युहन्‍ना 1:45 - बान्‍तावा राई

⁴⁵ फिलिप्‌आ नथानेल तुउकि लो, “आन्‍कान्‍का अ़क्‍छा म़ना धिरुम्‌युङ्‌सुम्‍का, निनाम्‍हाङ्‌य़ङ खाकालु मोसाआ य़ङ्‌हुप्‌दा खोन्‍कि नि निनाम्‍हाङ्‌य़ङ खाकालुचिआछाङ खोक्‍कोसोओ अ़तुक्‌वादा अ़छाप्‍तायुङ्‌सा। खोक्‍को योसेफ्‌ओ अ़छा नासरत्‌ओ येसु ओ।”

युहन्‍ना 1:45 Referans Kwoze

लुका 24:27

खोन्‍किना मोसाओ अ़छाप्‍लाखा खोन्‍कि नि झारा निनाम्‍हाङ्‌य़ङ खाकालुचिओ अ़चुछाप्‍लाखादाङ्‌का अ़पुङ्‌साकि झारा साम्‍कालिन्‌दा येसुओ अ़तुक्‌वादा म़छाप्‍ताङाओ य़ङ्‌चिओ अ़चुतुप्‍माय़ङ्‌चि मोचि म़फोङ्‌सुप़चि।

मत्‍ति 2:23

खो खाराकि नासरत्‌निओ सहरादा युङा। ओवात्‍नि निनाम्‍हाङ्‌य़ङ खाकालुचि म़चेवाओ य़ङ ताला: “खोक्‍को नासरिनि लो।”

लुका 24:44

खोक्‍कोसाआ मोचि म़लोचि, “खानानिन्‌एनान युङाङ्‌याङ्‌हिदा अ़ङ्‌का चेवाङ्‍ओ य़ङ्‌चि ओचिङा ओ: मोसाओ अ़य़ङ्‌हुप, निनाम्‍हाङ्‌य़ङ खाकालुचिओ छाप्‍लाखा खोन्‍कि साम्‍ऱङ्‌भुङ्‍ओ छाप्‍लाखादा छाप्‍ताओ अ़ङ्‌तुक्‌वादाओ झारा य़ङ्‌चि तामालामाङादोत।”

लुका 4:22

खोक्‍कोसोओ अ़चुय़ङ काएन्‌चि झारासाआ खोक्‍कोसोओ अ़चुतुक्‌वादा “अ़नुवाक”नि अ़लोवा। मेन खोक्‍को एन्‍नुलो म़चेवाओ अ़एनाकि मोचि दोम्‍तुदोचि खोन्‍कि “दि ओक्‍को योसेफ्‌ओङा अ़छा माआङ कि?”नि मोचि म़य़ङा।

युहन्‍ना 18:7

खोक्‍कोसाआ मोचि म़लासुसेनुचि, “खानानिन साङ त़लामुम्‌योम ओ?” मोचि म़य़ङा, “नासरत्‌ओ येसु।”

मर्कुस 6:3

दि ओक्‍को स़ङ्‌काचि कामु माआङ? दि ओक्‍को मरियम्‌ओ अ़छा खोन्‍कि याकुब, योसेफ, यहुदा खोन्‍कि सिमोन्‌ओ अ़चुबुवा माआङ कि? दि ओसोओ अ़छेत्‍कुमा निछाचि आन्‍कान्‌एनान ऩयुङ्‌निनिन कि?” खोन्‍कि मोचिआ खोक्‍को अ़सुङ्‌ता खोन्‍कि साकोङ्‌छ़ङ मान्‍मुअ़दा।

मत्‍ति 21:11

म़ना मुक्‍लादाओचिआ अ़लासालोवा, “ओ गालिल्‌दाओ नासरत्‌दाङ्‌का म़ताओ निनाम्‍हाङ्‌य़ङ खाकालु येसु ओ।”

