13 मेनेत्पा खोन्कि बोयोङ्चिओ अ़चुह़ खोन्कि बाछिओ अ़थाबुत म़नाचिएदा थोत्हिदा अ़चुच़माथाङ्मावा म़नाचिओ अ़चुपोक्चि अ़सेङ्निनिन्ओदाङ्का सेङ।
निनाम्हाङ्आ आन्कान यहुदिचि खोन्कि निरावाचि मान्हाम़दोचि, देकिनालो येसुएदा साकोङ्छ़ङ म़मुवाकि मोचिओ अ़चुसाकोङ्वा म़सेङ्सुप़चि।
हान खानानिन अ़छ़ङ य़ङ्दा लोमाय़ङ्वा त़च़न्किना आम्नुओ मिन्मा त़सेङ्सुम्ओसा आम्नुओ साकोङ्छ़ङ कामु यावाचि सोमातुक्तानुम्च़म। अ़क्छा निएदा साकोङ्वादाङ्का राक्एनान सोम्तुक्मुवानिन।
निनाम्हाङ्य़ङ खाकालु मोसाआ य़ङ्हुप्ओ लोमाय़ङ झारा म़नाचि खाएत्तुचिउचि खोन्किना खोसाआ पित छाचि खोन्कि मेनेत्पाचिओ अ़चुह़ चाक्वादा होलुकि हालापाक्पाक्ओ भेराओ अ़मुवा खोन्कि हिसप्ओ अ़खाङ वालुम्तुकि य़ङ्हुप छाप्लाखादा खोन्कि झारा म़नाचिएदा रेप्तुचि।
देकिनालो बोयोङ्चि खोन्कि मेनेत्पाचिओ अ़चुह़आ हेवा खान्मा अ़ऱन।
खानानिन मित्तानुम, निनाम्हाङ्ओ अ़चुछा अ़लाङ्थेम भेन्यु कानेप्चि, खाक्को ह़आ म़सेङ खोन्कि निनाम्हाङ्ओ अ़चुय़ङ्छ़ङ अ़छ़ङ मु, मो ख्रिस्तओ अ़चुह़ दिसुवा मान्मित्कादा खोन्कि सोमाकातुक सेङ्लावा कासुङ्चिआ देम चात्लो दन्दा अ़तोक?