हिब्रु 12:25 - बान्‍तावा राई

²⁵ चाप्‍चेत्‍तानिन्‍चिन! साङ म़चेप्‌याङ, खोक्‍को खानानिन्‌आ ऩङामान्‍छित्‌दानुम। निनाम्‍हाङ्‌आ हेन्‍खामादा चाप्‍म़चेत्‍तुचिओ अ़चुय़ङ आम्‍नुओ सुन्‍तुम्‌चिआ एन्‍मा ऩङाअ़छिराहिदा निनाम्‍हाङ्‌ओ अ़चुमाइसुङ्‌दाङ्‌का फुङ्‌मा मान्‍ऱचि। मोवात्‍नि साङ्‌आ निनाम्‍मादुङ्‌का चाप्‍म़चेत्‌याङ, आन्‍कान खोक्‍कोसोओ अ़चुय़ङ ऩङाछिरुम्‌नालो आन्‍कान्‌छाङ अ़नुछ्‍याङा फुङ्‌मा अ़ऱन्‍मिन।

हिब्रु 12:25 Referans Kwoze

हिब्रु 8:5

मोचिआ सेङ्‌याङ्‌ओदाओ ब़त्‍मायु काचि निनाम्‍मादुओ अ़छ़ङ य़ङ्‌ओ अ़मात्‍ऩङ खोन्‍कि अ़इप्‍नाम्‍मा ओ। देकिनालो निनाम्‍हाङ्‌य़ङ खाकालु मोसाआ सेङ्‌याङ्‌ओ तित्‍खिम मुङुहिदा निनाम्‍हाङ्‌आ ओवात्‍नि अ़लोवा, “भ़ऱदु खाना खाङ्‌मेत्‍नाओ अ़मात्‍ऩङ्‌वा खाना झारा नुलोक मुचि।”

हिब्रु 11:7

मान्‍लियुक्‍ताओ य़ङ्‌ओ अ़तुक्‌वादा निनाम्‍हाङ्‌आ चाप्‍चेत्‍तुहिदा नोआआ साकोङ्‌छ़ङ्‌लाम्‍पा मो य़ङ काङ्‌सा खोन्‍कि अ़खिम्‍लुम्‍पा वाधुप्‌दाङ्‌का लेन्‍मा निम्‍पाङ अ़क्‌तात तोक्‍पो वाप्‍तेला मु। मोवात्‍नि नोआआ हेन्‍खामादाओ म़नाचि लाहि पाक्‍तुचिकि निनाम्‍हाङ्‌दाङ्‌का ताओ साम्‌योक्‍मि साकोङ्‌छ़ङ्‌लाम्‍पा तोक्‍तु।

मत्‍ति 8:4

खोन्‍कि येसुआ मो अ़लोवा, “एनु खो, साङ्‌छाङ खामान्‌एत्‍दोचि! मेन खारा, खोन्‍कि आप्‍पि काब़क्‍पाएदा खाङ्‌मुसान्‍चिन, खोन्‍कि निनाम्‍हाङ्‌य़ङ खाकालु मोसाआ लोमाय़ङ्‌ओ छुक्‍दाम पाउ, खोन्‍कि म़नाचिओ निम्‍पाङ सालुम्‍स़ङ लिने।”

२ तिमोथि 4:4

मोचि अ़छ़ङ य़ङ एन्‍मा ऩङाअ़छित, खोन्‍कि दोय़ङ्‌लादात्‍नि म़लाखात।

१ थेसलोनिकि 5:15

खानुम, साङ्‌छाङ अ़त्‍लोओ अ़फान्‌दा अ़त्‍लो अ़च़निन्‍ने, मेन अ़क्‍छा निएदा खोन्‍कि झारा म़नाचिएनान अ़धुन नुलोक च़मालामानिन।

छाम्‍माय़ङ 7:35

ओ मोसाङा इस्राएलिचिआ ‘आन्‍कान्‍काएदा हाङ्‌काचि कामु खोन्‍कि छ़ङ्‌काछेन खाना साङ्‌आ त़मुवा?’निकिना बुया ऩङाअ़छिराओ। मेन निनाम्‍हाङ्‌आ लेराङाओ स़ङ्‌फोम्‍सुवादा खाङ्‌कामुनान्‍चिन निनाम्‍हाङ काफालाम्‍पा मो मोसाङा इस्राएलिचिओ अ़चुहाङ्‌काचि कामु खोन्‍कि काफोङ्‌लोन ह्‍वातात्‍माङ अ़मुवाकि अ़छुत्‍ता।

हिब्रु 3:17

खोन्‍कि साङ्‌एनान खोक्‍को चालिस्‌कादोङ्‌तारि अ़चुच़ऱपाकारा? दि मोचि हेवा म़मुवाकि लेक्‍लेक्‍लेक्‌वाओदा म़सुवादाओचि माआङ?

