5 अङ्गुरा ताङ अ़ङ्का ओ, खोन्कि अ़खेक्चि खानानिन ओ। साङ अ़ङ्काएदा याक, खोन्कि अ़ङ्का खोएदा याक्ङानालो मोसाआ ब़द्धे सिवा सिसु। अ़ङ्कादाङ्का अ़थाया त़युङिन्कि खानानिन्आ दित्छाङ मुमा त़ऱन्मिन।
साङ्आ अ़ङ्का सावा ऩप़ङा, खोक्कोलाम्पाङा अ़ङ्का झारा य़ङ मुमा ऱङ।
खोन्किना खानानिन हाङ्पाओ अ़चुमिन्मावाको ह़ङ्म़ङ त़ह़ङिन्कि अ़धुन खोक्कोसोओ अ़चुऩङानुमा त़ऱम। मोवात्नि त़ह़ङिन्नालो आम्नुओ ह़ङ्म़ङ्आ झाराकापाराओ अ़नुवाक सिवा सिसु, खोन्कि खानानिन निनाम्हाङ्ओ अ़चुतायादा पोइसा त़खारिन।
अ़ङ्का खानानिन्आ मान्छेन्त़दाङ्ऩङ, मेन अ़ङ्का खानानिन छेन्नानिन खोन्कि खानानिन खात्मा छाम्नानिन। खानानिन खारानिन खोन्कि सिवा लिसानिन, खोन्कि आम्नुओ सिवा याक्युङ्ने। खोन्किना खानानिन्आ अ़ङ्पापा अ़ङ्ऩङ्दा दि त़दोत्तुम, खोक्कोसाआ खानानिन मो ऩप़न।
मेन सेङ्लावाओ अ़चुसिवा सोम्तुक्मा, मिन्माचानुमा, सेवाङ्नि, हुङ्मा, सोम्तुक्मा खाङ्मुमा, नुलोक मुमायु, सोम्कुवामुमायु,
देकिनालो आन्कान्का अ़छ़ङ्ओ अ़देङ्सालाप्पादा देत्छाङ च़मा अ़ऱन्मिन्का, अ़छ़ङ्ओ निम्पाङ ओन्ङा मुमा ऱम्का।
येसुआ मोचि म़लोचि, “अ़नुछ्याङा अ़ङ्का खानानिन लोनानिन। अ़चुछाआ आप्पि दित्छाङ मुमा अ़ऱन, मेन अ़चुपाआ दि अ़मुओ खोसाआ खा, अ़चुछाछाङ मोवात्निङा च़।
झारा अ़नुवाक प़मायु खोन्कि अ़छ़ङ आसिखा निनाम्मादुङ्काओ, मो आसिखा निनाम्मादुओ साम कामुन्पा निनाम्हाङ्आ म़प़। खोक्को सोत्नान्लुक्नान्चिन्ओ लावाछामित्वात्नि अ़फान्नान्चिमिन।
मेन आन्हाङ्पा खोन्कि कालेन्पा येसु ख्रिस्तओ अ़चुताया खोन्कि अ़चुसोम्तुक्मादा पोन्याङ्सा खारानिन। ओन्ग़रि खोन्कि अ़धुन हाङ्पाओ अ़चुऩङ्लोङ्ने। मोवात्निङा लिने!
