युहन्‍ना 11:24 - बान्‍तावा राई

²⁴ मार्थाआ खोक्‍को अ़लासालोवा, “अ़ङ्‌का सिन्‍तुङ्‌योङ, मो आदेङ्‌ओ लेन्‌ओ खोन्‍मालोन्‍मादा लापुक्‍लोन।”

युहन्‍ना 11:24 Referans Kwoze

छाम्‍माय़ङ 24:15

अ़ङ्‌का मो म़नाचिवाङा साम्‌योक्‍मि खोन्‍कि मान्‍साम्‌योक्‍मि ह्‍वातात्‍माङ म़स़दाओदाङ्‌का म़लाखोन्‍लोन निकिना निनाम्‍हाङ्‌एदा सोम्‍कुवा मुयाङ्‌सा हुङुङ्‌योङ।

लुका 14:14

खोन्‍कि खाना आसिखा त़तोक्‍तु। मोवात्‍नि त़च़नालो मोचिआ खाना अ़फान्‌दा चा प़मा ऩऱनान, मेन आदेङ साम्‌योक्‍मिचि म़स़दाओदाङ्‌का म़लाखोन्‍लोन्‌हिदा खाना ओसोओ सिरिफा त़तोक्‍तु।”

हिब्रु 11:35

मेत्‍छामाचिआ अ़चुओ साकोङ्‌छ़ङ्‌लाम्‍पा म़सुवादाओ अ़चुओ म़नाचि ह़ङ्‌म़ङ्‌दा म़खोन्‍तालोन्‍ताओ म़तोक्‍तुचि। नि खा-खाक्‍कोचिआ फोङ्‌माय़ङ ऩङाअ़छिरा खोन्‍कि च़लोक अ़नुवाक ह़ङ्‌म़ङ तोक्‍मा निम्‍पाङ अ़चाअ़त्‍मा अ़आङ्‌ता।

युहन्‍ना 6:39

खोन्‍कि अ़ङ्‌का काछुत्‌ओ अ़चुमिन्‍मा ओङा ओ, खोक्‍कोसाआ अ़ङ्‌का ऩपुवाङ्‍ओचिदाङ्‌का साङ्‌छाङ अ़ङ्‌का अ़माऩङ्‌ने, मेन मोचि आदेङ्‌ओ लेन्‌दा अ़ह़ङ मुङ्‌च़ङ्‌ने।

युहन्‍ना 6:40

अ़ङ्‌पापाओ अ़चुमित्‍चिऩङ ओङा ओ, झारा साङ-साङ्‌चिआ अ़चुओ छा अ़खाङ, खोन्‍कि खोक्‍कोएदा साकोङ्‌छ़ङ म़मु अ़धुन्‌ओ ह़ङ्‌म़ङ अ़तोक्‍ने। अ़ङ्‌का मो आदेङ्‌ओ लेन्‌दा अ़ह़ङ मुङ।”

युहन्‍ना 11:23

येसुआ मार्था लो, “आम्‍निछा लाखोन्‍लोन।”