छाम्‍माय़ङ 22:8

खोन्‍कि अ़ङ्‌का सेनुङ, ‘हाङ्‌पो! खानानिन साङ ओ?’ खोन्‍कि खोक्‍कोसाआ ऩलोवाङ, ‘अ़ङ्‌का नासरत्‌ओ येसु ओ, खोङा खाना दुखा त़प़ङु।’

छाम्‍माय़ङ 10:38

खोन्‍कि देत्‍नि निनाम्‍हाङ्‌आ सेङ्‌लावा खोन्‍कि सावा नासरत्‌ओ येसु अ़पुवा, खोक्‍कोसोओ अ़तुक्‌वादा खानानिन्‌आ त़सिन्‍तुम्‌योम्‌ङा। खोन्‍किना खोक्‍को अ़नुवाक काचि मुयाङ्‌सा खोन्‍कि सैतानाआ क़म्‍तुङुचिओचि नुयाङ्‌सा झारादात्‍नि म़कोला, देकिनालो निनाम्‍हाङ खोक्‍कोएदा म़याआङा।

युहन्‍ना 21:2

सिमोन पत्रुस, दिदुमस्‌नि लोवाङाओ थोमा, गालिल्‌दाओ काना सहरादाओ नथानेल, जब्‍दियाओ ह़वाङ अ़छाचि खोन्‍कि खोक्‍कोसोओ अ़चुकाखेङ्‌पाचिएदाङ्‌काओ नि ह़वाङ अ़क्‍नि म़युङाङा।

लुका 2:4

मोन्‍ग़रि योसेफ अ़ऩङ छाप्‍सि गालिल धिखाहुप्‌दाओ नासरत तेन्‌दाङ्‌का लोन्‍ताकि यहुदिया धिखाहुप्‌दाओ दाउद्‌ओ अ़तेन बेथलेहेम्‌दुत्‍नि खारा। देकिनालो खोक्‍को बुयाओ हाङ दाउद्‌ओ अ़छावारि याआङा।

मर्कुस 14:67

खोन्‍कि मोसाआ पत्रुस मि च़क्‌दा काङ्‌तान्‌यान्‍चिन्‌ओ खाकि खोएह्‍यात्‍नि नुलोक चोप्‌याङ्‌सा लो, “खानाछाङ नासरत्‌ओ येसुएनान त़युङाङा।”

मत्‍ति 13:55

दि ओक्‍को स़ङ्‌काचि कामुओ अ़छा माआङ? दि ओसोओ अ़माओ अ़ऩङ मरियम माआङ? खोन्‍कि दि ओसोओ अ़निछा दुवाछाचि याकुब, योसेफ, सिमोन खोन्‍कि यहुदा माआङ कि?

छाम्‍माय़ङ 26:9

अ़ङ्‌काछाङ बुया नासरत्‌ओ येसु काखेङ्‌चिओ अ़चुदेङ्‌सालाप्‍पादा झारा य़ङ्‌चिदा फित्‍चि मुमादोत्‌नि मिनाङ्‌याङ।

छाम्‍माय़ङ 3:6

खोन्‍किना पत्रुस्‌आ खो लो, “अ़ङ्‌काएदा हाराक्‌वा खोन्‍कि रुपा ना मात्‍द़ङ, मेन दि अ़ङ्‌काएदा युङ्‌याङ, मो अ़ङ्‌का खाना प़ना। नासरत्‌ओ येसु ख्रिस्‍तओ अ़चुऩङ्‌दा कोला!”

छाम्‍माय़ङ 2:22

इस्राएल म़नाचि ओ, ओ य़ङ्‌चि एनानुम्‍च़म! नासरत्‌ओ येसु आम्‍नुओ बुदा निनाम्‍हाङ्‌आ सावा काचिचि, म़दोम्‍दाओ काचिचि खोन्‍कि बुन्‍चिलाम्‍पा अ़य़साओ निकिना खाङ्‌अ़मुसा। मो खानानिन नुलोक त़सिन्‍तुम्‌योम।

