हिब्रु 7:27 - बान्‍तावा राई

²⁷ नि मुलो काब़क्‍पाचिआ बुया अ़चुहेवाचिओ निम्‍पाङ खोन्‍कि म़नाचिओ अ़चुहेवाओ निम्‍पाङ अ़लेन्‍खिन्‍तुम हेन्‍खोक्‌वा प़मायुङ्‌मा दोराङा। मेन येसुआ मान्‍दोत। खोक्‍को आप्‍पि हेन्‍खोक्‌वा म़लिसाकि म़नाचिओ अ़चुहेवाचिओ निम्‍पाङ खोक्‍कोसाआ मो काचि अ़धुन्‌ओ निम्‍पाङ अ़क्‍धुवा अ़मुवा।

हिब्रु 7:27 Referans Kwoze

हिब्रु 9:28

मोवात्‍नि ख्रिस्‍त्‌छाङ ब़द्‍धेकापाङ्‌सोओ अ़चुहेवा चुम्‍खाइसि अ़क्‍दु हेन्‍खोक्‌वा म़लिसा, खोन्‍कि खोक्‍को ह्‍वादुओदु हेवा चुम्‍खाइसि माआङ, मेन अ़चुऩङानुयाङ्‌सा खोक्‍को काहुङ्‌चि लेइसिओ निम्‍पाङ खाङ्‌म़मुनान्‍चिन।

हिब्रु 9:12

मेनेत्‍पा माङ्‌लो बोयोङ्‌ओ अ़ह़आ माआङ, मेन आप्‍पिओ अ़चुह़आ आन्‍कान अ़धुन्‌ओ निम्‍पाङ लेइसि अ़क्‍धुवा तोक्‍पो सेङ्‌याङ्‌ओ खोप्‌हुत्‌दा खोक्‍को म़वाङा।

हिब्रु 9:14

ओ अ़छ़ङ य़ङ ओनालो, ख्रिस्‍तओ अ़चुह़आ देम च़लोक आन्‍छेन्‍खाताया हेवा काचिचिदाङ्‌का सेङ, खोन्‌ओसा आन्‍कान अ़ह़ङ निनाम्‍हाङ ब़क्‍मा ऱम। देकिनालो खोक्‍कोसाआ अ़धुन्‌ओ लावाओ सावाआ आप्‍पि अ़च़क़ल़क हेन्‍खोक्‌वा म़लिसाकि निनाम्‍हाङ अ़पुवालावा।

एफिसि 5:2

देत्‍नि ख्रिस्‍तआ आन्‍कान सोमाम़तुक्‍ता खोन्‍कि निनाम्‍हाङ्‌ओ निम्‍पाङ नाम्‍नुयाङ्‌ओ छुक्‍दाम खोन्‍कि हेन्‍खोक्‌वावात्‍नि म़लिसाकि खोक्‍को आप्‍पि आन्‍को निम्‍पाङ म़सुवा, मोवात्‍नि खानानिन्‌छाङ सोमातुक मुवानिन।

हिब्रु 5:3

मोवात्‍निओसा म़नाचिओ अ़चुहेवाचिओ निम्‍पाङ ओन्‍ङा माआङ, मेन आप्‍पि अ़हेवाओ निम्‍पाङ्‌छाङ हेन्‍खोक्‌वा धान्‍मादोत।

तितस 2:14

झाराकापाराओ आन्‍हेवादाङ्‌का आन्‍कान फोङ्‌सि, आन्‍कान सेङ्‌सि, खोन्‍कि अ़नुवाक काचि मुमा कास़ आप्‍पिओ अ़चुम़ना मुसि येसु ख्रिस्‍तआ आन्‍को निकि अ़चुह़ङ्‌म़ङ म़पुवा।

रोमि 6:10

खोक्‍को म़सुवाओसा, हेवाओ अ़सावा खोक्‍कोएदा मात्‍द़ङ, खोन्‍कि ओन्‍ग़रि खोक्‍को निनाम्‍हाङ्‌एनान्‌ओ यावायोक्‌दा म़युङ्‌याङ।

हिब्रु 9:25

मुलो काब़क्‍पा अ़दोङ्‌खिन्‍तुम साक्‍स़ङ्‌चिओ अ़ह़ खुयुकि तोक्‍पो सेङ्‌याङ्‌ओ हुत्‌दा वाङ। मेन येसुआ खोक्‍को आप्‍पि अ़दु-अ़दु हेन्‍खोक्‌वा प़सि म़वाङाओ माआङ।

हिब्रु 9:7

मेन थेम्‍खातित्‌ओ अ़देङ्‌दाओ खोप्‌दा मुलो काब़क्‍पा ओन्‍ङा अ़क दोङ्‌दा अ़क्‍दु वाङाङा। ह़ मात्‍द़ङ देम्‍खाछाङ मान्‌वाङ्‌याङ। खोन्‍कि मो ह़ खोसोओ निम्‍पाङ खोन्‍कि म़नाचि मान्‍सिन्‍माङ अ़मुवाओ अ़चुहेवाचिओ निम्‍पाङ अ़पुवाङा।

हिब्रु 5:1

झारा मुलो काब़क्‍पा अ़चुओ म़नाचिदाङ्‌का म़छेन्‍तुचि। खोन्‍कि म़नाचिओ लिप्‍पादा हेवाओ निम्‍पाङ निनाम्‍हाङ्‌एदा छुक्‍दाम खोन्‍कि हेन्‍खोक्‌वाचि प़सि म़पाउचि।

एफिसि 2:22

खोन्‍किना सेङ्‌लावादा निनाम्‍हाङ्‌ओ अ़चुयुङ्‌खा लिसि खानानिन्‌छाङ खोक्‍कोएदा अ़क्‍नि त़लिसिन्‌येन।

हिब्रु 8:4

खोक्‍को ओ हेन्‍खामादाङा म़युङाङाओदे ना खोक्‍को काब़क्‍पा मान्‍लिचिओ। देकिनालो यहुदि य़ङ्‌हुप्‌दा याक्‌याङ्‌वा छुक्‍दाम काप़ काब़क्‍पाचि ना म़युङ्‌याङ्‌ङा।

हिब्रु 9:26

माङ्‌नालोना हेन्‍खामाओ अ़पुङ्‌चिपुक्‌दाङ्‌काङा खोक्‍कोसाआ अ़दु-अ़दु अ़चाअ़त्‍मा आङ्‌मादोराओ। मेन ओ जुगाओ अ़देङ्‌दा खोक्‍कोसोओङा अ़चुहेन्‍खोक्‌वालाम्‍पा हेवा चुम्‍खाइसि खोक्‍को अ़धुन्‌ओ निम्‍पाङ अ़क्‍धुवा खाङ्‌म़मुसान्‌युङ्‌सान्‍चिन।