हिब्रु 9:26 - बान्‍तावा राई

²⁶ माङ्‌नालोना हेन्‍खामाओ अ़पुङ्‌चिपुक्‌दाङ्‌काङा खोक्‍कोसाआ अ़दु-अ़दु अ़चाअ़त्‍मा आङ्‌मादोराओ। मेन ओ जुगाओ अ़देङ्‌दा खोक्‍कोसोओङा अ़चुहेन्‍खोक्‌वालाम्‍पा हेवा चुम्‍खाइसि खोक्‍को अ़धुन्‌ओ निम्‍पाङ अ़क्‍धुवा खाङ्‌म़मुसान्‌युङ्‌सान्‍चिन।

हिब्रु 9:26 Referans Kwoze

१ पत्रुस 1:20

खोक्‍को हेन्‍खामा मुन्‍मादाङ्‌का बुयाङा निनाम्‍हाङ्‌आ अ़छेन्‍तायुङ्‌सा, मेन आम्‍नुओ निकिना आदेङ्‌माङ खोक्‍को खाङ्‌अ़मुसा।

हिब्रु 9:12

मेनेत्‍पा माङ्‌लो बोयोङ्‌ओ अ़ह़आ माआङ, मेन आप्‍पिओ अ़चुह़आ आन्‍कान अ़धुन्‌ओ निम्‍पाङ लेइसि अ़क्‍धुवा तोक्‍पो सेङ्‌याङ्‌ओ खोप्‌हुत्‌दा खोक्‍को म़वाङा।

मत्‍ति 25:34

खोन्‍किना हाङ्‌आ अ़चुचुप्‍ताङ्‌छुक्‍लिप्‍पाओचि म़लोचि, ‘बानानिन, अ़ङ्‌पापाओ अ़चुआसिखा कातोक्‌चि ओ! हेन्‍खामा मुन्‍माय़ङ ग़रिदाङ्‌काङा आम्‍नुओ निम्‍पाङ चुम्‍सायुङ्‌साओ हाङ्‌होन्‌दा त़वाङिन।

१ पत्रुस 3:18

देकिनालो ख्रिस्‍त्‌छाङ आन्‍कान निनाम्‍हाङ्‌एदा तात्‍मा निम्‍पाङ साम्‌योक्‍मि म़ना मान्‍साम्‌योक्‍मिचिओ निकि खोक्‍को अ़धुन्‌ओ निम्‍पाङ हेवामिचिओ अ़चुफान्‌दा अ़क्‍दु म़सुवा। खोक्‍को पोक्‌दा म़सुवा, मेन लावादा म़खोन्‍तालोन्‍ता।

हिब्रु 1:2

मेन ओ आदेङ्‌ओ लेन्‍चिदा खोक्‍को अ़चुछालाम्‍पा आन्‍कान्‌एनान म़चेवायुङ्‌सा। अ़चुछाङा खोक्‍कोसाआ झारा य़ङ्‌चिओ पाङ्‌यि कातोक अ़मुवायुङ्‌सा, खोक्‍कोलाम्‍पाङा हेन्‍खामाछाङ अ़मुया।

हिब्रु 10:4

देकिनालो बोयोङ्‌चि खोन्‍कि मेनेत्‍पाचिओ अ़चुह़आ हेवा खान्‍मा अ़ऱन।

हिब्रु 7:27

नि मुलो काब़क्‍पाचिआ बुया अ़चुहेवाचिओ निम्‍पाङ खोन्‍कि म़नाचिओ अ़चुहेवाओ निम्‍पाङ अ़लेन्‍खिन्‍तुम हेन्‍खोक्‌वा प़मायुङ्‌मा दोराङा। मेन येसुआ मान्‍दोत। खोक्‍को आप्‍पि हेन्‍खोक्‌वा म़लिसाकि म़नाचिओ अ़चुहेवाचिओ निम्‍पाङ खोक्‍कोसाआ मो काचि अ़धुन्‌ओ निम्‍पाङ अ़क्‍धुवा अ़मुवा।

१ युहन्‍ना 3:5

आन्‍हेवा लेत्‍सि ख्रिस्‍त म़ताओ य़ङ खानानिन त़सिन्‍तुम्‌योम, खोन्‍कि खोक्‍कोएदा हेवा मात्‍द़ङ।