मत्‍ति 17:5

पत्रुस चेवाङाहिदाङा, छोक्‍छोक्‍छोक्‌वाओ य़वारिआ मोचि भुक्‍तुखात्‍तुचि, खोन्‍कि मो य़वारिदाङ्‌का अ़क्‌तात य़ङ ता, “ओक्‍को सोमातुक्‍तुङ्‌योङ्‌ओ अ़ङ्‌छा ओ, खोक्‍कोएदा च़लोक अ़ङ्‌ऩङानुवायुङ्‌सा। खोक्‍कोसाआ ऩलोन्‌ओ एनानुम!”

खाङ्‌मुमा 22:9

मेन निनाम्‍हाङ काफाआ अ़ङ्‌का अ़लोवाङ, “खाना ओवात्‍नि मान्‍च़दा! खाना, निनाम्‍हाङ्‌य़ङ खाकालु आम्‍द़क्‍छा बुवाचि खोन्‍कि ओक्‍को छाप्‍लाखा भोङ्‌दा छाप्‍ताओ य़ङ्‌चि काकाङ झारा म़नाचिवात्‍नि अ़ङ्‌का निनाम्‍हाङ्‌ओ अ़चुहारुक ओन्‍ङा ओ। खाना निनाम्‍हाङ ओन्‍ङा ब़क्‍मादोत।”

खाङ्‌मुमा 19:10

खोन्‍किना खो सेवा मेत्‍सि अ़ङ्‌का खोसोओ अ़लाङ्‌दा बोम्‍साङ्‌च़ङ। मेन खोसाआ अ़ङ्‌का अ़लोवाङ, “खाना अ़ङ्‌का ओवात्‍नि मुमा अ़नुनिन। अ़ङ्‌का येसुओ अ़छ़ङ सालुम्‍स़ङ काखुन आम्‍निछाचि खोन्‍कि अ़क्‍निओ आम्‌यावा काफाचि ओन्‍ङा ओ। निनाम्‍हाङ ब़क्‍तु!” देकिनालो येसु ख्रिस्‍तआ खाङ्‌अ़मुसाओ अ़छ़ङ्‌आङा निनाम्‍हाङ्‌य़ङ खाकालुचि मो अ़छ़ङ य़ङ्‌खान खालुमा सावा प़चि।

१ पत्रुस 1:22

हान खानानिन अ़छ़ङ य़ङ्‌दा लोमाय़ङ्‌वा त़च़न्‌किना आम्‍नुओ मिन्‍मा त़सेङ्‌सुम्‌ओसा आम्‍नुओ साकोङ्‌छ़ङ कामु यावाचि सोमातुक्‍तानुम्‍च़म। अ़क्‍छा निएदा साकोङ्‌वादाङ्‌का राक्‌एनान सोम्‍तुक्‍मुवानिन।

हिब्रु 1:1

आराङ आन्‍सुन्‍तुम्‌चिएनान निनाम्‍हाङ्‌य़ङ खाकालुचिलाम्‍पा ब़द्‍धेकादु खोन्‍कि अ़पारा-अ़पाराआ निनाम्‍हाङ म़चेवा।

हिब्रु 3:12

ब़ब़, नाना खोन्‍कि निछाचि ओ, चाप्‍चेत्‍तानिन्‍चिन! खानानिन खा-खाक्‍कोएदा याक्‌याङ्‌ओ अ़अ़त्‍पा खोन्‍कि साकोङ्‌छ़ङ मान्‍मुदामा साकोङ्‌वाआ खानानिन अ़ह़ङ निनाम्‍हाङ्‌एदाङ्‌का अ़थाया ऩखात्‍तिमिन्‍ने।

हिब्रु 12:19

थुथुरि साङाङा, खोन्‍कि निनाम्‍हाङ्‌ओ अ़चुय़ङ ऱङाङा। मो य़ङ काएन्‌चिआ निनाम्‍हाङ “हान नि च़लोक मान्‍चेप्‌दानिन”नि अ़लोवा।