हिब्रु 13:18 - बान्‍तावा राई

¹⁸ आन्‍काओ निम्‍पाङ यामारानिन। आन्‍कान्‍का सिन्‍तुम्‌योम्‍का आन्‍काओ छेन्‍खाताया सेङ्‌याङ, खोन्‍कि अ़धुन झारा य़ङ्‌चि नुलोक मुमानि आन्‍कान्‍का मिनिन्‌येन्‍का।

हिब्रु 13:18 Referans Kwoze

१ थेसलोनिकि 5:25

ब़ब़, नाना खोन्‍कि निछाचि ओ, आन्‍काओ निम्‍पाङ्‌छाङ यामारानिन।

२ थेसलोनिकि 3:1

हान अ़लुक्‍मादा, ब़ब़, नाना खोन्‍कि निछाचि ओ, हाङ्‌पाओ अ़चुय़ङ च़क्‍नि फेयाङ्‌साखात्‍ने निम्‍पाङ आन्‍कान्‍का यामात्‍निप़नि, देत्‍नि आम्‍नुओ रादाछाङ फेसायुङ्‌सा।

१ तिमोथि 1:5

अ़ङ्‌को ओ लोमाय़ङ्‌ओ मित्‍चिऩङ ओवाको ओ: सेङ्‌याङ्‌ओ साकोङ्‌वा, अ़नुवाक छेन्‍खाताया खोन्‍कि अ़नुछ्‍याओ साकोङ्‌छ़ङ्‌लाम्‍पा ताओ सोमातुक्‍माआ म़भेप्‍तुचिने।

कलस्‍सि 4:3

आन्‍काओ निम्‍पाङ्‌छाङ ओवात्‍नि यामारानिन: ख्रिस्‍तओ अ़चुतुक्‌वादाओ मो अ़कोङ्‌दुम खालुमा अ़वाखाम निनाम्‍हाङ्‌आ आन्‍कान्‍का लाम ऩहोत्‍तिन्‍प़न्‍काने। मोसोओ निम्‍पाङ अ़ङ्‌का छेक्‍खादा छुक्‍ताङ्‌युङ्‌साङ।

रोमि 15:30

ब़ब़, नाना खोन्‍कि निछाचि ओ, आन्‍हाङ्‌पा येसु ख्रिस्‍त खोन्‍कि सेङ्‌लावाओ अ़चुसोम्‍तुक्‍मालाम्‍पा अ़ङ्‌को निम्‍पाङ निनाम्‍हाङ्‌एदा चात्‍लो यामारानिन खोन्‍कि अ़ङ्‌दुखादा वाङायुङ्‌सानिन्‌नि अ़ङ्‌का खानानिन यायोक प़नाङ्‌नानिन।

१ पत्रुस 3:21

ओसाआ चाक्‌वाओ बप्‍तिस्‍मा खाङ्‌मुसु, खोन्‍कि ओसाआ खानानिन ऩलेइसिन्‌छाङ। ओ पोक्‌दाओ सिप्‍भाङ वालेक्‍तिन्‍खाइसिन्‌वात्‍नि माआङ, मेन ओसोओ अ़तुप्‍माय़ङ अ़च़क़ल़क छेन्‍खातायाएनान निनाम्‍हाङ्‌एदा लामा ओ। येसु ख्रिस्‍तओ अ़चुलामाखोन्‍मालोन्‍मालाम्‍पा ओसाआ खानानिन ऩलेइसिन।

१ पत्रुस 3:16

मेन मो सिम्‍नान्‍चिन्‍सा खोन्‍कि साऩङ्‌वाएनान मुवानुम। आम्‍नुओ छेन्‍खाताया सेङ्‌लो मुवानुम, खोन्‌ओसा आम्‍नुओ देङ्‌सालाप्‍पादा सुङ्‌याङ्‌सा काचेप खोन्‍कि ख्रिस्‍तदाओ आम्‍नुओ च़माथाङ्‌मादा रुकाफोक्‌चि लेजोदा म़छुक्‍ने।

