हिब्रु 13:20 - बान्‍तावा राई

²⁰ आन्‍हाङ्‌पा येसु ख्रिस्‍त काखोन्‍लोन निनाम्‍हाङ्‌आ सेवाङ्‌नि ऩमुन्‍ने। येसु तोक्‍पो भेरा काखाङ्‌पावा म़मुयाङ, खोक्‍कोसोओ अ़चुह़लाम्‍पा अ़चुभेराचिएनान अ़धुन्‌ओ य़ङ्‌छ़ङ्‌दा सेप्‍तायुङ्‌सा।

हिब्रु 13:20 Referans Kwoze

युहन्‍ना 10:11

अ़ङ्‌का अ़नुवाक भेरा काखाङ्‌पा ओ। अ़नुवाक काखाङ्‌पाआ अ़भेराचिओ निम्‍पाङ अ़ह़ङ्‌म़ङ प़।

हिब्रु 10:22

खोन्‌ओसा आन्‍कान सेङ्‌याङ्‌ओ साकोङ्‌वा खोन्‍कि अ़छ़ङ साकोङ्‌छ़ङ मुन्‌कि निनाम्‍हाङ्‌ओ अ़चुबुदा खारिन्‍ने। देकिनालो आन्‍छेन्‍खातायाचि ख्रिस्‍तओ अ़चुह़आ सेङ्‌माचि निकिना म़रेप्‍तायुङ्‌सा, खोन्‍कि आन्‍पोक्‌चि सेङ्‌याङ्‌ओ चाक्‌वाआ वाम़स़त्‍तापुवायुङ्‌सा।

रोमि 15:33

सेवाङ्‌नि काप़ निनाम्‍हाङ खानानिन झाराएनान अ़धुन म़युङ्‌ने। मोवात्‍निङा लिने।

२ थेसलोनिकि 3:16

हान सेवाङ्‌निओ हाङ्‌पाआ खानानिन अ़धुन खोन्‍कि झाराकापाराआ सेवाङ्‌नि ऩमुन्‍ने। हाङ्‌पा खानानिन झाराएदा म़युङ्‌ने।

युहन्‍ना 10:14

अ़ङ्‌का अ़नुवाक भेरा काखाङ्‌पा ओ। अ़ङ्‌का अ़ङ्‌भेराचि सिन्‍तुङ्‌च़ङ, खोन्‍कि अ़ङ्‌भेराचिआ अ़ङ्‌का ऩसिन्‍ङा।

छाम्‍माय़ङ 2:24

खोन्‍नुछाङ निनाम्‍हाङ्‌आ खोक्‍को स़मादामाओ अ़चाअ़त्‍मादाङ्‌का अ़फोङ्‌साकि म़सुवादाओदाङ्‌का अ़लासाखोन्‍तालोइसा, देकिनालो खोक्‍को स़माओ अ़सावाआ लाप्‍मायुङ्‌मा मान्‍ऱदो।

१ पत्रुस 2:25

देकिनालो खानानिन म़थेमाखाराओ भेराचिवात्‍नि त़मुन्‌येन, मेन हान खानानिन आम्‍नुओ लावाचि काखाङ्‌पा खोन्‍कि कारात्‍पाएदा त़लासिन्‍तान्‌युङ्‌सिन।

छाम्‍माय़ङ 3:15

खोन्‍कि खानानिन्‌आ अ़लुक्‍निन्‌ओ ह़ङ्‌म़ङ काप़पा येसु रोमि रात्‍खामिचि सेत्‍त़मेत्‍तुम्‍च़म, मेन निनाम्‍हाङ्‌आ खोक्‍को म़सुवादाओदाङ्‌का अ़लासाखोन्‍तालोइसा। खोक्‍को म़खोन्‍तालोन्‍ताओ आन्‍काच्‍या खायुङ्‌साचुवा।

