युहन्‍ना 13:3 - बान्‍तावा राई

³ निनाम्‍हाङ पापाआ झारा सामा खोक्‍कोसोओ अ़चुछुक्‌दा अ़पुवाओ खोन्‍कि खोक्‍को निनाम्‍हाङ्‌लाम्‍पा म़ताओ खोन्‍कि निनाम्‍हाङ्‌एदा म़खात्‌याङ्‌नि येसुआ अ़सिन्‍ताङा।

युहन्‍ना 13:3 Referans Kwoze

युहन्‍ना 3:35

निनाम्‍हाङ पापाआ अ़चुछा सोमाअ़तुक, खोन्‍कि झारा सामाचि खोक्‍कोसोओ अ़चुछुक्‌दा अ़पुवायुङ्‌सा।

मत्‍ति 11:27

खोन्‍किना येसु म़य़ङा, “अ़ङ्‌पापाआ झारा सामाचिएदा पाङ्‌मुमा सावा अ़ङ्‌का ऩपुवाङ्‌युङ्‌साङ। निनाम्‍हाङ्‌ओ अ़चुछा साङ निकि अ़ङ्‌पापाएदाङ्‌का साङ्‌आछाङ अ़सिन्‍तुन। अ़ङ्‌पापा साङ निकिना अ़ङ्‌काएदाङ्‌का साङ्‌आछाङ अ़सिन्‍तुन। खोन्‍कि अ़ङ्‌का साङ्‌एदा खाङ मुमानि मिन्‍ङा, मोएदाङ्‌का नि साङ्‌आछाङ अ़ङ्‌पापा साङ निकिना अ़सिन्‍तुन।

हिब्रु 1:2

मेन ओ आदेङ्‌ओ लेन्‍चिदा खोक्‍को अ़चुछालाम्‍पा आन्‍कान्‌एनान म़चेवायुङ्‌सा। अ़चुछाङा खोक्‍कोसाआ झारा य़ङ्‌चिओ पाङ्‌यि कातोक अ़मुवायुङ्‌सा, खोक्‍कोलाम्‍पाङा हेन्‍खामाछाङ अ़मुया।

युहन्‍ना 17:2

देकिनालो खानानिन्‌आ खो त़प़म्‌ओ झारा म़नाचि खोसाआ अ़लुक्‍निन्‌ओ ह़ङ्‌म़ङ प़चिने निकिना खानानिन्‌आ खो झारा म़नाचिएदा पाङ त़प़म्‌युङ्‌सुम।

युहन्‍ना 8:42

येसुआ मोचि म़लोचि, “निनाम्‍हाङ आम्‍नुओ पाओनालो ना खानानिन्‌आ अ़ङ्‌का सोमात़तुक्‍ताङ्‌ऩङ्‌ओ। देकिनालो अ़ङ्‌का निनाम्‍हाङ्‌एदाङ्‌का ताङ्‌ओ। अ़ङ्‌का अ़ङ्‌मिन्‍माआ ताङ्‌ओ माआङ, मेन खोक्‍कोसाआ अ़ङ्‌का ऩछुत्‍ताङ्‍ओ।

मत्‍ति 28:18

खोन्‍कि येसु मोचिएदा म़ताकि म़लोचि, “निनाम्‍मा खोन्‍कि हेन्‍खामादाओ झारा पाङ अ़ङ्‌का ऩपुवाङ्‌युङ्‌साङ।

१ कोरिन्‍थि 15:27

देकिनालो “निनाम्‍हाङ्‌आ झारा य़ङ्‌चि खोक्‍कोसोओ अ़चुलाङ भेन्‌यु अ़क़म्‍तायुङ्‌सा”नि छाप्‍तायुङ्‌सा। मेन ओ छेङ्‌छेङ्‌छेङ्‌वा मुयाङ, “झारा य़ङ्‌चि खोक्‍कोसोओ अ़चुपाङ्‌दा म़युङ्‌सायुङ्‌सा”निओ य़ङ्‌दाङ्‌का आन्‍कान छेङ्‌छेङ्‌छेङ्‌वा सिन्‍तुम्‌योम: झारा य़ङ्‌चि ख्रिस्‍तओ अ़चुपाङ्‌दा अ़युक्‍तायुङ्‌साओ निनाम्‍हाङ मोसोओ अ़पाङ्‌दा ऩयाक्‍निनिन।

