हिब्रु 9:14 - बान्‍तावा राई

¹⁴ ओ अ़छ़ङ य़ङ ओनालो, ख्रिस्‍तओ अ़चुह़आ देम च़लोक आन्‍छेन्‍खाताया हेवा काचिचिदाङ्‌का सेङ, खोन्‌ओसा आन्‍कान अ़ह़ङ निनाम्‍हाङ ब़क्‍मा ऱम। देकिनालो खोक्‍कोसाआ अ़धुन्‌ओ लावाओ सावाआ आप्‍पि अ़च़क़ल़क हेन्‍खोक्‌वा म़लिसाकि निनाम्‍हाङ अ़पुवालावा।

हिब्रु 9:14 Referans Kwoze

हिब्रु 10:22

खोन्‌ओसा आन्‍कान सेङ्‌याङ्‌ओ साकोङ्‌वा खोन्‍कि अ़छ़ङ साकोङ्‌छ़ङ मुन्‌कि निनाम्‍हाङ्‌ओ अ़चुबुदा खारिन्‍ने। देकिनालो आन्‍छेन्‍खातायाचि ख्रिस्‍तओ अ़चुह़आ सेङ्‌माचि निकिना म़रेप्‍तायुङ्‌सा, खोन्‍कि आन्‍पोक्‌चि सेङ्‌याङ्‌ओ चाक्‌वाआ वाम़स़त्‍तापुवायुङ्‌सा।

१ पत्रुस 1:19

मेन खेन मान्‌वान्‍माय़ङ खोन्‍कि थुपि मात्‍द़ङ्‌ओ अ़क्‌तात थुबाछावाको ख्रिस्‍तओ छ़ओ अ़चुह़आ खानानिन ऩफोङ्‌सिन्‌ओ।

१ युहन्‍ना 1:7

मेन खोक्‍को साम्‌दा म़मुयाङ्‌वात्‍निङा आन्‍कान्‌छाङ साम्‌दा कोलिन्‌नालो अ़क्‍छा निएदा आन्‌यावायोक लि, खोन्‍कि निनाम्‍हाङ्‌ओ अ़चुछा येसुओ अ़चुह़आ झारा आन्‍हेवादाङ्‌का म़सेङ।

हिब्रु 9:12

मेनेत्‍पा माङ्‌लो बोयोङ्‌ओ अ़ह़आ माआङ, मेन आप्‍पिओ अ़चुह़आ आन्‍कान अ़धुन्‌ओ निम्‍पाङ लेइसि अ़क्‍धुवा तोक्‍पो सेङ्‌याङ्‌ओ खोप्‌हुत्‌दा खोक्‍को म़वाङा।

१ पत्रुस 2:24

हेवाओ अ़सावा आन्‍कान्‌एदा दित्‍छाङ अ़युङ्‌निन्‍ने, खोन्‍कि साम्‌योक्‍मिओ निम्‍पाङ ह़ङिन्‍ने निकिना क्रुस्‌दा खोक्‍कोसाआ आप्‍पि आन्‍हेवा अ़खुया। खोक्‍कोसोओ अ़चुखेन्‍चिलाम्‍पा खानानिन त़नुन्‌युङ्‌सिन।

१ पत्रुस 3:18

देकिनालो ख्रिस्‍त्‌छाङ आन्‍कान निनाम्‍हाङ्‌एदा तात्‍मा निम्‍पाङ साम्‌योक्‍मि म़ना मान्‍साम्‌योक्‍मिचिओ निकि खोक्‍को अ़धुन्‌ओ निम्‍पाङ हेवामिचिओ अ़चुफान्‌दा अ़क्‍दु म़सुवा। खोक्‍को पोक्‌दा म़सुवा, मेन लावादा म़खोन्‍तालोन्‍ता।

हिब्रु 7:27

नि मुलो काब़क्‍पाचिआ बुया अ़चुहेवाचिओ निम्‍पाङ खोन्‍कि म़नाचिओ अ़चुहेवाओ निम्‍पाङ अ़लेन्‍खिन्‍तुम हेन्‍खोक्‌वा प़मायुङ्‌मा दोराङा। मेन येसुआ मान्‍दोत। खोक्‍को आप्‍पि हेन्‍खोक्‌वा म़लिसाकि म़नाचिओ अ़चुहेवाचिओ निम्‍पाङ खोक्‍कोसाआ मो काचि अ़धुन्‌ओ निम्‍पाङ अ़क्‍धुवा अ़मुवा।

