हिब्रु 4:15 - बान्‍तावा राई

¹⁵ आन्‍काओ मुलो काब़क्‍पा आन्‍माऱदामाचिदा सोमामान्‍तुक्‍कादा ऩमुनिनिन। मेन आन्‍कान्‌वात्‍नि खोक्‍को झारा य़ङ्‌दा हेवादा धान्‍मा अ़लाप्‍ताहिदाछाङ खोक्‍को हेवादा मान्‍धान्‍दान्‍चिन।

हिब्रु 4:15 Referans Kwoze

२ कोरिन्‍थि 5:21

खोन्‌ओसा आन्‍कान खोक्‍कोएदा निनाम्‍हाङ्‌आ अ़नुवाक कान्‍मा म़ऱने निम्‍पाङ हेवाङा मान्‍मुकादा ख्रिस्‍त निनाम्‍हाङ्‌आ आन्‍को निम्‍पाङ हेवाओ हेन्‍खोक्‌वा अ़मुवा।

१ युहन्‍ना 3:5

आन्‍हेवा लेत्‍सि ख्रिस्‍त म़ताओ य़ङ खानानिन त़सिन्‍तुम्‌योम, खोन्‍कि खोक्‍कोएदा हेवा मात्‍द़ङ।

१ पत्रुस 2:22

“खोक्‍को ना हेवाङा म़मुवा, ना खोक्‍कोसोओ अ़चुदोदाङ्‌का म़प्‍मा य़ङ्‌ङा लोन्‍ता।”

हिब्रु 7:26

आन्‍कान दोत्‌ओ मुलो काब़क्‍पा येसुङा ओ। खोक्‍को म़सेङ्‌याङ्‌ओ, थुपि मात्‍द़ङ्‌ओ, अ़च़क़ल़क, हेवामिचिदाङ्‌का अ़फेआकि निनाम्‍माचिदाङ्‌का धाना अ़झोइसा।

हिब्रु 4:14

मोवात्‍नि निनाम्‍मादु काखात निनाम्‍हाङ्‌ओ अ़चुछा येसु आन्‍को झारादाङ्‌का तोक्‍पो मुलो काब़क्‍पा म़युङ्‌याङ्‌ओसा आन्‍कान लोउम्‌ओ ओ साकोङ्‌छ़ङ नुलोक आन्‍कान क़क्‍तुम्‌युङ्‌सुम्‍ने।

हिब्रु 5:2

खोसाआ खामान्‍सिन खोन्‍कि लाम काथेम्‌चि सिम्‍नान्‍चिन्‍सा काचि मुमा ऱ, देकिनालो खो आप्‍पिछाङ मान्‍ऱदामाआ कोम्‍तुयुङ्‌सु।

युहन्‍ना 8:46

खानानिन्‌एदाओ साङ्‌आ अ़ङ्‌का हेवाओ लाहिपाक्‍मा अ़ऱङा कि? अ़ङ्‌का अ़छ़ङ चेप्‍ङाङानुछाङ देकि खानानिन्‌आ अ़ङ्‌का साकोङ्‌छ़ङ त़मुऩङ्‌ऩम़ङ?

लुका 22:28

खानानिन अ़ङ्‌का दुखा तोक्‍ताङ्‌हिदा अ़ङ्‌काएनान अ़क्‍नि त़आङ्‌तुम।

लुका 4:2

मोदा सैतानाआ चालिस्‌कालेन्‌तारि येसु धान्‍मा लाप्‍तु। मो चालिस्‌कालेन्‌तारिङा येसुआ दित्‍छाङ मान्‍चामाङ म़युङाचिआकिना खोक्‍को साम़सुवाङा।

मत्‍ति 12:20

कुङ्‌याङ्‌ओ द़ङ खोक्‍कोसाआ ऩओरुन, खोन्‍कि तुत्‍लेप्‍लेप्‌वाओ कुपिछाङ ऩसेरुन। मोवात्‍नि खोक्‍कोसाआ सोमातुक्‍मा खाङ्‌अ़मुयुङ, तोङ्‌लो छ़ङ्‌छेन्‍माय़ङ्‌आ छोमादा अ़तारुन्‍लान्‌तारि।

मत्‍ति 4:1

खोन्‍किना येसु सैतानाओ अ़धान्‍मा लाप्‍मादा छुक्‍माओ निम्‍पाङ सेङ्‌लावाआ खोक्‍को लेक्‍लेक्‍लेक्‌वाओदा अ़खात्‍ता।

रोमि 8:3

आन्‍को हेवामि आन्‍मित्‍माचि मान्‍ऱकादा म़लिसाओसा य़ङ्‌हुप्‌आ दि मुमा मान्‍ऱदो, मो निनाम्‍हाङ्‌आ अ़मुवा। निनाम्‍हाङ्‌आ आप्‍पिओ अ़चुछा अ़याङाकि आन्‍कान्‌वाको हेवामिचिओ आन्‍हेवाचिओ निम्‍पाङ हेन्‍खोक्‌वा अ़पुवाकि हेवाओ अ़क़म्‍मा आन्‍कान्‌एदाङ्‌का अ़लुक्‍ता।

हिब्रु 9:28

मोवात्‍नि ख्रिस्‍त्‌छाङ ब़द्‍धेकापाङ्‌सोओ अ़चुहेवा चुम्‍खाइसि अ़क्‍दु हेन्‍खोक्‌वा म़लिसा, खोन्‍कि खोक्‍को ह्‍वादुओदु हेवा चुम्‍खाइसि माआङ, मेन अ़चुऩङानुयाङ्‌सा खोक्‍को काहुङ्‌चि लेइसिओ निम्‍पाङ खाङ्‌म़मुनान्‍चिन।