छाम्‍माय़ङ 2:36

खोन्‌ओसा झारा इस्राएलिचिआ ओ य़ङ अ़नुछ्‍या सिन्‍मादोत, ओ येसु क्रुस्‌दा खानानिन्‌आ त़ख़न्‍तुम्‍सेरुम। खोक्‍कोङा निनाम्‍हाङ्‌आ हाङ्‌पा खोन्‍कि ख्रिस्‍त अ़मुवायुङ्‌सा।”

युहन्‍ना 13:1

काक्‍माखात्‍मा चानुचाओ बुया, ओ हेन्‍खामा छित्‍मादामाकि पापा निनाम्‍हाङ्‌एदु खात्‍मा खोक्‍कोसोओ अ़चुग़रि तादिसायुङ्‌सानि येसुआ अ़सिन्‍ता। खोन्‍कि ओ हेन्‍खामादाओ अ़चुकाखेङ्‌चि अ़धुन सोमाम़तुक्‍तुचि, खोन्‍कि खोक्‍कोसाआ झारा अ़चुसोम्‍तुक्‍माआ मोचि सोमाम़तुक्‍तुचि।

युहन्‍ना 7:33

येसुआ म़लोचि, “अ़क्‍चित ग़रि अ़ङ्‌का खानानिन्‌एनान युङ्‌ङा, खोन्‍किना अ़ङ्‌का काछुत्‌एदा लाङाखात्‍ङा।

युहन्‍ना 7:29

खानानिन्‌आ खोक्‍को त़सिन्‍तिमिन। मेन अ़ङ्‌का खोक्‍को सिन्‍तुङ, देकिनालो अ़ङ्‌का खोक्‍कोलाम्‍पा ताङ्‌ओ, खोन्‍कि खोक्‍कोसाआ अ़ङ्‌का ऩछुत्‍ताङ्‌ओ।”

युहन्‍ना 3:13

निनाम्‍मादुङ्‌का काधा म़नाओ अ़छादाङ्‌का साङ्‌छाङ निनाम्‍मादु मान्‌वाङ्‌युक।

युहन्‍ना 1:18

निनाम्‍हाङ साङ्‌आछाङ देम्‍खाछाङ मान्‍खाङ्‌युक्‍तु। पापा निनाम्‍हाङ्‌ओ अ़चुकोङ्‌कोम च़क्‌दा कायुङ अ़क्‍छा ओन्‍ङाओ अ़चुछाआ निनाम्‍हाङ नुलोक खाङ्‌अ़मुसायुङ्‌सा।

लुका 10:22

अ़ङ्‌पापाआ झारा सामाचिएदा पाङ्‌मुमा सावा अ़ङ्‌का ऩपुवाङ्‌युङ्‌साङ। निनाम्‍हाङ्‌ओ अ़चुछा साङ निकि अ़ङ्‌पापाएदाङ्‌का साङ्‌आछाङ अ़सिन्‍तुन। अ़ङ्‌पापा साङ निकिना अ़ङ्‌काएदाङ्‌का साङ्‌आछाङ अ़सिन्‍तुन। खोन्‍कि अ़ङ्‌का साङ्‌एदा खाङ मुमानि मिन्‍ङा, मोएदाङ्‌का नि साङ्‌आछाङ अ़ङ्‌पापा साङ निकिना अ़सिन्‍तुन।”

युहन्‍ना 8:14

येसुआ म़लासुलोचि, “अ़ङ्‌का आप्‍पि अ़ङ्‌तुक्‌वादा सालुम्‍स़ङ प़ङ्‌नुछाङ अ़ङ्‌सालुम्‍स़ङ अ़छ़ङ मुयाङ। देकिनालो अ़ङ्‌का सिन्‍तुङ्‌योङ, अ़ङ्‌का खादाङ्‌का ताङ्‌ओ खोन्‍कि अ़ङ्‌का खादा खात्‍ङाङा। मेन खानानिन त़सिन्‍तिमिन, अ़ङ्‌का खादाङ्‌का ताङ माङ्‌लो खादा खात्‍ङाङा।