१ पत्रुस 1:21

येसुलाम्‍पा खानानिन निनाम्‍हाङ साकोङ्‌छ़ङ त़मुम। निनाम्‍हाङ्‌आ येसु ख्रिस्‍त म़सुवादाओदाङ्‌का अ़खोन्‍तालोइसा खोन्‍कि खोक्‍को साया अ़मेत्‍ता। खोन्‌ओसा आम्‍नुओ साकोङ्‌छ़ङ खोन्‍कि सोम्‍कुवा निनाम्‍हाङ्‌एदा याक्‌याङ।

१ थेसलोनिकि 1:10

खोन्‍कि निनाम्‍मादुङ्‌का काय़ निनाम्‍हाङ्‌ओ अ़चुछा येसु त़हुङुम्‌योम्‌निछाङ मोचि म़य़ङ्‌याङ। खोक्‍को निनाम्‍हाङ्‌आ म़सुवादाओदाङ्‌का अ़लासाखोन्‍तालोइसा, खोक्‍कोसाआङा तामा मुयाङ्‌ओ निनाम्‍हाङ्‌ओ अ़चुमाइसुङ्‌दाङ्‌का आन्‍कान म़लेन।

कलस्‍सि 2:12

खानानिन बप्‍तिस्‍मा त़लोइन्‌हिदा ख्रिस्‍तएनान अ़क्‍नि त़खुम्‍तिन्‌ओसा, खानानिन्‌छाङ ख्रिस्‍तएनान अ़क्‍नि ऩह़ङ्‌सिन देकिनालो म़सुवादाओदाङ्‌का ख्रिस्‍त काह़ङ्‌लोन निनाम्‍हाङ्‌ओ अ़चुसावादा खानानिन्‌आ साकोङ्‌छ़ङ त़मुन।

१ पत्रुस 5:4

खोन्‍कि मुलो काखाङ्‌पा खाङ्‌म़मुनान्‍चिन्‌हिदा देम्‍खाछाङ अ़युन्‍निन्‍खात्‍निन्‌ओ ऩङ्‌लोङ्‌माओ सिरिफा त़तोक्‍तुम।

हिब्रु 10:29

खानानिन मित्‍तानुम, निनाम्‍हाङ्‌ओ अ़चुछा अ़लाङ्‌थेम भेन्‌यु कानेप्‌चि, खाक्‍को ह़आ म़सेङ खोन्‍कि निनाम्‍हाङ्‌ओ अ़चुय़ङ्‌छ़ङ अ़छ़ङ मु, मो ख्रिस्‍तओ अ़चुह़ दिसुवा मान्‍मित्‍कादा खोन्‍कि सोमाकातुक सेङ्‌लावा कासुङ्‌चिआ देम चात्‍लो दन्‍दा अ़तोक?

हिब्रु 9:20

खोन्‍किना खोसाआ ओवात्‍नि लोचि, “निनाम्‍हाङ्‌आ खानानिन्‌एनान अ़मुवाओ य़ङ्‌छ़ङ ओ ह़आ अ़छ़ङ मु।”

१ थेसलोनिकि 5:23

सेवाङ्‌निओ निनाम्‍हाङ्‌आङा खानानिन झारा ऩसेङ्‌सिन्‍ने, खोन्‍कि झारा आम्‍नुओ लावा, साक्‍मा खोन्‍कि पोक आन्‍हाङ्‌पा येसु ख्रिस्‍त म़लाय़याङ्‌हिदा लाहि मात्‍द़ङ्‌ओ लिने।

फिलिप्‍पि 4:9

खानानिन्‌आ दि अ़ङ्‌काएदाङ्‌का त़चिन्‍तिन्‍चिन, खोन्‍कि त़लोउम खोन्‍कि त़एनुम खोन्‍कि त़खाम, मोवात्‍निङा चुवानिन। खोन्‍किना सेवाङ्‌नि काप़ निनाम्‍हाङ खानानिन्‌एनान म़युङ।

रोमि 8:11

येसु म़सुवादाओदाङ्‌का अ़ह़ङ कामुओ अ़चुलावा खानानिन्‌एदा म़याक्‌नालो ख्रिस्‍त येसु म़सुवादाओदाङ्‌का काह़ङ्‌लोन्‌आ खानानिन्‌एदा कायाक खोक्‍कोसोओ अ़चुलावालाम्‍पा स़दाओ आम्‍नुओ पोक्‌छाङ ह़ङ्‌म़ङ अ़प़।

