हिब्रु 6:12 - बान्‍तावा राई

¹² खानानिन त़सोसिन्‍नेनि आन्‍कान्‍का अ़मिनिमिन्‍का, मेन साकोङ्‌छ़ङ खोन्‍कि हुङ्‌मालाम्‍पा निनाम्‍हाङ्‌ओ अ़चुहिप्‍माय़ङ कातोक्‌चि म़चुवावात्‍नि लिसानिन।

हिब्रु 6:12 Referans Kwoze

हिब्रु 13:7

आम्‍नुओ बुयाओ बुसुवाचि मित्‍तानुम्‍च़म, खोचिआ खानानिन निनाम्‍हाङ्‌ओ अ़चुय़ङ खाऩएत्‍तिन। खोचि देत्‍नि अ़नुवाक ह़ङ्‌म़ङ म़ह़ङाओ मित्‍तानुम, खोन्‍कि मोचिओ अ़चुसाकोङ्‌छ़ङ्‌ओ अ़मात्‍ऩङ त़ङ्‌तानुम।

हिब्रु 10:36

निनाम्‍हाङ्‌ओ अ़चुमिन्‍मा तामालामा खोन्‍कि हिप्‍माय़ङ्‌ओसो अ़सिवा तोक्‍मा खानानिन दुखा आङ्‌मादोत।

१ युहन्‍ना 2:25

खोन्‍कि येसुआ आन्‍कान दि म़हिप्‍ताओ, मो अ़लुक्‍निन्‌ओ ह़ङ्‌म़ङ ओ।

रोमि 12:11

राक्‌दा देम्‍खाछाङ देङ्‌मान्‍लादानिन, मेन हाङ्‌पा झारा साकोङ्‌वाआ ब़रानुम।

हिब्रु 5:11

ओसोओ अ़तुक्‌वादा आन्‍कान्‍का य़ङ्‌मा ना ब़द्‍धे युङ्‌याङ, मेन खानानिन नुलोक खाएत्‍मा अ़ऱन्‍मिन्‍का, देकिनालो खानानिन चोम्‍पिया त़तुप्‍तुम।

२ पत्रुस 1:10

खोन्‌ओसा, ब़ब़, नाना खोन्‍कि निछाचि ओ, खानानिन बुत्‍माय़ङ खोन्‍कि छेन्‍माय़ङ अ़छ़ङ मुमाओ निम्‍पाङ च़लोक राक मुवानिन, देकिनालो खानानिन मोवात्‍नि त़च़न्‌नालो खानानिन देम्‍खाछाङ त़धाम्‍सिमिन।

याकुब 1:3

देकिनालो खानानिन त़सिन्‍तुम्‌योम, आम्‍नुओ सोम्‍कुवाओ चिन्‍माखाङ्‌माआ हुङ्‌मा सावा पोइसु।

हिब्रु 12:1

आन्‍ऱङ्‌कोप्‌नि ओन ब़द्‍धे म़ना मुक्‍लाओ सालुम्‍स़ङ्‌चि म़युङ्‌याङ, खोन्‌ओसा आन्‍कान झारा बुया खात्‍मा काछेक झारा य़ङ्‌चिदाङ्‌का खोन्‍कि हेवाओ वाय़दाङ्‌का फोङ्‌सिन्‍चिन्‍ने, खोन्‍कि आन्‍बुदा म़युक्‍ताओ लोत्‍मा राक मान्‍सेत्‍माङ लोरिन्‍ने।

हिब्रु 1:14

खोन्‍नालो निनाम्‍हाङ काफाचिनिओ दि ओ? मोचि म़लेन्‌याङ्‌ओचिओ निम्‍पाङ ब़त्‍सि म़छुत्‍तुचिओ काब़त लावाचि ओ।

रोमि 4:12

खोन्‍कि आन्‍पा अब्राहाम मो सिप्‍मायाम्‍बुन म़मुवाओचिओछाङ अ़चुपा ओ, सिप्‍मायाम्‍बुन मुमा ओन्‍ङा माआङ, मेन अब्राहाम्‌आ सिप्‍मायाम्‍बुन मुमा बुया देत्‍नि निनाम्‍हाङ्‌एदा साकोङ्‌छ़ङ मुवा, मोवाको साकोङ्‌छ़ङ कामुचिओ अ़चुपा लिसा।

रोमि 2:7

हुङ्‌याङ्‌सा अ़नुवाक काचि मुयाङ्‌सा साऩङ्‌वा, साया खोन्‍कि अ़स़निन्‍दानिन्‌ओ ह़ङ्‌म़ङ कालाम्‌चि निनाम्‍हाङ्‌आ अ़लुक्‍निन्‌ओ ह़ङ्‌म़ङ म़प़चि।