१ पत्रुस 4:2

खोवात्‍निओसा खो अ़पोक्‌दा ह़ङ्‌याङ्‌तारि हान्‌दाङ्‌का म़नाओ अ़अ़त्‍पा मिन्‍मावा माआङ, मेन निनाम्‍हाङ्‌ओ अ़चुमिन्‍मावा ह़ङ।

हिब्रु 1:3

येसुङा निनाम्‍हाङ्‌ओ अ़चुसाम्‌ओ अ़लेत्‍माओ, खोन्‍कि निनाम्‍हाङ देत्‍नि म़मुयाङ येसुछाङ मोवात्‍निङा म़मुयाङ। झारा हेन्‍खामा आप्‍पि अ़चुसावापोरिओ य़ङ्‌आ अ़क़क्‌याङ। आन्‍हेवाचि येसुआ वाअ़सुवाचिआकि साम्‍स़रिओ निनाम्‍हाङ्‌ओ अ़चुचुप्‍ताङ्‌छुक्‌लिप्‍पा निनाम्‍मादु खोक्‍को म़युङा।

तितस 2:14

झाराकापाराओ आन्‍हेवादाङ्‌का आन्‍कान फोङ्‌सि, आन्‍कान सेङ्‌सि, खोन्‍कि अ़नुवाक काचि मुमा कास़ आप्‍पिओ अ़चुम़ना मुसि येसु ख्रिस्‍तआ आन्‍को निकि अ़चुह़ङ्‌म़ङ म़पुवा।

खाङ्‌मुमा 1:5

ओ य़ङ्‌चिओ साकोङ्‌छ़ङ मुमा खान्‍तुओ सालुम्‍स़ङ खोन्‍कि म़सुवादाओचिदाङ्‌का बुदा म़खोन्‍तालोन्‍ताओ खोन्‍कि हेन्‍खामादाओ झारा हाङ्‌चिएदा हाङ्‌काचि कामु येसु ख्रिस्‍तलाम्‍पाछाङ खानानिन सोमातुक्‍मा खोन्‍कि सेवाङ्‌नि। खोक्‍कोसाआ आन्‍कान सोमाम़तुक, खोन्‍कि खोक्‍कोसोओ अ़चुस़मा हेन्‍खोक्‌वाआ आन्‍कान आन्‍हेवादाङ्‌का म़फोङ्‌सायुङ्‌सा।

हिब्रु 6:1

खोन्‌ओसा ख्रिस्‍तओ अ़चुतुक्‌वादाओ ताक्‍पेत्‍निओ चिन्‍माय़ङ्‌चिदा अ़युङिन्‌युङ्‌सिमिन्‍ने, मेन आन्‍कान आन्‍तुप्‍मादा चात्‌याङ्‌सा खारिन्‍ने। आन्‍कान स़मादा कालाखात काचिचिओ अ़तुक्‌वादा खोन्‍कि निनाम्‍हाङ्‌दा साकोङ्‌छ़ङ्‌ओ अ़तुक्‌वादा चिन्‍माय़ङ अ़लासिन्‍पुङ्‌सिमिन्‍ने।

रोमि 6:13

आम्‍नुओ पोक्‌ओ खाक्‍कोछाङ अ़फुत्‌चि हेवा मुमा निम्‍पाङ अ़अ़त्‍पाओ मित्‍चिऩङ्‌चिदा मान्‌याङ्‌दानुम्‍च़म। मेन स़मादाङ्‌का ह़ङ्‌म़ङ्‌दा काफान्‍नान्‍चिन म़नाचिवात्‍नि निनाम्‍हाङ्‌ओ अ़नुवाक अ़चुकाचि मुसि पुवालावानिन्‍चिन खोन्‍कि झारा आम्‍नुओ पोक्‍फुत्‌चि साम्‌योक्‍मिओ अ़मित्‍चिऩङ्‌चिओ निम्‍पाङ याङानुम्‍च़म।

१ युहन्‍ना 3:5

आन्‍हेवा लेत्‍सि ख्रिस्‍त म़ताओ य़ङ खानानिन त़सिन्‍तुम्‌योम, खोन्‍कि खोक्‍कोएदा हेवा मात्‍द़ङ।

