युहन्‍ना 1:17 - बान्‍तावा राई

¹⁷ मोवात्‍निङा य़ङ्‌हुप निनाम्‍हाङ्‌य़ङ खाकालु मोसालाम्‍पा म़पुवा, मेन सोमातुक्‍मा खोन्‍कि अ़छ़ङ येसु ख्रिस्‍तलाम्‍पा ता।

युहन्‍ना 1:17 Referans Kwoze

रोमि 6:14

हेवा खानानिन्‌एदा हाङ अ़मुनिन, देकिनालो खानानिन य़ङ्‌हुप्‌ओ अ़क़म्‍मादा त़याइमिन्‌येन, मेन सोम्‍तुक्‍माओ अ़क़म्‍मादा त़याइन्‌येन।

युहन्‍ना 14:6

येसुआ अ़लासालोवा, “लाम, अ़छ़ङ खोन्‍कि ह़ङ्‌म़ङ अ़ङ्‌काङा ओ। अ़ङ्‌काएदाङ्‌का नि साङ्‌लाम्‍पाछाङ अ़ङ्‌पापाएदु खात्‍मा अ़ऱनिन।

युहन्‍ना 1:14

मो य़ङ पोक लिसाकि आन्‍रादा म़याआ। युहन्‍नाआ खोक्‍कोसोओ अ़चुतुक्‌वादा सालुम्‍स़ङ प़याङ्‌सा म़लोचि, “साङ्‌कोओ अ़चुतुक्‌वादा अ़ङ्‌का खानानिन लोनानिन, खोक्‍को ओङा ओ, अ़ङ्‌कादाङ्‌का आदेङ म़ताओ तोक्‍पो म़मुयाङ, देकिनालो खोक्‍को अ़ङ्‌कादाङ्‌का बुयाङा म़युङाङा।” आन्‍कान्‍का खोक्‍कोसोओ अ़चुसाम खाम्‌युङ्‌सुम्‍का। खोक्‍को निनाम्‍हाङ पापाओ अ़क्‍छा ओन्‍ङा अ़चुछा खान्‍तुलो तोक्‍पो म़मुवाङा। मो य़ङ सोम्‍तुक्‍मायु खोन्‍कि अ़छ़ङ्‌आ भेप्‍तुओ म़मुवाङा।

हिब्रु 9:22

अ़नुछ्‍या य़ङ्‌हुप य़ङ्‌याङ्‌वा ह़आ आप्‍फात झारा सेङ्‌सु, खोन्‍कि ह़ सोन्‍कि ओन्‍ङा हेवा लेत।

युहन्‍ना 8:32

खोन्‍किना खानानिन्‌आ अ़छ़ङ त़सिन्‍तुम, खोन्‍कि अ़छ़ङ्‌आ खानानिन त़फोङ्‌सिन।”

युहन्‍ना 7:19

दि निनाम्‍हाङ्‌य़ङ खाकालु मोसाआ खानानिन य़ङ्‌हुप त़प़न्‌ओ माआङ? मेन खानानिन साङ्‌छाङ मो य़ङ्‌हुप्‌वा त़च़न्‍मिन। खानानिन देकि अ़ङ्‌का सेत्‍मा त़लाप्‍ङाङाऩङ?”

छाम्‍माय़ङ 28:23

खोन्‍किना खोचिआ पावल तुप्‍खालेन अ़तोङ्‌सा, खोन्‍कि खो युङाङाओदा ब़द्‍धे यहुदिचि म़ता। खोसाआ अ़वाय़ङ्‌दाङ्‌का अ़नाम्‍प़क्‌तारि निनाम्‍हाङ्‌ओ अ़चुहाङ्‌होन्‌ओ अ़तुक्‌वादा खाएत्‌याङ्‌सा खोन्‍कि मोसाओ अ़य़ङ्‌हुप खोन्‍कि निनाम्‍हाङ्‌य़ङ खाकालुचिओ अ़चुछाप्‍लाखादाङ्‌का येसुओ अ़तुक्‌वादा साकोङ्‌छ़ङ मुमा निम्‍पाङ सोन्‍तुचि।

गलाति 3:17

अ़ङ्‌य़ङ्‌माओ अ़तुप्‍माय़ङ ओङा ओ, निनाम्‍हाङ्‌आ अ़छ़ङ अ़मुवाओ हिप्‍माय़ङ चार सये तिस्‌कादोङ आदेङ्‌ओ य़ङ्‌हुप्‌आ अ़क़प्‍तुन, माङ्‌लोना हिप्‍माय़ङ सोज्‍जे लिसाओ।

छाम्‍माय़ङ 7:38

ओ मोसाङा इस्राएलि म़नाचि लेक्‍लेक्‍लेक्‌वाओदा साम्‍भुङ्‌चिएदा निनाम्‍हाङ काफा खोन्‍कि आन्‍सुन्‍तुम्‌चिएनान सिनै भ़ऱदु म़चेवा, खोन्‍कि निनाम्‍हाङ्‌य़ङ खाकालु मोसाआ आन्‍कान प़मा निम्‍पाङ अ़ह़ङ य़ङ्‌खान्‌चि निनाम्‍हाङ काफाएदाङ्‌का तोक्‍तुचि।

युहन्‍ना 5:45

ओ मान्‍मित्‌दानुम, अ़ङ्‌का पापा निनाम्‍हाङ्‌ओ अ़चुबुदा खानानिन लाहि पाक्‍नानिन। खानानिन लाहि कापाक ना निनाम्‍हाङ्‌य़ङ खाकालु मोसा ओ, खोएदा खानानिन सोम्‍कुवा त़मुन।

२ कोरिन्‍थि 1:20

देकिनालो निनाम्‍हाङ्‌ओ झारा अ़चुहिप्‍माय़ङ्‌चि खोक्‍कोएदा “अ़नुछ्‍या” म़मु। खोन्‌ओसा खोक्‍कोलाम्‍पा निनाम्‍हाङ्‌ओ अ़चुऩङ्‌लोङ्‌माओ निम्‍पाङ आन्‍कान “आमेन”नि य़ङिन।

युहन्‍ना 9:29

आन्‍कान्‍का सिन्‍तुम्‌योम्‍का मोसाएनान निनाम्‍हाङ म़चेवायुङ्‌सा, ओ म़ना खादाङ्‌का ताओ, आन्‍कान्‍का अ़सिन्‍तिमिन्‍का।”

युहन्‍ना 18:37

पिलातस्‌आ खोक्‍को सेनु, “दि खाना हाङ्‌ङा ओ म़ल़क?” येसुआ लासुलो, “खानानिन्‌ङा खोवात्‍नि त़य़ङिन्‌युङ्‌सिन म़ल़क। ओसोओ निम्‍पाङ अ़ङ्‌का लिसाङ ओ, खोन्‍कि ओ अ़छ़ङ य़ङ्‍ओ निकिना सालुम्‍स़ङ प़सि अ़ङ्‌का ओ हेन्‍खामादा ताङ्‌ओ। झारा साङ्‌आ अ़छ़ङ य़ङ त़ङ्‌तु, मोसाआ अ़ङ्‌य़ङ एनु।”