हिब्रु 10:12

मेन ख्रिस्‍तआ ना हेवाचि अ़धुन चुम्‍माखान्‍माओ निम्‍पाङ अ़क्‌तात्‌ङा हेन्‍खोक्‌वा अ़पुवा, खोन्‍किना खोक्‍को निनाम्‍हाङ्‌ओ अ़चुचुप्‍ताङ्‌लिप्‍पा म़युङायुङ्‌सा।

हिब्रु 10:10

खोन्‍कि मो निनाम्‍हाङ्‌ओ अ़चुमिन्‍मावात्‍नि येसु ख्रिस्‍तआ अ़चुपोक्‌ओ हेन्‍खोक्‌वालाम्‍पा अ़धुन्‌ओ निम्‍पाङ आन्‍कान म़सेङ्‌सायुङ्‌सा।

हिब्रु 9:14

ओ अ़छ़ङ य़ङ ओनालो, ख्रिस्‍तओ अ़चुह़आ देम च़लोक आन्‍छेन्‍खाताया हेवा काचिचिदाङ्‌का सेङ, खोन्‌ओसा आन्‍कान अ़ह़ङ निनाम्‍हाङ ब़क्‍मा ऱम। देकिनालो खोक्‍कोसाआ अ़धुन्‌ओ लावाओ सावाआ आप्‍पि अ़च़क़ल़क हेन्‍खोक्‌वा म़लिसाकि निनाम्‍हाङ अ़पुवालावा।

१ पत्रुस 2:24

हेवाओ अ़सावा आन्‍कान्‌एदा दित्‍छाङ अ़युङ्‌निन्‍ने, खोन्‍कि साम्‌योक्‍मिओ निम्‍पाङ ह़ङिन्‍ने निकिना क्रुस्‌दा खोक्‍कोसाआ आप्‍पि आन्‍हेवा अ़खुया। खोक्‍कोसोओ अ़चुखेन्‍चिलाम्‍पा खानानिन त़नुन्‌युङ्‌सिन।

खाङ्‌मुमा 17:8

खाना त़खाओ मो साक्‍स़ङ अ़क्‍दु ह़ङाङा, हान मात्‍द़ङ। हान्‍छाङ मो अ़थेन मात्‍द़ङ्‌ओ हुत्‌दाङ्‌का लालोन खोन्‍कि लुक्‍सि खात। हेन्‍खामादा कायुङ म़नाचि, साङ्‌कोओ अ़ऩङ हेन्‍खामा मुन्‍मा बुयादाङ्‌काङा ह़ङ्‌म़ङ्‌ओ छाप्‍लाखादा मान्‍छाप्‌युक, मोचिआ मो साक्‍स़ङ अ़खाङ्‌कि दोम्‍तुदाचि, देकिनालो मो अ़क्‍दु ह़ङाङा, मेन हान मात्‍द़ङ खोन्‍कि मो माय़ङ लाता।

हिब्रु 4:3

मेन आन्‍कान साकोङ्‌छ़ङ कामुचि मो सावातोम्‍खादा वाङिन। मेन नि म़नाचिओ अ़चुतुक्‌वादा निनाम्‍हाङ ओवात्‍नि म़य़ङायुङ्‌सा, “अ़ङ्‌का अ़ङ्‌च़ऱपादा ओवात्‍नि किरे चोङ, ‘अ़ङ्‌सावातोम्‍खादा मोचि देम्‍खाछाङ ऩवाङ्‌निन’।” निनाम्‍हाङ्‌आ हेन्‍खामा अ़मुयाहिदा सावातोम्‍खा मोदा युङाङा,

तितस 2:14

झाराकापाराओ आन्‍हेवादाङ्‌का आन्‍कान फोङ्‌सि, आन्‍कान सेङ्‌सि, खोन्‍कि अ़नुवाक काचि मुमा कास़ आप्‍पिओ अ़चुम़ना मुसि येसु ख्रिस्‍तआ आन्‍को निकि अ़चुह़ङ्‌म़ङ म़पुवा।

एफिसि 5:2

देत्‍नि ख्रिस्‍तआ आन्‍कान सोमाम़तुक्‍ता खोन्‍कि निनाम्‍हाङ्‌ओ निम्‍पाङ नाम्‍नुयाङ्‌ओ छुक्‍दाम खोन्‍कि हेन्‍खोक्‌वावात्‍नि म़लिसाकि खोक्‍को आप्‍पि आन्‍को निम्‍पाङ म़सुवा, मोवात्‍नि खानानिन्‌छाङ सोमातुक मुवानिन।