रोमि 6:22

मेन हान आम्‍नुओ हेवादाङ्‌का त़फोङ्‌सिन्‌किना निनाम्‍हाङ्‌ओ अ़चुहारुक त़लिसिन्‌युङ्‌सिन। खोन्‍कि खानानिन्‌आ त़तोक्‍तुम्‌ओ काचि सिवाआ सेङ्‌माय़ङ्‌दा त़तित्‍तिन। ओसोओ अ़सिवा अ़लुक्‍निन्‌ओ ह़ङ्‌म़ङ ओ।

हिब्रु 10:2

माङ्‌नालो हेन्‍खोक्‌वा धान्‍मा काचि छेक्‍ताओ, देकिनालो काब़क्‌चि अ़क्‍दुदाङा म़सेङाओदे मोचिआ देम्‍खाछाङ हेवाओ लाहि मान्‍मित्‌अ़दाओ।

एफिसि 5:2

देत्‍नि ख्रिस्‍तआ आन्‍कान सोमाम़तुक्‍ता खोन्‍कि निनाम्‍हाङ्‌ओ निम्‍पाङ नाम्‍नुयाङ्‌ओ छुक्‍दाम खोन्‍कि हेन्‍खोक्‌वावात्‍नि म़लिसाकि खोक्‍को आप्‍पि आन्‍को निम्‍पाङ म़सुवा, मोवात्‍नि खानानिन्‌छाङ सोमातुक मुवानिन।

एफिसि 2:5

खोन्‌ओसा आन्‍कान हेवादा स़न्‌दान्‌ओनुछाङ खोक्‍कोसाआ आन्‍कान ख्रिस्‍तएनान अ़क्‍नि अ़ह़ङ म़मुवा। निनाम्‍हाङ्‌ओ अ़चुसोमातुक्‍मालाम्‍पाङा खानानिन ऩलेइसिन्‌युङ्‌सिन।

२ कोरिन्‍थि 5:21

खोन्‌ओसा आन्‍कान खोक्‍कोएदा निनाम्‍हाङ्‌आ अ़नुवाक कान्‍मा म़ऱने निम्‍पाङ हेवाङा मान्‍मुकादा ख्रिस्‍त निनाम्‍हाङ्‌आ आन्‍को निम्‍पाङ हेवाओ हेन्‍खोक्‌वा अ़मुवा।

रोमि 11:12

हान मोचिओ अ़चुहेवा हेन्‍खामाओ निम्‍पाङ लेन्‍माओ तोक्‍पो आसिखा खोन्‍कि मोचिओ मान्‍ऱदामा निरावाचिओ निम्‍पाङ लावामि आसिखा लिओनालोना मोचि झारा साकोङ्‌छ़ङ म़मुनालो देम च़लोक आसिखापोरिओ लि!

लुका 1:74

खोक्‍कोसाआ आन्‍कान आन्‍ङेङ्‌चिओ अ़चुछुक्‌दाङ्‌का म़फोङ्‌लोन,

१ पत्रुस 2:22

“खोक्‍को ना हेवाङा म़मुवा, ना खोक्‍कोसोओ अ़चुदोदाङ्‌का म़प्‍मा य़ङ्‌ङा लोन्‍ता।”

१ तिमोथि 1:17

हान दुङ-दुङ्‌तारिओ हाङ, अ़लुक्‍निन्‌ओ खोन्‍कि अ़खान्‍मिन्‌ओ अ़क्‍छा ओन्‍ङा निनाम्‍हाङ्‌ओ अ़धुन-अ़धुन्‌तारि साया खोन्‍कि अ़चुऩङ लोङ्‌ने। मोवात्‍निङा लिने।

गलाति 2:19

निनाम्‍हाङ्‌ओ निम्‍पाङ अ़ङ्‌का ह़ङ्‌मा ऱङाने निकिना य़ङ्‌हुप्‌ओ अ़तुक्‌वादा, अ़ङ्‌का य़ङ्‌हुप छिरुङ्‌चिउङ।

२ कोरिन्‍थि 6:16

सेम्‍पोक्‌एनान निनाम्‍हाङ्‌ओ अ़चुब़क्‍खाखिम देत्‍नि तोङ्‌मा? देकिनालो आन्‍कान अ़ह़ङ निनाम्‍हाङ्‌ओ अ़चुब़क्‍खाखिम ओ। निनाम्‍हाङ ओवात्‍नि म़य़ङायुङ्‌सा, “‘अ़ङ्‌का मोचिएदा याक्‍ङा, खोन्‍कि मोचिओ अ़चुरादा कोन्‍ङा, खोन्‍कि अ़ङ्‌का मोचिओ अ़चुनिनाम्‍हाङ लिङा, खोन्‍किना मोचि अ़ङ्‌म़ना म़लि।’