१ पत्रुस 2:12

निरावाचिओ अ़चुरादा आम्‍नुओ च़माथाङ्‌मा अ़नुवाक मुवानुम। मोचिआ खानानिन अ़त्‍लो काच़चिनि आम्‍नुओ देङ्‌सालाप्‍पादा म़चेप्‌नुछाङ मोचिआ आम्‍नुओ अ़नुवाक काचिचि म़खाचिकि हाङ्‌पा म़ताओ लेन मोचिआ निनाम्‍हाङ्‌ओ अ़चुओ ऩङ अ़चोन्‍ने।

१ थेसलोनिकि 4:12

खोन्‌ओसा हाङ्‌पाएदा साकोङ्‌छ़ङ मान्‍मुकादा म़नाचिआ खानानिन साया ऩमेत्‍तिन, खोन्‍कि निचिएदा देम्‍खाछाङ दोत्‍मा अ़दोत्‍निन।

छाम्‍माय़ङ 24:16

खोन्‌ओसा अ़ङ्‌का अ़धुन निनाम्‍हाङ्‌ओ अ़चुबुदा खोन्‍कि म़नाचिओ अ़चुबुदा दित्‍छाङ अ़अ़त्‍पा काचि मान्‍मुदामा लाम्‍ङाङा।

छाम्‍माय़ङ 23:1

खोन्‍किना पावल्‌आ धियायोक्‍खादाओचि होन्‍नि चोउचिकि लोचि, “अ़ङ्‍ब़ब़ निछाचि ओ, आय़ओ लेन्‌तारि झारा अ़नुवाक साकोङ्‌वाआ निनाम्‍हाङ्‌ओ अ़चुबुदा अ़ङ्‌का ह़ङाङ्‌युङ्‌साङ।”

फिलिप्‍पि 4:8

देङ्‌दा ब़ब़, नाना खोन्‍कि निछाचि ओ, दि अ़छ़ङ मुयाङ, दि सायामेत्‍मायु मुयाङ, दि साम्‌योक्‍मि मुयाङ, दि सेङ्‌याङ, दि सोमा तुक्‍मायु मुयाङ, दि चोन्‍मायु मुयाङ, मोवात्‍नि दि-दिचि अ़नुवाक खोन्‍कि चोन्‍मा खान्‍तुओ म़मुयाङ्‌नालो, मो य़ङ्‌चिओ अ़तुक्‌वादा मित्‍तानुम्‍च़म।

२ कोरिन्‍थि 1:12

हेन्‍खामादा खोन्‍कि च़लोक्‌वा खानानिन्‌एनान्‌ओ आन्‍काओ तुप्‍मादा आन्‍कान्‍का काचि मुम्‍काहिदा ओ हेन्‍खामादाओ चाप्‍चाआ माआङ, मेन सेङ्‌लो खोन्‍कि अ़छ़ङ्‌दा आन्‍कान्‍का मुम्‍का। ओ य़ङ्‌दा आन्‍काओ ऩङानु, खोन्‍किना आन्‍काओ छेन्‍खातायाआछाङ मोसोओ अ़सालुम्‍स़ङ प़।

रोमि 13:13

अ़खोलेन्‌वा आन्‍कान नुलोक च़न्‍ने। ताकावा च़मा, सेत्‍चावादा, ताङ्‌लान्‌दा, लुत्‍माचामादा, खिमादा खोन्‍कि ऩङ्‌च़दा माआङ।

रोमि 12:17

खानानिन अ़त्‍लोओ अ़फान्‌दा अ़त्‍लो मान्‍च़दानिन। खाक्‍को य़ङ झारा म़नाचिओ अ़चुबुदा अ़नुवाक मुयाङ, मोदा मिन्‍मा पाक्‍तानुम।