हिब्रु 13:17 - बान्‍तावा राई

¹⁷ आम्‍नुओ बुसुवाचिआ ऩलोन्‌ओवा चुवानिन, खोन्‍कि मोचिओ अ़चुपाङ्‌दा युङानिन। देकिनालो मोचिओ अ़चुकाचि खानानिन खाङ्‌मा ओ, मोचिआ निनाम्‍हाङ खाएत्‍मादोत। खोन्‌ओसा ओ काचि मोचिआ अ़चुऩङानुयाङ्‌सा अ़मुने, खोन्‍कि ह़त्‍पादा माआङ। माङ्‌नालो खानानिन नुलोक त़लिसिमिन।

हिब्रु 13:17 Referans Kwoze

१ तिमोथि 5:17

साम्‍भुङ नुलोक कातित ताङ्‌पाचि ह्‍वास़रो सायामेत्‍मा खान्‍तुचि। साङ्‌आ नुय़ङ्‌खान खालुमा खोन्‍कि चिन्‍मादा च़लोक काचि मु, खो च़लोक्‌वा साया मेत्‍मा खान्‍तु।

हिब्रु 13:7

आम्‍नुओ बुयाओ बुसुवाचि मित्‍तानुम्‍च़म, खोचिआ खानानिन निनाम्‍हाङ्‌ओ अ़चुय़ङ खाऩएत्‍तिन। खोचि देत्‍नि अ़नुवाक ह़ङ्‌म़ङ म़ह़ङाओ मित्‍तानुम, खोन्‍कि मोचिओ अ़चुसाकोङ्‌छ़ङ्‌ओ अ़मात्‍ऩङ त़ङ्‌तानुम।

१ पत्रुस 5:5

मोवात्‍निङा सावाछाचि ओ, ताङ्‌पाचिओ अ़चुक़म्‍मादा युङानिन। खानानिन झारा सिम्‍सानिन्‍चिन्‌कि अ़क्‍छा निएदा फाकाफा मुवानिन, देकिनालो, “निनाम्‍हाङ्‌आ ऱक्‍भाक्‌चि फित्‍चि म़मुचि, मेन कासिम्‍नान्‍चिन्‌चि खोक्‍कोसाआ सोमाम़तुक्‍तुचि।”

छाम्‍माय़ङ 20:28

खानानिन आम्‍नुओ निम्‍पाङ खोन्‍कि सेङ्‌लावाआ खाङ्‌मा ऩप़न्‌ओ साम्‍भुङ्‌दाओ झारा साकोङ्‌छ़ङ कामुचिओ निम्‍पाङ चाप्‍चेत्‍तानिन्‍चिन। निनाम्‍हाङ्‌आ येसुओ अ़चुह़लाम्‍पा म़खिरुचिओ साम्‍भुङ काखाङ्‌चि लिसानिन।

१ कोरिन्‍थि 16:16

ओवाको खोन्‍कि ओवात्‍निङा झारा काचि कामु आम्‍नुयावाओ अ़क़म्‍मादा युङानिन्‌नि अ़ङ्‌का खानानिन राक प़नानिन।

फिलिप्‍पि 2:12

खोन्‌ओसा सोमातुक्‍नाङ्‌नानिन्‌ओ यावाचि ओ, देत्‍नि खानानिन्‌आ अ़धुन निनाम्‍हाङ्‌ओ अ़चुलोमाय़ङ त़काङ्‌सिन, अ़ङ्‌का खानानिन्‌एदा युङाङ्‌याङ्‌हिदा ओन्‍ङा मुन्‌वा माआङ, मेन च़लोक अ़ङ्‌का मात्‍द़ङ्‌हिदाछाङ क़माआ धुन्‌याङ्‌सा आम्‍नुओ लेन्‍माय़ङ्‌आ खानानिन झारासाआ चात्‍लो काचि मुवायुङ्‌सानिन।

