हिब्रु 13:15 - बान्‍तावा राई

¹⁵ मोवात्‍नि येसुओ अ़चुऩङ्‌दा निनाम्‍हाङ चोन्‍माओ हेन्‍खोक्‌वा अ़धुन आन्‍कान प़म्‍ने। ओ ना हाङ्‌पानि काबुत म़नाचिआ दोसिवादाङ्‌का चोन्‍माय़ङ य़ङ ओ।

हिब्रु 13:15 Referans Kwoze

रोमि 12:1

खोन्‌ओसा अ़ङ्‍ब़ब़, नाना खोन्‍कि निछाचि ओ, निनाम्‍हाङ्‌ओ अ़चुतोक्‍पो सोम्‍तुक्‍माआ अ़ङ्‌का खानानिन यायोक प़नाङ्‌नानिन, खानानिन आप्‍पि सेङ्‌लो खोन्‍कि निनाम्‍हाङ्‌ओ अ़चुऩङानुओ अ़ह़ङ हेन्‍खोक्‌वाचिवात्‍नि पुवालावानुम। ओ खानानिन्‌आ प़मादोत्‌ओ अ़नुछ्‍याओ तोङ्‌लो ब़क्‍मायु ओ।

१ पत्रुस 2:5

खोन्‍कि खानानिन्‌छाङ येसु ख्रिस्‍तलाम्‍पा निनाम्‍हाङ्‌आ लोक्‍माखान्‍तुओ लावामि हेन्‍खोक्‌वाचि काधान सेङ्‌याङ्‌ओ काब़क्‍पा लिमा निम्‍पाङ अ़ह़ङ लुङ्‌चिवात्‍नि लावामि खिम लियाङ्‌सा त़खारिन।

मत्‍ति 11:25

मोन्‍ग़रि येसु म़य़ङा, “आपो, निनाम्‍मा खोन्‍कि हेन्‍खामादाओ हाङ्‌पा, अ़ङ्‌का खानानिन आलाङ प़नाङ्‌नानिन, देकिनालो खानानिन्‌आ ओ य़ङ्‌चि खारु कातोक खोन्‍कि तायाहाङ्‌पाचिदाङ्‌का त़कुम्‍सुम, खोन्‍कि छाचि मो खाङ्‌त़मेत्‍तुम्‍च़म।

१ पत्रुस 4:11

साङ चेप्‌नालो निनाम्‍हाङ्‌ओ अ़चुय़ङ खालुसिन्‌वा चेप्‍ने। काब़त निनाम्‍हाङ्‌आ प़माय़ङ्‌ओ सावालाम्‍पा ब़रुने। ओवात्‍नि झारा य़ङ्‌दा येसु ख्रिस्‍तलाम्‍पा निनाम्‍हाङ्‌ओ अ़चुऩङ चोन्‍ने। तोक्‍पो सावा खोन्‍कि अ़चुऩङ्‌चोन्‍मा अ़धुन-अ़धुन्‌तारि खोक्‍कोसोओ लियुङ्‌ने। मोवात्‍निङा लिने!

एफिसि 2:18

देकिनालो ख्रिस्‍तलाम्‍पाङा आन्‍कान झारा यहुदि खोन्‍कि निरावा अ़क्‌तात सेङ्‌लावालाम्‍पा आन्‍निनाम्‍हाङ पापाएदा तामालामा ऱन।

हिब्रु 7:25

खोन्‌ओसा खोक्‍कोलाम्‍पा निनाम्‍हाङ्‌ओ अ़चुच़क्‌दा काताचि खोक्‍कोसाआ ओन्‍ग़रि खोन्‍कि अ़धुन्‌तारि लेन्‍मा म़ऱचि। देकिनालो मोचिओ अ़चुलिप्‍पादा निनाम्‍हाङ्‌एदा यामात्‍सि खोक्‍को अ़धुन म़ह़ङ्‌युङ।

कलस्‍सि 1:12

खोन्‍कि साम्‌ओ हाङ्‌होन्‌दा आन्‍कान निनाम्‍हाङ्‌ओ अ़चुम़नाचि लिमा काऱ कामु निनाम्‍हाङ पापा आलाङ पुवानुम।

रोमि 6:19

खानानिन्‌आ तुप्‍मा त़ऱम्‍ने, अ़ङ्‌का अ़मात्‍ऩङ्‌चिदा चेप्‍ङाङा। खानानिन्‌आ अ़क्‍दु आम्‍नुओ पोक्‍फुत्‌चि पोप्‍माय़ङ खोन्‍कि च़लोक हेवाओ निम्‍पाङ त़याङुम्‍च़म, हान मोवात्‍निङा खानानिन सेङ्‌लो त़लिनिन्‌ओसा झारा आम्‍नुओ पोक्‍फुत्‌चि साम्‌योक्‍मि काचिदा याङानुम्‍च़म।

युहन्‍ना 10:9

लाप्‍तिखोप अ़ङ्‌काङा ओ। साङ अ़ङ्‌कालाम्‍पा वाङ्‌नालो मोचि म़लेत, खोन्‍कि खिम्‍हुत बुङ्‌खा लोइसा वाङ्‌सा म़मु, खोन्‍कि नागिदा चान्‍मा अ़तोक।

युहन्‍ना 14:6

येसुआ अ़लासालोवा, “लाम, अ़छ़ङ खोन्‍कि ह़ङ्‌म़ङ अ़ङ्‌काङा ओ। अ़ङ्‌काएदाङ्‌का नि साङ्‌लाम्‍पाछाङ अ़ङ्‌पापाएदु खात्‍मा अ़ऱनिन।

लुका 10:21

मोन्‍ग़रिङा येसु सेङ्‌लावाआ म़भेप्‍ताकि ब़द्‍धे अ़चुऩङानुयाङ्‌सा म़य़ङा, “आपो, निनाम्‍मा खोन्‍कि हेन्‍खामादाओ हाङ्‌पा, अ़ङ्‌का खानानिन आलाङ प़नाङ्‌नानिन, देकिनालो खानानिन्‌आ ओ य़ङ्‌चि खारु कातोक खोन्‍कि तायाहाङ्‌पाचिदाङ्‌का त़कुम्‍सुम, खोन्‍कि छाचि मो खाङ्‌त़मेत्‍तुम्‍च़म। उवा, आपो, देकिनालो ओवात्‍निङा च़मा खानानिन त़स़न।

हिब्रु 12:28

खोन्‌ओसा अ़ङाङ्‌निन्‌ओ हेन्‍कोप आन्‍कान तोक्‍तुम्‌ओदा आन्‍कान आलाङ्‌मिओ लिसिन्‍ने, खोन्‍किना कित्‌याङ्‌सा खोन्‍कि सायामेत्‌याङ्‌सा निनाम्‍हाङ्‌ओ अ़चुऩङानुलो ब़क्‍तुम्‍ने।