खाङ्‌मुमा 13:10

छेक्‍खादा खात्‍मादोत्‌ओ अ़नुछ्‍या छेक्‍खादाङा खात, बान्‍छोन्‌आ सेत्‍मादोत्‌ओ अ़नुछ्‍या बान्‍छोन्‌आङा सेत। खोन्‌ओसा निनाम्‍हाङ्‌ओ अ़चुम़नाचिआ आङ्‌मादोत खोन्‍कि साकोङ्‌छ़ङ मुमादोत।

हिब्रु 11:33

खोचिओ अ़चुसाकोङ्‌छ़ङ्‌लाम्‍पा हेन्‍कोप्‌चिदा म़छोसा, तोङालो छ़ङ म़छेन्‍ताकि म़हिप्‍तुचिओचि म़तोक्‍तुचि। मोचिआ धिनाराचिओ अ़चुदोचि म़ह़सुप़चि।

हिब्रु 6:15

खोन्‍किना अब्राहाम आङ्‌याङ्‌सा खाहुङाकि निनाम्‍हाङ्‌आ अ़हिप्‍ताओ तोक्‍तु।

२ थेसलोनिकि 1:4

खोन्‌ओसा खानानिन्‌आ आङ्‌माय़ङ खोन्‍कि झारा दुखाचिदाओ सोम्‍कुवा मुमाय़ङ खोन्‍कि अ़चाअ़त्‍माचि खानानिन्‌आ त़आङ्‌तुम्‌योम्‌ओ अ़तुक्‌वादा तोक्‍पो लियाङ्‌सा निनाम्‍हाङ्‌ओ नि अ़चुसाम्‍भुङ्‌चि आन्‍कान्‍का खाएत्‍तुम्‍च़म्‍का।

लुका 8:15

मेन अ़नुवाक बाखादा छुक्‍ताओ बिउचि मोङा ओ: साङ्‌आ निनाम्‍हाङ्‌ओ अ़चुय़ङ अ़नुवाक खोन्‍कि सेङ्‌याङ्‌ओ साकोङ्‌वाआ एनुकि निनाम्‍हाङ्‌ओ अ़चुय़ङ अ़मिन्‍मादा मित्‍तु खोन्‍कि हुङ्‌याङ्‌सा ब़द्‍धे अ़सिवा सिसु।

मत्‍ति 22:32

खोक्‍को म़य़ङायुङ्‌सा, ‘अ़ङ्‌का अब्राहाम्‌ओ अ़निनाम्‍हाङ, इसहाक्‌ओ अ़निनाम्‍हाङ खोन्‍कि याकुब्‌ओ अ़निनाम्‍हाङ ओ।’ खोक्‍को म़सुवादाओचिओ अ़चुनिनाम्‍हाङ माआङ, मेन अ़ह़ङ्‌चिओ अ़चुनिनाम्‍हाङ ओ।”

१ थेसलोनिकि 1:3

आन्‍निनाम्‍हाङ पापाओ अ़चुबुदा आम्‍नुओ साकोङ्‌छ़ङ्‌दाङ्‌का त़मुम्‌ओ काचि, खोन्‍कि सोमातुक्‍माआ त़मुम्‌ओ काचि खोन्‍कि आन्‍हाङ्‌पा येसु ख्रिस्‍तएदा त़मुम्‌ओ सोम्‍कुवाआ खानानिन त़छोसिन्‌ओ आन्‍कान्‍का अ़धुन मित्‍तुम्‌युङ्‌सुम्‍का।

लुका 16:22

अ़क लेन मो मान्‍तोक्‍कादा म़ना सुवादा, खोन्‍कि निनाम्‍हाङ काफाचिआ मो अ़खुयाखात्‍ताकि अब्राहाम्‌ओ अ़च़क्‌दा अ़युङ्‌सा। मो कातोक म़नाछाङ सुवादाकि म़नाचिआ अ़खुम्‍ता।

मत्‍ति 25:26

मोसोओ अ़हाङ्‌पाआ अ़हारुक लासुलो, ‘खाना अ़अ़त्‍पा, कासो हारुक! मान्‍लित्‌दोङ्‌ओदा हेक्‍ङा, खोन्‍कि मान्‌वेत्‍माय़ङ्‌दाङ्‌का कोप्‍ङानि खाना त़सिन्‍तुङुओनालो,