङ्‌चिआ खोक्‍को अ़धुवायुङ्‌सा, खोचिआछाङ अ़खाङ। हेन्‍खामादाओ झारा म़नाचि खोक्‍कोसोओ अ़चुतुक्‌वाआ म़खाप। उवा, मो लिलाप! मोवात्‍निङा लिने।

२ पत्रुस 3:7

मेन मो य़ङ्‌आ निनाम्‍हाङ मान्‍ब़क्‍कादा म़नाचिओ छ़ङ्‌छेन्‍मा खोन्‍कि लुक्‍मा लेन्‌तारिओ निकिना आइमित्‌ओ नाम्‍छ़ऱ खोन्‍कि हेन्‍खामा मिओ निम्‍पाङ अ़च़क्‍तायुङ्‌सा।

हिब्रु 9:27

देत्‍नि म़नाचि अ़क्‍दु स़माङादोत, खोन्‍कि आदेङ निनाम्‍हाङ्‌आ छ़ङ म़छेन्‍तुचि,

हिब्रु 6:2

वास़मा थाप्‍स़ङ्‌चि, छुक युङ्‌मा थाप्‍स़ङ, म़सुवादाओचिओ अ़चुलामाखोन्‍मालोन्‍मा खोन्‍कि अ़लुक्‍निन्‌ओ दन्‍दाओ अ़तुक्‌वादा अ़दु-अ़दु मान्‍चिन्‌युङ्‌दानिन्‍चिन।

एफिसि 2:2

मोन्‍ग़रि खानानिन ओ हेन्‍खामादाओ अ़अ़त्‍पा लाम्‌दा त़कोलिन्‌येन। खानानिन्‌आ नाम्‍छ़ऱदुओ सावाओ अ़हाङ्‌पा त़त़ङ्‌तुम्‌योम, मो लावाङा निनाम्‍हाङ्‌आ लोमाय़ङ्‌वा मान्‍च़कादा छाचिएदा आइमित काचि मुयाङ।

१ कोरिन्‍थि 4:5

खोन्‌ओसा काइसाओ ग़रिदाङ्‌का बुया दित्‍छाङ छ़ङ्‌मान्‍छेन्‌दानिन। हाङ्‌पा म़तालो हुङानुम। दि कुइयामादा कुमायुङ्‌सा, खोक्‍कोसाआ साम्‌दा म़तारुचि खोन्‍कि म़नाचिओ अ़चुसाकोङ्‌वादाओ अ़चुमित्‍चिऩङ्‌चि खाङ्‌म़मुसुचि। मोन्‍ग़रि झारा म़नाचिआ निनाम्‍हाङ्‌एदाङ्‌का अ़चुचोन्‍मा अ़तोक।

छाम्‍माय़ङ 10:42

खोन्‍कि येसुआ आन्‍कान्‍का ऩलोन्‌युङ्‌सिन्‍का, ‘निनाम्‍हाङ्‌आ अ़ङ्‌का अ़ह़ङ्‌चि खोन्‍कि म़सुवादाओचिओ अ़चुछ़ङ्‌छेइसि अ़छेन्‍ताओ निकिना खालुसानुम खोन्‍कि सालुम्‍स़ङ पुवानुम।’

लुका 10:18

खोसाआ मोचि म़लोचि, “सैताना निनाम्‍मादुङ्‌का नाम्‍चिम्‍पिलेक्‌वात्‍नि धाङाओ अ़ङ्‌का खाङ।

मत्‍ति 12:36

अ़ङ्‌का खानानिन लोनानिन, झारा सोज्‍जेओ य़ङ खाक्‍को म़नाचि म़चेप, छ़ङ्‌छेन्‍माओ लेन्‌दा मोचिआ म़य़ङाओ झारा अ़चुखिप मोचिआ प़मादोत।

मत्‍ति 12:18

“खानुम, अ़ङ्‌काफा अ़ङ्‌का छेन्‍तुङ्‌युङ्‌सुङ। खो अ़ङ्‌का सोमातुक्‍तुङ्‌ओ, खोन्‍कि खोएदा अ़ङ्‌ऩङानुवायुङ्‌सा। अ़ङ्‌का खोएदा अ़ङ्‌लावा पाक्‍तुङ्‌प़ङ, खोन्‍कि खोसाआ रावा-रावाओ म़नाचि तोङ्‌लो छ़ङ्‌छेन्‍माय़ङ खाम़एत्‍तुचि।

रोमि 16:20

सेवाङ्‌नि काप़ निनाम्‍हाङ्‌आ च़क्‍निङा सैताना आम्‍नुओ लाङ्‌थेम भेन्‌यु अ़नेप। आन्‍हाङ्‌पा येसु ख्रिस्‍तओ अ़चुसोमातुक्‍मा खानानिन्‌एदा याक्‍ने।

रोमि 2:16

ओ य़ङ निनाम्‍हाङ्‌आ येसु ख्रिस्‍तलाम्‍पा म़नाचिओ अ़चुसाकोङ्‌वादा याक्‌याङ्‍ओ सुकुलादाओ य़ङ छ़ङ्‌छेन्‍माओ लेन्‌दा लि। ओ निनाम्‍हाङ्‌ओ अ़चुनुय़ङ्‌खान अ़ङ्‌का खालुसुङ्‌वाको ओ।

छाम्‍माय़ङ 26:18

खाना मोचि निनाम्‍हाङ्‌ओ अ़चुय़ङ चिन्‍तुचि, खोन्‍कि कुइयामादाङ्‌का उयाङ्‌ओदाकि सैतानाओ अ़सावादाङ्‌का निनाम्‍हाङ्‌एदा म़लाने। खोन्‍किना मोचि अ़ङ्‌काएदा मोचिओ अ़चुहेवाचि निनाम्‍हाङ्‌आ म़लेत्‍तुप़चिकिना अ़ङ्‌काएदाओ साकोङ्‌छ़ङ्‌लाम्‍पा म़सेङाकि निनाम्‍हाङ्‌आ म़छेन्‍तुचिओ म़नाचिओ अ़चुरादा मोचिआ युङ्‌मा अ़तोक।’

छाम्‍माय़ङ 24:25

मेन पावल्‌आ साम्‌योक्‍मिओ अ़तुक्‌वादा, क़म्‍मान्‍चिन्‌ओ अ़तुक्‌वादा खोन्‍कि तायाङ्‍ओ निनाम्‍हाङ्‌ओ अ़चुछ़ङ्‌छेन्‍मा लेन्‌ओ अ़तुक्‌वादा खाएत्‍तुहिदा फेलिक्‍स्‌ओ अ़क़माकारा। खोन्‍कि खोसाआ लो, “ओन्‍ग़रि खात्‍मा त़ऱ, अ़ङ्‌का काङाओ ग़रि खाना बुत्‍नाने।”

युहन्‍ना 16:12

अ़ङ्‌का खानानिन लोमादोत्‌ओ य़ङ्‌चि ब़द्‍धे म़युङ्‌याङ, मेन ओन्‍ग़रि खानानिन मो य़ङ तुप्‍मा त़ऱन्‍मिन।