हिब्रु 12:23 - बान्‍तावा राई

²³ खानानिन बुया म़लिसाओचिओ निनाम्‍मादुओ अ़चुयायोक्‍खादा त़तान्‌युङ्‌सिन। मोचिओ अ़चुऩङ निनाम्‍मादु छाप्‍तायुङ्‌सा। मोचि अ़च़क़ल़क मुमाय़ङ साम्‌योक्‍मि म़नाचिओ अ़चुलावा ओ। खानानिन झारा म़नाचि छ़ङ्‌काछेन निनाम्‍हाङ्‌एदा त़तान्‌युङ्‌सिन।

हिब्रु 12:23 Referans Kwoze

याकुब 1:18

खोक्‍कोसोओ तोक्‍पो अ़चुमित्‍चिऩङ्‌ओ अ़छ़ङ य़ङ्‌लाम्‍पा आन्‍कान म़मुया। खोवात्‍निओसा आन्‍कान खोक्‍कोसोओ झारा अ़चुमुन्‍माय़ङ्‌चिदाओ बुयाओ अ़सिवा लिसिन्‌युङ्‌सिन।

हिब्रु 11:40

निनाम्‍हाङ्‌आ आन्‍को निम्‍पाङ च़लोक अ़नुवाक मित्‍चिऩङ अ़मुवा। अ़क्‍धुवा आन्‍कान खोन्‍कि मोचि अ़क्‍नि अ़च़क़ल़क म़मुनि खोक्‍कोसोओ अ़चुमित्‍चिऩङ मुवाङा।

लुका 10:20

खोन्‍नुछाङ चाकावालावाचि आम्‍नुओ क़म्‍मादा म़याक्‌याङ निकि आम्‍नुओ ऩङानुमा माआङ, मेन आम्‍नुओ ऩङ निनाम्‍मादु छाप्‍तायुङ्‌सा निकि आम्‍नुओ ऩङानुने।”

खाङ्‌मुमा 14:4

मोचि मेत्‍छामाचिएनान मान्‍पोप्‍म़युक्‍ता, खोन्‍कि खोचि म़सेङाङा। थुबाछा खादा-खादा म़खात मोचिआ खोक्‍को अ़त़ङ्‌ताङा। निनाम्‍हाङ खोन्‍कि थुबाछाओ निम्‍पाङ बुयाओ अ़सिवावात्‍नि म़नाचिओ अ़चुरादाङ्‌का ओचिओ अ़चुलुङ छोराकि म़खिरा ओ।

खाङ्‌मुमा 20:15

साङ्‌कोओ अ़ऩङ ह़ङ्‌म़ङ्‌ओ छाप्‍लाखादा मान्‍छाप्‌याङ, मो लेराङाओ मिराक्‌दा वेइसादिसा।

हिब्रु 9:27

देत्‍नि म़नाचि अ़क्‍दु स़माङादोत, खोन्‍कि आदेङ निनाम्‍हाङ्‌आ छ़ङ म़छेन्‍तुचि,

खाङ्‌मुमा 13:8

खोन्‍कि हेन्‍खामादा कायुङ झारा म़नाचिआ मो साक्‍स़ङ अ़ब़क। मोचिओ अ़चुऩङ हेन्‍खामा मुन्‍मा बुयादाङ्‌काङा ह़ङ्‌म़ङ्‌ओ छाप्‍लाखादा मान्‍छाप्‌युक्‍ता। मो छाप्‍लाखा म़सेराओ थुबाछाएदा याक्‌याङ।

१ पत्रुस 2:23

मोचिआ खोक्‍को अ़सुङ्‌ताङाहिदा खोक्‍कोसाआ अ़फान मान्‍लात्‌अ़दा। दुखा अ़आङ्‌ताङाहिदा खोक्‍कोसाआ मान्‍किन्‍म़दोचि। मेन नुलोक छ़ङ्‌काछेन निनाम्‍हाङ्‌एदा खोक्‍को सोम्‍कुवा म़मुवा।

हिब्रु 11:4

साकोङ्‌छ़ङ्‌लाम्‍पा हाबिल्‌आ कयिन्‌दाङ्‌का अ़नुवाक हेन्‍खोक्‌वा निनाम्‍हाङ प़। साकोङ्‌छ़ङ्‌लाम्‍पाङा हाबिल साम्‌योक्‍मि काइसा, देकिनालो खोसोओ अ़हेन्‍खोक्‌वा निनाम्‍हाङ्‌आ ऩङाअ़नुसा। खोन्‍कि खो सुवादानुछाङ साकोङ्‌छ़ङ्‌ओ अ़मात्‍ऩङ्‌लाम्‍पा खो हान्‍छाङ चेप्‌याङ।

१ तिमोथि 3:5

अ़क्‍छा म़नाआ आप्‍पि अ़खिम्‍लुम्‍पा तोङ्‌मा अ़लेसुन्‍लो निनाम्‍हाङ्‌ओ अ़चुसाम्‍भुङ देत्‍नि खोसाआ खाङ्‌मा ऱ?