रोमि 11:24

देकिनालो खानानिन खोक्‍लिदाओ स़ङ्‌ताङ त़लिसिन्‌किछाङ त़ओरिन्‌युङ्‌सिन, खोन्‍कि मो स़ङ्‌ताङ्‌वाको त़मुन्‍मिन्‌येन्‌नुछाङ अ़क्‌तात लित्‍माय़ङ जैतुनाताङ्‌ओ अ़खेत्‌दा त़चोक्‍तिन्‌युङ्‌सिन्‌नालो, ओ अ़नुछ्‍याओ खेक्‌चि मो जैतुनाताङ्‌दा चोक्‍मा देम च़लोक नुसुम्‍पेन्‍ता लि।

रोमि 1:20

निनाम्‍हाङ्‌ओ अ़धुन्‌ओ अ़चुसावा खोन्‍कि अ़चुच़माथाङ्‌मा अ़खान्‍मिन। मेन खोक्‍कोसाआ निनाम्‍मा हेन्‍खामा मुन्‍मा पुङ्‌माय़ङ्‌दाङ्‌काङा खोक्‍कोसाआ अ़मुयाओ सामाचिलाम्‍पा निनाम्‍हाङ्‌आ खाङ्‌अ़मुसायुङ्‌सा। खोन्‌ओसा म़नाचिआ निनाम्‍हाङ ऩसिन्‍तुन्‌ओदा देम्‍खाछाङ ऩलेत्‍तुन्‍चिन।

युहन्‍ना 3:34

देकिनालो साङ निनाम्‍हाङ्‌आ अ़छुत्‍तायुङ्‌सा, निनाम्‍हाङ्‌ओ अ़चुय़ङ मोसाआ चेउ, देकिनालो निनाम्‍हाङ्‌आ च़लोक सेङ्‌लावा अ़प़।

लुका 4:18

“हाङ्‌पाओ सेङ्‌लावा अ़ङ्‌काएदा याक्‌याङ। देकिनालो मान्‍तोक्‍कादाचि नुय़ङ्‌खान खाएत्‌सि अ़ङ्‌का ऩछेन्‍ताङ्‌युङ्‌साङ। म़छेक्‌याङ्‍ओचि लेत्‍लोइसि, दोप्‍म़क्‌चि खाकाखाङ मुसि, तिम्‍माछ़न्‍मादा म़छुक्‍ताओचि फोङ्‌लोइसि,

मत्‍ति 20:28

मोवात्‍निङा म़नाओ अ़छाछाङ ब़त्‍लुसि माआङ, मेन ब़त्‍सि, खोन्‍कि ब़द्‍धेकापाङ फोङ्‌माओ अ़लुङ छोन्‍सि निकिना अ़ह़ङ्‌म़ङ प़सि ताओ।”

हिब्रु 11:21

याकुब्‌आ अ़स़मादामा बुया अ़तोप्‍मालिओ अ़चोम्‌दा बोम्‍सान्‍चिन्‌कि निनाम्‍हाङ ब़क्‍तु, खोन्‍कि योसेफ्‌ओ ह़वाङ अ़छाचि साकोङ्‌छ़ङ्‌लाम्‍पा आसिखा प़चि।

हिब्रु 9:9

ओ ना आइमित्‌ओ ग़रिओ निम्‍पाङ अ़क्‌तात अ़मात्‍ऩङ ओ। ओसाआ ओ खाङ्‌मुसु, प़माय़ङ छुक्‍दाम खोन्‍कि हेन्‍खोक्‌वाचिआ काब़क्‌चिओ छेन्‍खाताया सेङ्‌मा अ़ऱन।

छाम्‍माय़ङ 14:15

“यावाचि ओ, खानानिन देकिना ओवाको काचि त़मुन्‌येन? आन्‍काच्‍याछाङ खानानिन्‌वाको म़नाङा ओ। आन्‍काच्‍या खानानिन ओ सोज्‍जेओ य़ङ्‌चिदाङ्‌का अ़ह़ङ निनाम्‍हाङ्‌एदात्‍नि लासानिन निकि नुय़ङ्‌खान खुत्‍निकि तायुङ्‌साच्‍या। मोक्‍को निनाम्‍हाङ्‌आङा निनाम्‍मा, हेन्‍खामा, धियाङ्‌वामा खोन्‍कि मोदा म़याक्‌याङ्‌ओ झारा म़मुयुचि।