छाम्‍माय़ङ 5:30

आन्‍सुन्‍तुम्‌चिओ अ़चुनिनाम्‍हाङ्‌आ खानानिन्‌आ त़लाउम्‌कि क्रुस्‌दा त़ख़न्‍तुम्‍सेरुम्‌ओ येसु म़सुवादाओदाङ्‌का अ़लासाखोन्‍तालोइसा।

मत्‍ति 26:28

ओ अ़ऩङ्‌वा य़ङ्‌छ़ङ्‌ओ अ़ङ्‌ह़ ओ, मो ब़द्‍धेसोओ निकिना हेवा लेत्‍माओ निम्‍पाङ सोन।

एफिसि 1:20

मो सावा खोक्‍कोसाआ ख्रिस्‍तदा अ़तासाला, देम्‍खा खोक्‍कोसाआ ख्रिस्‍त म़सुवादाओदाङ्‌का अ़खोन्‍तालोइसा, खोन्‍कि निनाम्‍मादुओ युङ्‌खाचिदा अ़चुचुप्‍ताङ्‌छुक्‍लिप्‍पा अ़युङ्‌सा।

गलाति 1:1

अ़ङ्‌का पावल, ख्रिस्‍तओ अ़क्‍छा अ़चुछाम्‍माय़ङ, खोक्‍को म़नाचिएदाङ्‌का माङ्‌लो खोक्‍को म़नालाम्‍पा अ़छुत्‍ताओ माआङ, मेन येसु ख्रिस्‍त खोन्‍कि आन्‍निनाम्‍हाङ पापा, साङ्‌आ येसु ख्रिस्‍त म़सुवादाओदाङ्‌का अ़खोन्‍तालोइसा खोक्‍कोसाआङा ऩछुत्‍ताङ्‌ओ।

२ कोरिन्‍थि 13:11

देङ्‌दा, ब़ब़, नाना खोन्‍कि निछाचि ओ, हासिन्‍चिन्‍ने। अ़च़वाङ्‍ओ निम्‍पाङ मित्‍चिऩङ मुवानिन। अ़ङ्‌य़ङ एनानुम! अ़क्‍छा निएदा तोङानिन। सेवाङ्‌नि युङानिन। खोन्‍कि निनाम्‍हाङ्‌ओ अ़चुसोमातुक्‍मा खोन्‍कि सेवाङ्‌नि खानानिन्‌एनान युङ।

२ कोरिन्‍थि 4:14

आन्‍कान्‍का सिन्‍तुम्‌योम्‍का, हाङ्‌पा येसु अ़ह़ङ कामुआ, आन्‍कान्‍काछाङ येसुएनान अ़ह़ङ ऩमुन्‍का, खोन्‍कि खोक्‍कोसाआङा आन्‍कान्‍का खानानिन्‌एनान खोक्‍कोसोओ अ़चुबुदा ऩतारिन्‍का।

१ कोरिन्‍थि 15:15

मोदाङ्‌का च़लोक, आन्‍कान्‍का निनाम्‍हाङ्‌ओ अ़चुतुक्‌वादा सोज्‍जेओ सालुम्‍स़ङ काप़ लिसिन्‍का देकिनालो ख्रिस्‍त म़सुवादाओदाङ्‌का म़खोन्‍तालोन्‍ताओ आन्‍कान्‍का निनाम्‍हाङ्‌ओ अ़चुतुक्‌वादा सालुम्‍स़ङ प़म्‌युङ्‌सुम्‍का। मेन अ़नुछ्‍याङा म़सुवादाओचि ऩखोन्‍निन्‍लोन्‍निन्‌नालो निनाम्‍हाङ्‌आ ख्रिस्‍त मान्‍खोन्‍लोन्‌अ़दा।

१ कोरिन्‍थि 14:33

देकिनालो निनाम्‍हाङ कापुप्‍खान निनाम्‍हाङ ऩमुनिनिन, मेन सेवाङ्‌निओ म़मुयाङ। निनाम्‍हाङ्‌ओ अ़चुम़नाचिओ झारा साम्‍भुङ्‌दावात्‍नि,

