युहन्‍ना 14:16 - बान्‍तावा राई

¹⁶ खोन्‍कि अ़ङ्‌का अ़ङ्‌पापा लोङ, खोन्‍कि खोक्‍कोसाआ आम्‍नुओ निम्‍पाङ नि यायोक काप़ ऩप़न, खोन्‍कि खोक्‍को खानानिन्‌एदा अ़धुन म़युङ।

युहन्‍ना 14:16 Referans Kwoze

युहन्‍ना 14:26

मेन यायोक काप़पा सेङ्‌लावा, मो अ़ङ्‌पापाआ अ़ङ्‌ऩङ्‌दा अ़य़, खोक्‍कोसाआ खानानिन झारा य़ङ्‌चि ऩचिन्‍तिन, खोन्‍कि अ़ङ्‌का खानानिन लोनानिन्‌ओ झारा य़ङ खानानिन मित्‍ऩमेत्‍तिन।

युहन्‍ना 15:26

अ़ङ्‌का खानानिन्‌एदा यायोक काप़ तासुङ। खोक्‍को अ़छ़ङ्‌ओ लावा म़मुयाङ। खोक्‍को अ़ङ्‌पापादाङ्‌का खानानिन्‌एदा म़ताकि अ़ङ्‌तुक्‌वादा सालुम्‍स़ङ ऩप़न।

रोमि 15:13

सोम्‍कुवा मुमा खान्‍तुओ निनाम्‍हाङ्‌आ झारा मिन्‍माचानुमा खोन्‍कि सेवाङ्‌निआ ऩभेम्‍सिन्‍ने, देकिनालो खानानिन खोक्‍को साकोङ्‌छ़ङ त़मुम। खोन्‌ओसा सेङ्‌लावाओ अ़चुसावाआ आम्‍नुओ सोम्‍कुवा पोन्‌याङ्‌सा खात।

गलाति 5:22

मेन सेङ्‌लावाओ अ़चुसिवा सोम्‍तुक्‍मा, मिन्‍माचानुमा, सेवाङ्‌नि, हुङ्‌मा, सोम्‍तुक्‍मा खाङ्‌मुमा, नुलोक मुमायु, सोम्‍कुवामुमायु,

रोमि 14:17

देकिनालो निनाम्‍हाङ्‌ओ अ़चुहाङ्‌होन चामा खोन्‍कि दुङ्‌माओ अ़तुक्‌वा माआङ, मेन सेङ्‌लावादा, साम्‌योक्‍मि तोक्‍मायु, सेवाङ्‌नि खोन्‍कि ऩङानुमान्‍चिन्‌ओ।

छाम्‍माय़ङ 9:31

खोन्‍किना झारा यहुदिया, गालिल खोन्‍कि सामरियादाओ साम्‍भुङ्‌दा सेवाङ्‌नि लिसा। साम्‍भुङ छोयाङ्‌सा खाराकि हाङ्‌पा सायामेत्‌याङ्‌सा म़युङाङाओसा सेङ्‌लावाआ सावा प़चिकिना अ़चुखिप्‍मा पोन्‌याङ्‌सा खारा।

१ युहन्‍ना 2:1

सोमातुक्‍नाङ्‌नानिन्‌ओ अ़ङ्‌छाचि ओ, खानानिन हेवा मान्‍मुदानिन निकिना अ़ङ्‌का ओ य़ङ छाप्‍तुङ्‌योङ। मेन साङ हेवा मुनुछाङ निनाम्‍हाङ पापाएदा आन्‍लिप्‍पादा काचेप अ़क्‍छा साम्‌योक्‍मि येसु ख्रिस्‍त म़युङ्‌याङ।

युहन्‍ना 4:14

मेन साङ्‌आ अ़ङ्‌का प़ङ्‍ओ चाक्‌वा दुङु, मो देम्‍खाछाङ वामित्‍मा अ़स़निन। खाक्‍को चाक्‌वा अ़ङ्‌का मो प़ङ, मो मोएदा अ़लुक्‍निन्‌ओ ह़ङ्‌म़ङ्‌ओ निम्‍पाङ लोन्‌याङ्‍ओ बोन्‌वा लि!”

मत्‍ति 28:20

अ़ङ्‌का खानानिन लोनानिन्‌ओ झारा य़ङ्‌चि मोचि मुमा चिन्‍तानुम्‍च़म। खानुम, अ़ङ्‌का जुगाओ आदेङ्‌तारि अ़धुन खानानिन्‌एनान युङ्‌ङायुङ्‌ङा।”

फिलिप्‍पि 2:1

मोवात्‍नि ख्रिस्‍तएदा अ़क्‍भोम लिमादा अ़क्‍चित राक याक्‌याङ्‌नालो, खोक्‍कोसोओ अ़चुसोमातुक्‍मादाङ्‌काओ अ़क्‍चित सोम्‍सेत्‍मा याक्‌याङ्‌नालो, निनाम्‍हाङ लावाएनान्‌ओ अ़क्‍चित यावायोक युङ्‌याङ्‌नालो, अ़क्‍छा निएदा सोमातुक्‍मा खोन्‍कि सोम्‍मासेत्‍माय़ङ अ़क्‍चित युङ्‌याङ्‌नालो,

रोमि 5:5

खोन्‍कि सोम्‍कुवाआ आन्‍कान लेजोदा म़पाक्‍निन, देकिनालो आन्‍कान म़पुवाओ सेङ्‌लावालाम्‍पा निनाम्‍हाङ्‌ओ अ़चुसोमातुक्‍मा आन्‍साकोङ्‌वाचिदा म़पाक्‍तापुवायुङ्‌सा।