युहन्‍ना 19:19

पिलातस्‌आ अ़क्‌तात लाहिपाक्‍मा छाप्‍माय़ङ्‌छाङ छाप्‍तु, खोन्‍कि क्रुस्‌दा अ़खेप्‍ता। मोदा ओवात्‍नि छाप्‍ताङा, “नासरत्‌ओ येसु, यहुदिचिओ अ़चुहाङ।”

युहन्‍ना 18:5

मोचिआ खोक्‍को अ़लासालोवा, “नासरत्‌ओ येसु।” येसुआ मोचि म़लासुलोचि, “अ़ङ्‌का खोङा ओ।” खोक्‍को कालाप्‍प़पा यहुदाछाङ मोचिएनान एवाङा।

युहन्‍ना 6:42

मोचि म़य़ङा, “दि ओ योसेफ्‌ओ अ़छा येसु माआङ कि? ओसोओ अ़पा खोन्‍कि अ़मा आन्‍कान अ़सिन्‍तिन्‍मिन्‌येन्‍चिन कि? ओन्‍ग़रि ओ देत्‍नि ‘अ़ङ्‌का निनाम्‍मादुङ्‌का धाङ्‍ओ’नि य़ङ्‌याङ ओ?”

लुका 3:23

येसुआ अ़चुकाचि अ़पुङ्‌साहिदा खोक्‍को तिस्‌कादोङ लेकाओ म़लिसायुङ्‌सा। म़नाचिआ योसेफ्‌ङा खोक्‍कोसोओ अ़चुपानि अ़मित्‍ताङा। योसेफ्‌ओ अ़पा एलि युङाङा।

मत्‍ति 10:3

फिलिप खोन्‍कि बारथोलोमाइ, थोमा खोन्‍कि दाम्‍दु कालात मत्‍ति, अल्‍फयस्‌ओ अ़छा याकुब खोन्‍कि थेदियस,

लुका 2:48

अ़चुछा अ़खाचुकि अ़चुमापाचि दोम्‍तुदोचि। खोन्‍किना अ़चुमाआ सेनु, “छाओ, खाना आन्‍काच्‍या देकि ओवात्‍नि त़मुनिओ? खाखो, आम्‍पा खोन्‍कि अ़ङ्‌का सोखा मुयाङ्‌सा खाना लाम्‍निलुक्‍निङ्‌निओ।”

युहन्‍ना 1:44

अन्‍द्रियास खोन्‍कि पत्रुस्‌वात्‍नि फिलिप्‌छाङ बेथसेदा सहरादाओङा ओ।

युहन्‍ना 6:5

येसुआ अ़चुऱङ्‌कोप्‍नि अ़चोआहिदा अ़क्‌तात अ़धिवो म़ना मुक्‍लाचि खोक्‍कोएदा म़ताङाओ अ़खाकि फिलिप अ़लोवा, “ओ म़नाचि चान्‍माचिओ निम्‍पाङ आन्‍कान खादाङ्‌का पेम्‍पाक खिरिन्‍तारिन ओ?”

युहन्‍ना 6:7

फिलिप्‌आ खोक्‍को लासुलो, “झारासा उन्‍दा-उन्‍दा अ़चानुछाङ ह्‍वा सये रुपाओ अ़फेक्‌वाओ पेम्‍पाक्‌आ मोचि अ़लात्‍तुन्‍चिन।”

युहन्‍ना 12:21

मोचि गालिल्‌ओ बेथसेदादा कायुङ फिलिप्‌एदा म़ताकि अ़लोवा, “काचिन्‍पो, आन्‍कान्‍का येसु तुप्‍मा स़न्‌येन्‍का।”

युहन्‍ना 14:8

फिलिप्‌आ खोक्‍को अ़लोवा, “हाङ्‌पो, आन्‍कान्‍का पापा निनाम्‍हाङ खाङ्‌मेत्‍नि, खोन्‍कि आन्‍काओ सोम्‍स़।”

लुका 18:37

म़नाचिआ मो दोप्‍म़क अ़लोवा, “नासरत्‌ओ येसु ओलाम्‍पा म़खात्‌याङ।”