१ कोरिन्‍थि 6:14

निनाम्‍हाङ्‌आ अ़चुसावालाम्‍पा हाङ्‌पा म़सुवादाओदाङ्‌का अ़खोन्‍तालोइसा, खोन्‍कि खोक्‍कोसाआ आन्‍कान्‌छाङ अ़चुसावालाम्‍पा म़खोन्‍लोन।

छाम्‍माय़ङ 17:31

देकिनालो खोक्‍कोसाआ अ़छेन्‍ताओ अ़क्‍छा म़नालाम्‍पा हेन्‍खामादाओ झारा म़नाचि साम्‌योक्‍मि छ़ङ्‌छेन्‍मा निकिना खोक्‍कोसाआ अ़क्‌लेन अ़छ़ङ अ़मुवायुङ्‌सा। खोक्‍कोसाआ मो म़ना म़सुवादाओदाङ्‌का अ़खोन्‍तालोइसाकि झारा म़नाचि ओसोओ अ़चुसालुम्‍स़ङ अ़पुवायुङ्‌सा।”

छाम्‍माय़ङ 13:30

खोन्‍नुछाङ निनाम्‍हाङ्‌आ येसु म़सुवादाओदाङ्‌का अ़लासाखोन्‍तालोइसा।

छाम्‍माय़ङ 2:32

ओ येसुङा निनाम्‍हाङ्‌आ म़सुवादाओदाङ्‌का अ़लासाखोन्‍तालोइसा, खोन्‍कि ओ य़ङ्‍ओ आन्‍कान झारा अ़सालुम्‍स़ङ युङिन्‌येन।

लुका 22:20

अ़नाम्‍प़क्‌ओ चा म़चाचिआकि येसुआ मोवात्‍निङा लाङ्‌चोक्‍खुङ अ़क़क्‍ताकि म़लोचि, “ओ लाङ्‌चोक्‍खुङ्‌दाओ अङ्‌गुरा माङ्‌वा आम्‍नुओ निकि सोन्‌ओ अ़ङ्‌ह़लाम्‍पा मुमाय़ङ अ़ऩङ्‌वा य़ङ्‌छ़ङ ओ।

मर्कुस 14:24

“ओ अ़ऩङ्‌वा य़ङ्‌छ़ङ्‌ओ अ़ङ्‌ह़ ओ, मो ब़द्‍धेसोओ निकिना हेवा लेत्‍माओ निम्‍पाङ सोन।

रोमि 16:20

सेवाङ्‌नि काप़ निनाम्‍हाङ्‌आ च़क्‍निङा सैताना आम्‍नुओ लाङ्‌थेम भेन्‌यु अ़नेप। आन्‍हाङ्‌पा येसु ख्रिस्‍तओ अ़चुसोमातुक्‍मा खानानिन्‌एदा याक्‍ने।

रोमि 1:4

खोन्‍कि सेङ्‌लावाआ खोक्‍को निनाम्‍हाङ्‌ओ अ़चुछा झारा सावापोरिओ निकिना खाङ्‌म़मेत्‍तुचि, देकिनालो आन्‍हाङ्‌पा येसु ख्रिस्‍त म़सुवादाओदाङ्‌का म़खोन्‍तालोन्‍ता।

छाम्‍माय़ङ 4:10

खानानिन खोन्‍कि इस्राएल्‌दाओ झारा म़नाचिआ सिन्‍तानुम, खानानिन्‌आ क्रुस्‌दा त़ख़न्‍तुम्‍सेरुम्‌ओ नासरत्‌ओ येसु ख्रिस्‍त निनाम्‍हाङ्‌आ म़सुवादाओदाङ्‌का अ़ह़ङ्‌सालोइसा, येसुओ अ़चुऩङ्‌दा ओ म़ना नुवाकि आम्‍नुओ बुदा एप्‌याङ।

रोमि 10:7

माङ्‌लो (म़सुवादाओचिदाङ्‌का ख्रिस्‍त धाना लोत्‍सि) सित्‍म़ङ युङ्‌खायु साङ धा?”