हिब्रु 9:25 - बान्‍तावा राई

²⁵ मुलो काब़क्‍पा अ़दोङ्‌खिन्‍तुम साक्‍स़ङ्‌चिओ अ़ह़ खुयुकि तोक्‍पो सेङ्‌याङ्‌ओ हुत्‌दा वाङ। मेन येसुआ खोक्‍को आप्‍पि अ़दु-अ़दु हेन्‍खोक्‌वा प़सि म़वाङाओ माआङ।

हिब्रु 9:25 Referans Kwoze

हिब्रु 9:12

मेनेत्‍पा माङ्‌लो बोयोङ्‌ओ अ़ह़आ माआङ, मेन आप्‍पिओ अ़चुह़आ आन्‍कान अ़धुन्‌ओ निम्‍पाङ लेइसि अ़क्‍धुवा तोक्‍पो सेङ्‌याङ्‌ओ खोप्‌हुत्‌दा खोक्‍को म़वाङा।

हिब्रु 9:7

मेन थेम्‍खातित्‌ओ अ़देङ्‌दाओ खोप्‌दा मुलो काब़क्‍पा ओन्‍ङा अ़क दोङ्‌दा अ़क्‍दु वाङाङा। ह़ मात्‍द़ङ देम्‍खाछाङ मान्‌वाङ्‌याङ। खोन्‍कि मो ह़ खोसोओ निम्‍पाङ खोन्‍कि म़नाचि मान्‍सिन्‍माङ अ़मुवाओ अ़चुहेवाचिओ निम्‍पाङ अ़पुवाङा।

हिब्रु 9:14

ओ अ़छ़ङ य़ङ ओनालो, ख्रिस्‍तओ अ़चुह़आ देम च़लोक आन्‍छेन्‍खाताया हेवा काचिचिदाङ्‌का सेङ, खोन्‌ओसा आन्‍कान अ़ह़ङ निनाम्‍हाङ ब़क्‍मा ऱम। देकिनालो खोक्‍कोसाआ अ़धुन्‌ओ लावाओ सावाआ आप्‍पि अ़च़क़ल़क हेन्‍खोक्‌वा म़लिसाकि निनाम्‍हाङ अ़पुवालावा।

हिब्रु 10:19

खोन्‌ओसा ब़ब़, नाना खोन्‍कि निछाचि ओ, येसुओ अ़चुह़लाम्‍पा तोक्‍पो सेङ्‌याङ्‌ओदा वाङ्‌मा आन्‍कान राक लोक्‍मा ऱम।

हिब्रु 9:26

माङ्‌नालोना हेन्‍खामाओ अ़पुङ्‌चिपुक्‌दाङ्‌काङा खोक्‍कोसाआ अ़दु-अ़दु अ़चाअ़त्‍मा आङ्‌मादोराओ। मेन ओ जुगाओ अ़देङ्‌दा खोक्‍कोसोओङा अ़चुहेन्‍खोक्‌वालाम्‍पा हेवा चुम्‍खाइसि खोक्‍को अ़धुन्‌ओ निम्‍पाङ अ़क्‍धुवा खाङ्‌म़मुसान्‌युङ्‌सान्‍चिन।

हिब्रु 10:10

खोन्‍कि मो निनाम्‍हाङ्‌ओ अ़चुमिन्‍मावात्‍नि येसु ख्रिस्‍तआ अ़चुपोक्‌ओ हेन्‍खोक्‌वालाम्‍पा अ़धुन्‌ओ निम्‍पाङ आन्‍कान म़सेङ्‌सायुङ्‌सा।

हिब्रु 9:2

अ़क्‌तात तित्‍खिम मुवायुङ्‌सा। मो तित्‍खिम्‌दा ह्‍वा खोप याआङा। मो खोप्‌चिदाओ बुदाओ खोप सेङ्‌याङ्‌ओ खोप्‌नि लोवाङा। मोदा कुपि, तेबला खोन्‍कि म़सेङ्‌साओ पेम्‍पाक्‌चि म़युङ्‌सायुङ्‌सा।