याकुब 3:10 - बान्‍तावा राई

¹⁰ अ़क्‌तात दोदाङ्‌का चोन्‍मा खोन्‍कि माङ्‌हिम लोन। अ़ङ्‍ब़ब़, नाना खोन्‍कि निछाचि ओ, ओवात्‍नि लिमा अ़नुनिन।

याकुब 3:10 Referans Kwoze

रोमि 12:14

खानानिन काल़क्‌चि आसिखा पुवानुम्‍च़म, माङ्‌मान्‍हिम्‍दानुम्‍च़म।

१ पत्रुस 3:9

अ़त्‍लोओ अ़फान्‌दा अ़त्‍लो मान्‍च़दानिन, माङ्‌लो रुफोक्‍माओ अ़फान्‌दा रुमान्‍फोक्‍दानिन, मेन मोसोओ अ़फान्‌दा आसिखा पुवानुम्‍च़म। देकिनालो ओसोओ निम्‍पाङ निनाम्‍हाङ्‌आ खानानिन ऩबुत्‍तिन्‌ओ, खोन्‌ओसा आसिखा तोक्‍तानुम।

१ कोरिन्‍थि 3:3

हान्‍छाङ खानानिन हेन्‍खामादाओवात्‍निङा त़मुन्‌येन, देकिनालो आम्‍नुओ रादा ऩङ्‌च़ खोन्‍कि खिमा युङ्‌याङ्‍ओसा दि खानानिन पोक्‌दाओ माआङ कि? दि खानानिन ओ हेन्‍खामादाओ म़नाओ अ़च़माथाङ्‌मावा काच़ मान्‍लित़दान कि?

१ तिमोथि 5:13

मोन्‌ओन्‍ङा माआङ, मोदाङ्‌का च़लोक मोचि खिम-खिम्‌दा काकोन म़लिकि सोसे लिमा म़चिन्‍नान्‍चिन। खोन्‍कि सोसे लिमा ओन्‍ङा माआङ, मेन दुम्‍कालु खोन्‍कि नि म़नाओ अ़काचिदा छुक कापाक, चेप्‍मा अ़नुनिन्‌ओ य़ङ्‌चि म़चेप।

याकुब 1:16

अ़ङ्‌का सोमातुक्‍नाङ्‌नानिन्‌ओ ब़ब़, नाना खोन्‍कि निछाचि ओ, मान्‍धादानिन।

याकुब 1:19

अ़ङ्‌का सोमातुक्‍नाङ्‌नानिन्‌ओ अ़ङ्‍ब़ब़, नाना खोन्‍कि निछाचि ओ, ओ य़ङ तुप्‍तानुम, झारा म़ना एन्‍मादा च़क्‍नि, चेप्‍मादा स़लेनि खोन्‍कि माइसुङ्‌कात्‍मादा स़लेनि लिमादोत।

याकुब 3:1

ब़ब़, नाना खोन्‍कि निछाचि ओ, खानानिन ब़द्‍धेकापाङ काचिन्‌चि मान्‍लिदानिन। देकिनालो खानानिन त़सिन्‍तुम्‌योम, आन्‍कान्‍का काचिन्‍चिओ आन्‍काओ छ़ङ्‌छेन्‍मा ब़द्‍धे चाअ़त्‍लो लि।

याकुब 3:9

ओ लेम्‌आ आन्‍कान हाङ्‌पा खोन्‍कि निनाम्‍हाङ पापा चोन्‍तुम्‌योम, खोन्‍कि ओ लेम्‌आङा आन्‍कान निनाम्‍हाङ्‌ओ अ़चुकात्‍मादा म़मुयुचिओ म़नाचि माङ्‌हिम्‍सुम्‍च़म।

याकुब 3:11

दि अ़क्‌तात बोन्‌वादाङ्‌काङा ख़क्‌याङ्‌ओ खोन्‍कि चानुयाङ्‌ओ चाक्‌वा लोन कि?