हिब्रु 6:19 - बान्‍तावा राई

¹⁹ ओ सोम्‍कुवा आन्‍लावाओ निम्‍पाङ अ़तुङ्‌निन्‌ओ क़क्‍खावाको मुयाङ। ओ सोम्‍कुवाआ आन्‍कान अ़चुथेम्‍खातित हुत्‌दाओ सेङ्‌याङ्‌ओदा म़तित।

हिब्रु 6:19 Referans Kwoze

हिब्रु 9:7

मेन थेम्‍खातित्‌ओ अ़देङ्‌दाओ खोप्‌दा मुलो काब़क्‍पा ओन्‍ङा अ़क दोङ्‌दा अ़क्‍दु वाङाङा। ह़ मात्‍द़ङ देम्‍खाछाङ मान्‌वाङ्‌याङ। खोन्‍कि मो ह़ खोसोओ निम्‍पाङ खोन्‍कि म़नाचि मान्‍सिन्‍माङ अ़मुवाओ अ़चुहेवाचिओ निम्‍पाङ अ़पुवाङा।

हिब्रु 9:3

मो ह्‍वा खोप्‌ओ अ़चुकाप्‌दा अ़क्‌तात थेम्‍खातित क़ङ्‌सायुङ्‌सा। मोसोओ अ़देङ्‌लिप्‍पा तोक्‍पो सेङ्‌याङ्‌ओ खोप्‌नि लोवाङा।

मत्‍ति 27:51

मोन्‍ग़रिङा निनाम्‍हाङ ब़क्‍खाखिम्‌ओ अ़थेम्‍खातित अ़छोङ्‌दुङ्‌का अ़थेन्‌युतारि ह्‍वाधाङ लिसालो रेआखारा। हेन्‍खामा धुन्‍तु, खोन्‍कि लुङ्‌छ़ङ्‌चि म़केरा।

कलस्‍सि 3:1

खोन्‌ओसा खानानिन ख्रिस्‍तएनान त़खोन्‍तिन्‍लोन्‍तिन्‌ओसाआ, निनाम्‍मादुओ य़ङ्‌चि लामानुम। मोदा निनाम्‍हाङ्‌ओ अ़चुचुप्‍ताङ्‌छुक्‌लिप्‍पा ख्रिस्‍त म़युङ्‌याङ।

२ तिमोथि 2:19

मेन निनाम्‍हाङ्‌ओ अ़चुम़नाचि अ़तुङ्‌निन्‌ओ छ़ङ्‌वात्‍नि म़युङ्‌युङ, खोन्‍कि मो छ़ङ्‌दा ओ ह्‍वातात य़ङ्‌चि म़छाप्‍तायुङ्‌सा। “हाङ्‌पाआ अ़चुम़नाचि म़सिन्‍तुचि,” खोन्‍कि “साङ-साङ अ़ङ्‌का हाङ्‌पाओ अ़म़नानि य़ङ, खो अ़त्‍लो काचिदाङ्‌का अ़थाया युङ्‌ने।”

छाम्‍माय़ङ 27:29

खोन्‍किना लुङ्‌छ़ङ्‌दा वाप्‍तेला धुङ हे निकि मोचिओ अ़चुक़माकारा, खोन्‌ओसा वाप्‍तेलाओ चारकातात अ़क़क्‍खाचि अ़देङ्‌याङ्‌का म़धान्‍तुचिकि खादात्‍ने निकिना याम़मारा।

रोमि 4:16

खोन्‌ओसा हिप्‍माय़ङ साकोङ्‌छ़ङ्‌लाप्‍मा ता। ओ निनाम्‍हाङ्‌ओ अ़चुसोमातुक्‍मादा मोहा प़माय़ङ आसिखा ओ। ओसाआ अब्राहाम्‌ओ झारा अ़भुङ्‌चिओ निकि अ़छ़ङ मु। ओ हिप्‍माय़ङ य़ङ्‌हुप्‌वात्‍नि काच़चिओ निम्‍पाङ ओन्‍ङा माआङ, मेन अब्राहाम्‌वात्‍नि साकोङ्‌छ़ङ कामुचिओ निम्‍पाङ्‌छाङ ओ, देकिनालो अब्राहाम झारासोओ आन्‍लावामि आन्‍पा ओ।

छाम्‍माय़ङ 27:40

खोन्‍किना मोचिआ वाप्‍तेलाओ अ़क़क्‍खाचि म़क़प्‍तुचिकि धियाङ्‌वामादाङा अ़लेराखाइसा, खोन्‍कि मोन्‍ग़रिङा वाप्‍तेलाओ अ़याप्‍खाचि म़छुम्‍साङाओ माक्‌य़चिछाङ अ़हुराखाइसा। खोन्‍किना ह़क्‌आ मुत्‍खातित धात्‍नि अ़लोइसा, खोन्‍कि ह़क्‌आ वाप्‍तेला खात्‍तुङुहिदा अ़केम्‌ह्‍यात्‍नि अ़खात्‍ता।