छाम्‍माय़ङ 13:52

खोन्‍कि एन्‍तिओखियादाओ येसु काखेङ्‌चि अ़चुऩङानुमाआ खोन्‍कि सेङ्‌लावाआ म़भेप्‍ता।

युहन्‍ना 17:15

खानानिन्‌आ मोचि हेन्‍खामादाङ्‌का खात्‍तानुम्‍च़म निकिना अ़ङ्‌का याअ़मात्‍ऩङ, मेन मोचि अ़त्‍सावादाङ्‌का रात्‍तानुम्‍च़म।

युहन्‍ना 14:18

अ़ङ्‌का खानानिन हेत्‍छाकुवावा अ़छित्‍नादानानिमिन। अ़ङ्‌का खानानिन्‌एदा ताङा।

हिब्रु 7:25

खोन्‌ओसा खोक्‍कोलाम्‍पा निनाम्‍हाङ्‌ओ अ़चुच़क्‌दा काताचि खोक्‍कोसाआ ओन्‍ग़रि खोन्‍कि अ़धुन्‌तारि लेन्‍मा म़ऱचि। देकिनालो मोचिओ अ़चुलिप्‍पादा निनाम्‍हाङ्‌एदा यामात्‍सि खोक्‍को अ़धुन म़ह़ङ्‌युङ।

रोमि 8:34

निनाम्‍हाङ्‌ओ अ़चुम़नाचि हेवामिचिओ निकिना लाहिपाक्‍मा काऱ साङ ओ? साङ्‌छाङ मात्‍द़ङ, देकिनालो ख्रिस्‍त आन्‍को निम्‍पाङ म़सुवा, मोदाङ्‌का च़लोक, खो म़सुवादाओदाङ्‌का अ़ह़ङ म़लिसा खोन्‍कि निनाम्‍हाङ्‌ओ अ़चुचुप्‍ताङ्‌छुक्‍लिप्‍पा म़युङ्‌याङ खोन्‍कि आन्‍को निम्‍पाङ याम़मात्‌याङ।

युहन्‍ना 14:14

खानानिन्‌आ अ़ङ्‌ऩङ्‌दा दि त़दोरुम, अ़ङ्‌का मो मेत्‍ना प़नानिन।

युहन्‍ना 17:20

अ़ङ्‌का काखेङ्‌चिओ निम्‍पाङ ओन्‍ङा याअ़मात्‍ऩङ, मेन मोचिओ अ़चुनुय़ङ्‌खान्‌लाम्‍पा अ़ङ्‌काएदा साकोङ्‌छ़ङ कामुचिओ निम्‍पाङ्‌छाङ यामात्‍ङा,

युहन्‍ना 16:22

खोन्‌ओसा ओन्‍ग़रि खानानिन दुखा लि, मेन अ़ङ्‌का खानानिन लोनाखाङ्‌नानिन, खोन्‍कि आम्‍नुओ साकोङ्‌वाओ अ़ऩङानु। खोन्‍किना साङ्‌आछाङ आम्‍नुओ ऩङानुमा खानानिन्‌एदाङ्‌का त़ङाप्‍तिमिन।

२ थेसलोनिकि 2:16

हान आन्‍कान सोमाकातुक खोन्‍कि खोक्‍कोसोओ अ़चुसोम्‍तुक्‍मालाम्‍पा अ़लुक्‍निन्‌ओ राक खोन्‍कि झारादाङ्‌का अ़नुवाक सोम्‍कुवा काप़ आन्‍हाङ्‌पा येसु ख्रिस्‍त खोन्‍कि निनाम्‍हाङ,

युहन्‍ना 7:39

ओ य़ङ खोक्‍कोसाआ सेङ्‌लावाओ अ़चुतुक्‌वादा म़य़ङाओ। मो सेङ्‌लावा खोक्‍कोएदा साकोङ्‌छ़ङ म़मुवाओचिआ तोक्‍मा अ़मुवाङा। सेङ्‌लावा ओन्‍ग़रितारि मान्‍प़म़युक्‍तुचि, देकिनालो निनाम्‍हाङ्‌आ येसु झारा साऩङ्‌वा मान्‍प़अ़युक्‍ता।

छाम्‍माय़ङ 1:4

अ़क्‍दु येसु अ़चुछाम्‍माय़ङ्‌चिएनान चा-चासि म़युङाहिदा खोक्‍कोसाआ खोचि म़लोचि, “खानानिन यरुसलेम मान्‍छित्‌दादानुम, मेन अ़ङ्‌पापा निनाम्‍हाङ्‌आ य़सुङ निकिना ऩहिप्‍तिन्‌ओ सेङ्‌लावा ओदाङा हुङानुम। मो य़ङ्‍ओ अ़तुक्‌वादा अ़ङ्‌का खानानिन बुयाङा लोनाचिन्‍नानिन्‌ओ।

१ युहन्‍ना 2:27

मेन खानानिन्‌आ ख्रिस्‍तलाम्‍पा सेङ्‌लावा त़तोक्‍तुम्‌युङ्‌सुम, खोक्‍को खानानिन्‌एदा म़युङ, साङ्‌आछाङ खानानिन चिन्‍मा अ़दोत्‍निन, देकिनालो खानानिन सेङ्‌लावाआङा झारा य़ङ्‌ओ अ़तुक्‌वादा ऩचिन्‍तिन। खोक्‍कोसाआ ऩचिन्‍तिन्‌ओ य़ङ अ़छ़ङ मु, खोन्‍कि सोज्‍जेओ अ़मुनिन। खानानिन ऩचिन्‍तिन्‌वात्‍नि ख्रिस्‍तदा युङायाक्‍तानिन।

२ युहन्‍ना 1:2

देकिनालो अ़छ़ङ आन्‍कान्‌एदा याक्‌याङ, खोन्‍कि अ़धुन युङ्‌युङ।