एफिसि 1:10

ग़रि तालाकिना निनाम्‍मा खोन्‍कि हेन्‍खामादाओ झारा य़ङ्‌चि ख्रिस्‍तओ अ़चुपाङ्‌दा म़ता।

१ कोरिन्‍थि 10:11

ओ य़ङ्‌चि आन्‍को अ़मात्‍ऩङ्‌ओ निम्‍पाङ मोचिएदा म़लिसाओ। साङ जुगाओ अ़लुक्‍मातारि ह़ङ, मो य़ङ्‌चि आन्‍कान चाप्‍चेत्‍माओ निम्‍पाङ म़छाप्‍ताओ।

खाङ्‌मुमा 13:8

खोन्‍कि हेन्‍खामादा कायुङ झारा म़नाचिआ मो साक्‍स़ङ अ़ब़क। मोचिओ अ़चुऩङ हेन्‍खामा मुन्‍मा बुयादाङ्‌काङा ह़ङ्‌म़ङ्‌ओ छाप्‍लाखादा मान्‍छाप्‌युक्‍ता। मो छाप्‍लाखा म़सेराओ थुबाछाएदा याक्‌याङ।

हिब्रु 10:26

देकिनालो अ़छ़ङ्‌ओ ताया तोक्‍तुम्‌किछाङ आन्‍कान सिन्‌याङ्‌सा हेवा मुन्‌युङ्‌सिन्‌नालो हेवाओ निम्‍पाङ हान्‌दाङ्‌का नि खाक्‍कोछाङ हेन्‍खोक्‌वा मात्‍द़ङ।

गलाति 4:1

अ़ङ्‌का य़ङ्‌ङाङाओसो अ़तुप्‍माय़ङ ओङा ओ, पाङ्‌कातोक देम्‍खातारिछाङा मु, खो झारा सामाओ अ़चुहाङ्‌पानुछाङ हारुक्‌दाङ्‌का निवात्‍नि अ़मुनिन।

युहन्‍ना 17:24

आपो, अ़ङ्‌का मिन्‍ङाङा, खानानिन्‌आ अ़ङ्‌का त़प़निओचि अ़ङ्‌का खादा युङ्‌ङा, अ़ङ्‌काएनान म़युङ्‌ने, खोन्‍कि अ़ङ्‌साऩङ्‌वा अ़खाङ्‌ने, मो साऩङ्‌वा, हेन्‍खामा मुन्‍मा बुयाङा अ़ङ्‌का सोमात़तुक्‍निओसा खानानिन्‌आ अ़ङ्‌का त़प़निओ।

युहन्‍ना 1:29

अ़माङ्‌कोलेन युहन्‍नाआ येसु म़बानाङाओ खाकि य़ङा, “खानुम, हेन्‍खामादाओ हेवा काखुन्‍खात निनाम्‍हाङ्‌ओ अ़चुथुबाछा!

मत्‍ति 13:39

सामा कालित ङेङ सैताना ओ। चा कोप्‍मा जुगाओ अ़लुक्‍मा ओ, खोन्‍कि चा काकोप्‌चि निनाम्‍हाङ्‌ओ अ़चुकाफाचि ओ।

मत्‍ति 13:40

देत्‍नि सामा धेन्‌किना मिदा ह़त्‍खान, जुगाओ अ़देङ्‌दाछाङ मोवात्‍निङा लि।

१ पत्रुस 4:7

झारा य़ङ्‌चिओ अ़चुलुक्‍माखात्‍मा च़क्‌दा ताचिआयुङ्‌सा। खोन्‌ओसा खारुच़ङ्‌तानुम खोन्‍कि आम्‍नुओ यामात्‍माओ निम्‍पाङ चाप्‍चेत्‍तानिन्‍चिन।

१ युहन्‍ना 3:8

साङ हेवा मु, खो सैतानादाङ्‌का ओ, देकिनालो सैतानाआ ना अ़पुङ्‌चिपुक्‌दाङ्‌काङा हेवा मुवायुङ्‌सा। निनाम्‍हाङ्‌ओ अ़चुछा खाङ्‌मुमान्‍चिन्‌ओ अ़तुक्‌वा ना सैतानाओ अ़काचिचि लुक्‍मा दोराङाओ।