छाम्‍माय़ङ 10:38

खोन्‍कि देत्‍नि निनाम्‍हाङ्‌आ सेङ्‌लावा खोन्‍कि सावा नासरत्‌ओ येसु अ़पुवा, खोक्‍कोसोओ अ़तुक्‌वादा खानानिन्‌आ त़सिन्‍तुम्‌योम्‌ङा। खोन्‍किना खोक्‍को अ़नुवाक काचि मुयाङ्‌सा खोन्‍कि सैतानाआ क़म्‍तुङुचिओचि नुयाङ्‌सा झारादात्‍नि म़कोला, देकिनालो निनाम्‍हाङ खोक्‍कोएदा म़याआङा।

हिब्रु 9:7

मेन थेम्‍खातित्‌ओ अ़देङ्‌दाओ खोप्‌दा मुलो काब़क्‍पा ओन्‍ङा अ़क दोङ्‌दा अ़क्‍दु वाङाङा। ह़ मात्‍द़ङ देम्‍खाछाङ मान्‌वाङ्‌याङ। खोन्‍कि मो ह़ खोसोओ निम्‍पाङ खोन्‍कि म़नाचि मान्‍सिन्‍माङ अ़मुवाओ अ़चुहेवाचिओ निम्‍पाङ अ़पुवाङा।

१ तिमोथि 3:15

मेन अ़ङ्‌का बान्‍मा छ़ङानालो निनाम्‍हाङ्‌ओ अ़चुखिम्‍लुम्‍पादा देत्‍नि तुङ्‌मादोत मो खानानिन सिन्‍मादोत। ओ खिम्‍लुम्‍पा अ़ह़ङ निनाम्‍हाङ्‌ओ अ़चुसाम्‍भुङ ओ, खोन्‍कि अ़नुछ्‍याओ अ़तोम्‍खा खोन्‍कि छ़ङ ओ।

१ थेसलोनिकि 1:9

देकिनालो देत्‍नि आन्‍कान्‍का खानानिन तुप्‍निहिदा साऩङ्‌वा त़मेत्‍निओ, खोन्‍कि देत्‍नि सेम्‍पोक्‌चिदाङ्‌का अ़ह़ङ खोन्‍कि अ़छ़ङ निनाम्‍हाङ ब़त्‍सि त़लासिन्‌ओ, मोसोओ अ़तुक्‌वादा झारादात्‍निओ म़नाचिआ खाअ़लु।

लुका 12:28

मेन आय़ युङ्‌याङ्‌ओ खोन्‍कि अ़माङ्‌कोलेन मिदा वेन्‍दिओ वक्‌दाओ बुङ्‌वाचि निनाम्‍हाङ्‌आ ओवात्‍नि अ़चोङनालो खोक्‍कोसाआ खानानिन हान देम च़लोक ऩचोङ्‌सिन? देत्‍नि आम्‍नुओ साकोङ्‌छ़ङ उन्‍नि ओन्‍ङा?

लुका 12:24

गाक्‌वाचि खानुम्‍च़म। मोचि ना बिउ म़वेत ना चा म़हेक, मोचिओ ना चासुम युङ्‌खा खिम ना स़ङ्‌कुलुधुन्‌ङा युङ्‌याङ, खोन्‍नुछाङ निनाम्‍हाङ्‌आ मोचि म़चान्‍तुचि। खोन्‍कि दि मो छोङ्‌वाचिदाङ्‌का आम्‍नुओ लुङ अ़न्‍नुनु अ़च़निनिन कि?

मत्‍ति 12:28

मेन मोवात्‍नि अ़ङ्‌का निनाम्‍हाङ्‌ओ अ़चुलावालाम्‍पा चाकावालावाचि लोइसुङ्‌योङ्‌च़ङ्‌नालो निनाम्‍हाङ्‌ओ अ़चुहाङ्‌होन खानानिन्‌एदा ताचिआयुङ्‌सा।

मत्‍ति 7:11

मोवात्‍नि खानानिन अ़अ़त्‍पा त़मुन्‌येन्‌नुछाङ आम्‍नुओ छाचि अ़नुवाक सामाचि प़मा त़लेसिन्‌येन्‌नालो आम्‍नुओ निनाम्‍मादुओ पापाआ खोक्‍कोएदा कादोत्‌चि देम च़लोक अ़नुवाक सामाचि म़प़चि?