हिब्रु 4:16

खोन्‌ओसा आन्‍कान राक्‌एनान सोम्‍तुक्‍माओ हाङ्‌युङ्‌खादा खारिन्‍ने। मोदा निनाम्‍हाङ्‌आ सोम्‍तुक्‍मा दोत्‌ओ ग़रिदा आन्‍कान फामा तोक्‍तुम।

एफिसि 2:6

खोन्‍कि खोक्‍कोएनान आन्‍कान म़खोन्‍तालोइसाकि निनाम्‍मादुओ युङ्‌खाचिदा येसु ख्रिस्‍तएनान आन्‍कान म़युङ्‌सा।

१ कोरिन्‍थि 15:58

खोन्‌ओसा, अ़ङ्‌का सोमातुक्‍नाङ्‌नानिन्‌ओ अ़ङ्‍ब़ब़, नाना खोन्‍कि निछाचि ओ, नुलोक युङानिन। दिसाआछाङ ओह्‍यात्‍नि-मोह्‍यात्‍नि त़मुन्‍मिन्‍ने। हाङ्‌पाओ अ़चुकाचिदा अ़धुन पोइसा खारानिन। देकिनालो खानानिन त़सिन्‍तुम्‌योम, निनाम्‍हाङ्‌एदा आम्‍नुओ काचि सोज्‍जे अ़लिनिन।

छाम्‍माय़ङ 23:6

मेन धियायोक्‍खादा अ़क रुहुप सदुकिचि खोन्‍कि नि फरिसिचि म़याआङाओ सिन्‍तुकिना पावल अ़धिवाङ य़ङ्‌आ चेवा, “अ़ङ्‍ब़ब़ निछाचि ओ, अ़ङ्‌काछाङ फरिसिचिओ अ़चुछा फरिसिङा ओ। अ़ङ्‌का म़सुवादाओ म़नाचि निनाम्‍हाङ्‌आ म़लासुखोन्‍तुलोइसुचिनिओ य़ङ्‌दा अ़ङ्‌का साकोङ्‌छ़ङ मुङाओसा ओदा सेन्‍खादा छुक्‍ङाङा।”

रोमि 4:18

“आम्‍छाचिछाङ ओवात्‍निङा ब़द्‍धे म़लि”निम्‍पाङ निनाम्‍हाङ म़य़ङावात्‍नि, अ़क्‍छेप्‍छाङ सोम्‍कुवा मात्‍द़ङ्‌याङ्‌ओ ग़रि अब्राहाम साकोङ्‌छ़ङ मुवा खोन्‍कि खो ब़द्‍धे रावाचिओ अ़चुसुन्‍तुम लिसा।

रोमि 5:4

आङ्‌मा सावाआ निनाम्‍हाङ्‌एदा देत्‍नि ह़ङ्‌मानिओ सावा पोइसु, खोन्‍कि मोसाआ अ़छ़ङ सोम्‍कुवा आन्‍कान म़प़।

१ कोरिन्‍थि 13:13

साकोङ्‌छ़ङ मुमा, तामामित्‍मा, खोन्‍कि सोम्‍तुक्‍मा, ओचि सुम्‌कातात अ़धुन्‌तारि म़युङ्‌युङ। मेन ओचिदाओ तोक्‍पो सोम्‍तुक्‍मा ओ।

कलस्‍सि 1:27

झारा रावाचिओ निम्‍पाङ खोक्‍कोसोओ ओ ब़द्‍धे तोक्‍पो अ़चुकोङ्‌दुम खोसोओ अ़चुम़नाचिआ अ़तुप्‍नेनि निनाम्‍हाङ म़मिन। अ़कोङ्‌दुम ओक्‍कोङा ओ, ख्रिस्‍त खानानिन्‌एदा म़याक्‌याङ। ओ य़ङ्‌आ खानानिन्‌छाङ निनाम्‍हाङ्‌ओ अ़चुसाम त़तोक्‍तुम्‌नि मिन्‍मा ऩप़न।

१ पत्रुस 1:3

आन्‍हाङ्‌पा येसु ख्रिस्‍तओ अ़चुपा, निनाम्‍हाङ्‌ओ अ़चुऩङ्‌लोङ्‌ने! खोक्‍कोसोओ तोक्‍पो अ़चुसोम्‍तुक्‍माआ म़सुवादाओदाङ्‌का येसु ख्रिस्‍तओ अ़चुलामाखोन्‍मालोन्‍मालाम्‍पा आन्‍कान अ़ऩङ्‌वा ह़ङ्‌म़ङ तोक्‍तुम। हान आन्‍कान अ़ह़ङ सोम्‍कुवादा आन्‍कान अ़क्‌तात लिसिन्‌युङ्‌सिन।