अ़नुछ्याङा अ़ङ्का खानानिन लोनानिन, छुमाचाओ अ़ल़वा बाखादा धाकि अ़स़निन्नालो मो अ़क्बोप ओन्ङा लि। मेन मो स़नालो मोसाआ ब़द्धे अ़सिवा सिसु।
खोन्ओसा अ़ङ्ब़ब़, नाना खोन्कि निछाचि ओ, खानानिन्छाङ ख्रिस्तओ अ़चुपोक्ओ अ़फुत्ओसा य़ङ्हुप्एदा त़स़न्युङ्सिन। खोन्कि ओन्ग़रि खानानिन म़सुवादाओदाङ्का म़खोन्तालोन्ताओ ख्रिस्तएनान अ़क्तात त़लिसिन्युङ्सिन। मोवात्निओसा, आन्कान निनाम्हाङ्ओ निम्पाङ अ़नुवाक काचिओ अ़सिवा सिमा ऱम।
निनाम्हाङ्ओ अ़चुसाऩङ्वा खोन्कि अ़चुऩङ्चोन्माओ निम्पाङ येसु ख्रिस्तलाम्पा ताओ अ़नुवाक काचि सिवाआ खानानिन भेप्याङ्सा त़खारिन्ने।
ओ म़ना निनाम्हाङ्लाम्पा मान्ताओनालो खोक्कोसाआ दित्छाङ मुमा मान्ऱअ़दाओ।”
अ़ङ्का छुक्तुप्मा लाम्ङाङाओ माआङ, मेन अ़ङ्का ना खानानिन्आ च़लोक आसिखा तोक्तानुम्नि मिन्ङाङा।
मेन हान आम्नुओ हेवादाङ्का त़फोङ्सिन्किना निनाम्हाङ्ओ अ़चुहारुक त़लिसिन्युङ्सिन। खोन्कि खानानिन्आ त़तोक्तुम्ओ काचि सिवाआ सेङ्माय़ङ्दा त़तित्तिन। ओसोओ अ़सिवा अ़लुक्निन्ओ ह़ङ्म़ङ ओ।
खोन्कि येसुएदाङ्का नि साङ्आछाङ लेन्मा म़ऱनिन, देकिनालो ओ झारा हेन्खामादा आन्कान हेवादाङ्का लेन्मा निम्पाङ निनाम्हाङ्आ येसुओ अ़ऩङ ओन्ङा म़पुवायुङ्सा।”
पोक अ़क्तात मुयाङ्नुछाङ ओसोओ ब़द्धे अ़फुत्चि म़याक्याङ, खोन्कि पोक्ओ ब़द्धे अ़फुत्चि म़याक्नुछाङ पोक अ़क्तात्ङा मु। ख्रिस्तओ अ़चुपोक्छाङ मोवात्निङा म़मुयाङ।
येसु ख्रिस्तएदा तानिन, खोक्को अ़ह़ङ लुङ्ताक म़युङ्याङ। म़नाचिआ ऩङाअ़छिराओ, मेन निनाम्हाङ्आ खोक्को अ़छेन्ताओ खोन्कि खोक्कोसोओ निम्पाङ अ़चुलुङ अ़लुङ्छ़ओ म़मुयाङ।
खोन्ओसा खानानिन झारा ख्रिस्तओ अ़चुपोक ओ, खोन्कि खानानिन झाराकापाङ खोक्कोसोओ अ़चुओ पोक्फुत्चि ओ।
देकिनालो झारा अ़नुवाक य़ङ, साम्योक्मि खोन्कि अ़छ़ङ्दा साम्ओ अ़सिवा तोक्तुम।
कापाक्ओ निकि बिउ खोन्कि चामाओ निकि चा काप़आ खानानिन बिउ ऩप़न, खोन्कि आम्नुओ ताखालाम ऩपोइसिन्प़न, खोन्कि आम्नुओ साम्योक्मिओ अ़सिवा अ़पोन।
निनाम्हाङ्ओ अ़नुछ्याओ अ़चुसोम्तुक्मा खानानिन्आ त़एनुम्कि त़तुप्तुम्ओ लेन्दाङ्का नुय़ङ्खान्आ आम्नुओ रादा अ़सिवा सिसुङु। मोवात्निङा ओ नुय़ङ्खान्आ झारा हेन्खामादा फेयाङ्सा काचि मुङु।
मोवात्निङा, आन्कान ब़द्धे याइन्येन्नुछाङ आन्कान ख्रिस्तदा अ़क पोक मुन्येन, खोन्कि झारा अ़क्छा निओ पोक्फुत्चि ओ।
आसिखाओ लाङ्चोक्खुङ्ओ निम्पाङ आन्कान आसिखा दोरिन। दि मो ख्रिस्तओ अ़चुह़दा होन्मान्चिन माआङ कि? खोन्कि आन्कान पेम्पाक ओरुम, दि मो ख्रिस्तओ अ़चुयाम्दा होन्मान्चिन माआङ कि?
मेन मोसोओ अ़भेन अ़मेत्तुन्ओसा मो अ़क्चित लेन ओन्ङा ह़ङ, खोन्कि निनाम्हाङ्ओ अ़चुय़ङ्दा साकोङ्छ़ङ मुवाओसा अ़चाअ़त्मा माङ्लो ल़क्मा ताहिदा निनाम्हाङ्ओ अ़चुय़ङ साकोङ्छ़ङ मुमादा मो च़क्नि देङ्ला।