रोमि 1:4

खोन्‍कि सेङ्‌लावाआ खोक्‍को निनाम्‍हाङ्‌ओ अ़चुछा झारा सावापोरिओ निकिना खाङ्‌म़मेत्‍तुचि, देकिनालो आन्‍हाङ्‌पा येसु ख्रिस्‍त म़सुवादाओदाङ्‌का म़खोन्‍तालोन्‍ता।

मत्‍ति 16:16

सिमोन पत्रुस्‌आ लासुलो, “खानानिन ख्रिस्‍त ओ, अ़ह़ङ निनाम्‍हाङ्‌ओ अ़चुछा ओ।”

छाम्‍माय़ङ 15:9

निनाम्‍हाङ्‌आ आन्‍कान यहुदिचि खोन्‍कि निरावाचि मान्‍हाम़दोचि, देकिनालो येसुएदा साकोङ्‌छ़ङ म़मुवाकि मोचिओ अ़चुसाकोङ्‌वा म़सेङ्‌सुप़चि।

१ कोरिन्‍थि 15:45

खोन्‌ओसा ओवात्‍नि छाप्‌याङ: “बुयाओ म़ना आदम अ़ह़ङ म़ना लिसा।” आदेङ्‌ओ आदम ह़ङ्‌म़ङ काप़ लावा म़लिसा।

हिब्रु 3:12

ब़ब़, नाना खोन्‍कि निछाचि ओ, चाप्‍चेत्‍तानिन्‍चिन! खानानिन खा-खाक्‍कोएदा याक्‌याङ्‌ओ अ़अ़त्‍पा खोन्‍कि साकोङ्‌छ़ङ मान्‍मुदामा साकोङ्‌वाआ खानानिन अ़ह़ङ निनाम्‍हाङ्‌एदाङ्‌का अ़थाया ऩखात्‍तिमिन्‍ने।

हिब्रु 7:16

खोक्‍को सुन्‍तुम्‌चिओ य़ङ्‌हुप खोन्‍कि च़माथाङ्‌मालाम्‍पा काब़क्‍पा म़लिसाओ माआङ, मेन देम्‍खाछाङ अ़लुक्‍निन्‌ओ ह़ङ्‌म़ङ्‌ओ सावालाम्‍पा काब़क्‍पा म़लिसायुङ्‌सा।

हिब्रु 9:26

माङ्‌नालोना हेन्‍खामाओ अ़पुङ्‌चिपुक्‌दाङ्‌काङा खोक्‍कोसाआ अ़दु-अ़दु अ़चाअ़त्‍मा आङ्‌मादोराओ। मेन ओ जुगाओ अ़देङ्‌दा खोक्‍कोसोओङा अ़चुहेन्‍खोक्‌वालाम्‍पा हेवा चुम्‍खाइसि खोक्‍को अ़धुन्‌ओ निम्‍पाङ अ़क्‍धुवा खाङ्‌म़मुसान्‌युङ्‌सान्‍चिन।

हिब्रु 10:10

खोन्‍कि मो निनाम्‍हाङ्‌ओ अ़चुमिन्‍मावात्‍नि येसु ख्रिस्‍तआ अ़चुपोक्‌ओ हेन्‍खोक्‌वालाम्‍पा अ़धुन्‌ओ निम्‍पाङ आन्‍कान म़सेङ्‌सायुङ्‌सा।

हिब्रु 10:12

मेन ख्रिस्‍तआ ना हेवाचि अ़धुन चुम्‍माखान्‍माओ निम्‍पाङ अ़क्‌तात्‌ङा हेन्‍खोक्‌वा अ़पुवा, खोन्‍किना खोक्‍को निनाम्‍हाङ्‌ओ अ़चुचुप्‍ताङ्‌लिप्‍पा म़युङायुङ्‌सा।

हिब्रु 13:12

मोवात्‍निओसा येसुआछाङ खोक्‍कोसोओ अ़चुह़लाम्‍पा म़नाचि अ़चुहेवादाङ्‌का सेङ्‌सि सहराओ अ़वाङ्‌खालाम्‌ओ बुङ्‌खालिप्‍पादा दुखा अ़आङ्‌ता।