फिलिप्‍पि 2:29

खोन्‌ओसा अ़न्‍नुनु ऩङानुयाङ्‌सा हाङ्‌पाएदा खो लोआनुम, खोन्‍कि ओवाको म़नाचि साया मेत्‍तानुम्‍च़म।

रोमि 14:12

खोन्‌ओसा आन्‍कान झारासाआ आ-आप्‍पि मुम्‌ओ आन्‍काचिओ अ़खिप निनाम्‍हाङ प़मादोत।

२ थेसलोनिकि 3:14

ओ छाप्‍लावादाओ आन्‍काओ लोमाय़ङ्‌वा साङ मुमा छुन्‌नालो मो म़ना सिन्‍तायुङ्‌सानुम। मोचिएनान मान्‍तोङ्‌दानिन, खोन्‌ओसा मोचि लेजो म़लिने।

हिब्रु 13:24

झारा आम्‍नुओ बुसुवाचि खोन्‍कि झारा निनाम्‍हाङ्‌ओ अ़चुम़नाचि सेवानि लोवानुम्‍च़म। इतालियादाओचिआ खानानिन सेवा ऩछोक्‍तिन्‌युङ्‌सिन।

फिलिप्‍पि 4:1

खोन्‌ओसा अ़ङ्‌का सोमातुक्‍नानिन्‌ओ खोन्‍कि खाङ्‌मा स़ङाङाओ अ़ङ्‍ब़ब़, नाना खोन्‍कि निछाचि ओ, खानानिन अ़ङ्‌ऩङानुमा खोन्‍कि अ़ङ्‌तोक्‍पो लिखा ओ। अ़ङ्‌का सोमातुक्‍नाङ्‌नानिन्‌ओचि ओ, ओवात्‍निङा हाङ्‌पाएदा नुलोक युङानिन।

फिलिप्‍पि 3:18

अ़ङ्‌का ब़द्‍धेकादु खाएत्‍नानिन्‌ओ म़नाचिओ अ़तुक्‌वादा हान्‍छाङ खानानिन खाप्‌याङ्‌सा लानालोनाङ्‌नानिन, ब़द्‍धे म़नाचि ख्रिस्‍तओ अ़चुक्रुस्‌ओ ङेङ्‌चिवात्‍नि म़ह़ङ।

याकुब 4:7

खोन्‌ओसा खानानिन निनाम्‍हाङ्‌ओ अ़चुक़म्‍मादा युङानिन। सैताना फित्‍चि मुवानुम, खोन्‍कि मो खानानिन्‌एदाङ्‌का फुङ।

फिलिप्‍पि 1:4

खानानिन झारासोओ निम्‍पाङ अ़धुन झारा अ़ङ्‌यामात्‍मादा अ़ङ्‌का ऩङानुमाआ यामात्‍ङा,

लुका 16:2

खोन्‌ओसा कातोक म़नाआ अ़खिम काचि काखाङ्‌पा बुत्‍तुकि लो, ‘आम्‍तुक्‌वादा अ़ङ्‌का ओ दि एनुङ्‌योङ? खाना त़खाङुओ काचिओ छाप्‍मायुङ्‌माय़ङ्‌चि लासाङ्‌पुवाङ। देकिनालो हान्‌दाङ्‌का खाना अ़ङ्‌खिम्‌दा ओ काचि मुमा त़खान्‍नान।’

फिलिप्‍पि 2:16

ह़ङ्‌म़ङ्‌ओ नुय़ङ्‌खान नुलोक लावायुङ्‌सानुम। मोवात्‍नि अ़ङ्‌का सोज्‍जेङा मान्‍लोत्‍ङा माङ्‌लो अ़ङ्‌का सोज्‍जेङा काचि मान्‍मुङा निकिना ख्रिस्‍तओ अ़चुलामातामा लेन्‌दा अ़ङ्‌का तोक्‍पो लिमा ऱङाने।

एफिसि 5:21

ख्रिस्‍तओ अ़चुसाऩङ्‌वादा अ़क्‍छा निओ अ़पाङ्‌दा युङानिन।