हिब्रु 9:27 - बान्‍तावा राई

²⁷ देत्‍नि म़नाचि अ़क्‍दु स़माङादोत, खोन्‍कि आदेङ निनाम्‍हाङ्‌आ छ़ङ म़छेन्‍तुचि,

हिब्रु 9:27 Referans Kwoze

२ कोरिन्‍थि 5:10

देकिनालो आन्‍कान झारा ख्रिस्‍तओ अ़चुछ़ङ्‌छेन्‍खाओ अ़बुदा एप्‍माङादोत, ओवात्‍नि आन्‍पोक्‌दा युङिन्‌येन्‌हिदा आन्‍कान मुम्‌ओवा झारासाआ अ़नुवाक माङ्‌लो अ़अ़त्‍पाओ अ़सिवा तोक्‍तुम।

छाम्‍माय़ङ 17:31

देकिनालो खोक्‍कोसाआ अ़छेन्‍ताओ अ़क्‍छा म़नालाम्‍पा हेन्‍खामादाओ झारा म़नाचि साम्‌योक्‍मि छ़ङ्‌छेन्‍मा निकिना खोक्‍कोसाआ अ़क्‌लेन अ़छ़ङ अ़मुवायुङ्‌सा। खोक्‍कोसाआ मो म़ना म़सुवादाओदाङ्‌का अ़खोन्‍तालोइसाकि झारा म़नाचि ओसोओ अ़चुसालुम्‍स़ङ अ़पुवायुङ्‌सा।”

यहुदा 1:15

झारा म़नाचिओ अ़चुछ़ङ्‌छेइसि हाङ्‌पा म़तायाङ। झारा मान्‍साम्‌योक्‍मिचिआ अ़मुवायुङ्‌साओ झारा मान्‍साम्‌योक्‍मि अ़अ़त्‍पा काचिचि खोन्‍कि हाङ्‌पाओ अ़चुदेङ्‌सालाप्‍पादा म़चेवायुङ्‌साओ चाअ़त्‍लो य़ङ्‌चि ह़त्‍सि हाङ्‌पा म़तायाङ।”

२ तिमोथि 4:1

निनाम्‍हाङ्‌ओ अ़चुबुदा खोन्‍कि अ़ह़ङ खोन्‍कि म़स़दाओचि छ़ङ्‌काछेन ख्रिस्‍त येसुओ अ़चुबुदा, खोन्‍कि खोक्‍कोसोओ अ़चुलामातामा खोन्‍कि अ़चुहाङ्‌होन मित्‌याङ्‌सा अ़ङ्‌का खाना चाप्‍चेत्‌याङ्‌सा लोना:

रोमि 5:12

अ़क्‍छा म़नालाम्‍पा हेन्‍खामादा हेवा ता, खोन्‍कि हेवादाङ्‌का स़मा। खोन्‍कि झारा म़नाचि हेवा म़मुवाओसा झारा म़नाचिएदा स़मा ता।

१ कोरिन्‍थि 4:5

खोन्‌ओसा काइसाओ ग़रिदाङ्‌का बुया दित्‍छाङ छ़ङ्‌मान्‍छेन्‌दानिन। हाङ्‌पा म़तालो हुङानुम। दि कुइयामादा कुमायुङ्‌सा, खोक्‍कोसाआ साम्‌दा म़तारुचि खोन्‍कि म़नाचिओ अ़चुसाकोङ्‌वादाओ अ़चुमित्‍चिऩङ्‌चि खाङ्‌म़मुसुचि। मोन्‍ग़रि झारा म़नाचिआ निनाम्‍हाङ्‌एदाङ्‌का अ़चुचोन्‍मा अ़तोक।

हिब्रु 6:2

वास़मा थाप्‍स़ङ्‌चि, छुक युङ्‌मा थाप्‍स़ङ, म़सुवादाओचिओ अ़चुलामाखोन्‍मालोन्‍मा खोन्‍कि अ़लुक्‍निन्‌ओ दन्‍दाओ अ़तुक्‌वादा अ़दु-अ़दु मान्‍चिन्‌युङ्‌दानिन्‍चिन।

खाङ्‌मुमा 20:11

खोन्‍कि अ़ङ्‌का अ़क्‌तात अ़धिवाङ हाङ्‌युङ्‌खा खोन्‍कि मो दुङ्‌दा कायुङ खाङ। खोक्‍कोसोओ अ़चुबुदाङ्‌का हेन्‍खामा खोन्‍कि नाम्‍छ़ऱ फुङ्‌साखाराचि, खोन्‍कि मोचि मान्‍लाखाङ्‌मुसाचिचिन।

रोमि 2:5

मेन खानानिन ऱक्‍भाक त़मुन्‌येन खोन्‍कि फान्‍मान्‍चिन त़छुन्‍तिन। खोन्‌ओसा निनाम्‍हाङ्‌आ अ़चुओ माइसुङ खाङ्‌अ़मुओ लेन्‌दा खोक्‍कोसाआ खानानिन अ़न्‍नुनु चाअ़त्‍लो दन्‍दा ऩप़न। मो लेन झारासाआ निनाम्‍हाङ्‌ओ अ़चुछ़ङ्‌छेन्‍मा नुलोक अ़खाङ।

हिब्रु 10:27

मेन मोचिओ निम्‍पाङ क़माकात्‍तुओ निनाम्‍हाङ्‌ओ अ़चुछ़ङ्‌छेन्‍मा खोन्‍कि ङेङ्‌चि च़ऱप्‍पाओ मिआ राङ्‌माखान्‍मा ओन्‍ङा याक।

१ युहन्‍ना 4:17

छ़ङ्‌छेन्‍माओ लेन्‌दा आन्‍कान क़मा अ़दोत्‍निन निकिना ओवात्‍निङा आन्‍कान्‌एदा अ़छ़ङ सोम्‍तुक्‍मा अ़तासाला, देकिनालो ख्रिस्‍त दियाको म़मुयाङ आन्‍कान्‌छाङ ओ हेन्‍खामादा मोवाकोङा मुन्‌येन।

लुका 20:32

आदेङ्‌माङ, मो मेन्‍मित्‍माछाङ सुवादा।