फिलिप्‍पि 4:3

अ़ङ्‌सोम्‍कुवाओ यावा, अ़ङ्‌का खानाछाङ लोनाङ्‌ना, ओ मेत्‍छामाचि फासुचि, देकिनालो मोचिआ अ़ङ्‌काएनान अ़क्‍नि नुय़ङ्‌खान खालुमा, क्‍लेमेसएनान खोन्‍कि नि यावाचिएनान अ़क्‍नि चात्‍लो काचि मुवायुङ्‌साचि। मोचिओ अ़चुऩङ ह़ङ्‌म़ङ्‌ओ छाप्‍लाखादा याक्‌याङ।

एफिसि 1:22

खोन्‍कि निनाम्‍हाङ्‌आ झारा य़ङ्‌चि खोक्‍कोसोओ अ़चुक़म्‍मादा म़युङ्‌सुयुङ्‌सुचि खोन्‍कि साम्‍भुङ्‍ओ निम्‍पाङ खोक्‍को झारा य़ङ्‌चिओ अ़छोङ अ़मुवा।

छाम्‍माय़ङ 20:28

खानानिन आम्‍नुओ निम्‍पाङ खोन्‍कि सेङ्‌लावाआ खाङ्‌मा ऩप़न्‌ओ साम्‍भुङ्‌दाओ झारा साकोङ्‌छ़ङ कामुचिओ निम्‍पाङ चाप्‍चेत्‍तानिन्‍चिन। निनाम्‍हाङ्‌आ येसुओ अ़चुह़लाम्‍पा म़खिरुचिओ साम्‍भुङ काखाङ्‌चि लिसानिन।

युहन्‍ना 5:27

खोन्‍कि खोक्‍को छ़ङ्‌छेन्‍मा पाङ अ़पुवायुङ्‌सा, देकिनालो खोक्‍को म़नाओ अ़छा ओ।

कलस्‍सि 1:24

हान आम्‍नुओ निम्‍पाङ अ़ङ्‌का दुखा आङ्‌मादा अ़ङ्‌ऩङानुङान्‍च़ङ। खोन्‍कि ख्रिस्‍तओ अ़चुलिप्‍पादा म़युङ्‌याङ्‌ओ चाअ़त्‍माचि खोक्‍कोसोओ अ़चुपोक माङ्‌लो साम्‍भुङ्‌ओ निम्‍पाङ अ़ङ्‌का अ़ङ्‌पोक्‌दा तासुङ्‌लाङ।

कलस्‍सि 1:12

खोन्‍कि साम्‌ओ हाङ्‌होन्‌दा आन्‍कान निनाम्‍हाङ्‌ओ अ़चुम़नाचि लिमा काऱ कामु निनाम्‍हाङ पापा आलाङ पुवानुम।

२ कोरिन्‍थि 5:8

आन्‍कान्‍काएदा झारा सोम्‍कुवा याक्‌याङ, हान पोक्‌दाङ्‌का फेक्‍मान्‍चिन्‌कि हाङ्‌पाएनान युङ्‌मा आन्‍कान्‍का स़न्‍का।

१ कोरिन्‍थि 15:54

मोन्‍ग़रि लुक्‍खात्‌ओसाआ अ़लुक्‍निन्‍खात्‍निन्‌ओ खोन्‍कि स़दाओसाआ अ़स़निन्‍दानिन्‌ओ लोउ, खोन्‍कि “स़मा छोमाआ ख़ङ्‌सुखात्‍तु”नि साम्‍कालिन्‌दा छाप्‍तायुङ्‌साओ य़ङ ताला।

१ कोरिन्‍थि 13:12

ओन्‍ग़रि आन्‍कान दर्पनादावा थेम्‍बुवारिरि खाम, मेन मोन्‍ग़रि छेङ्‌छेङ्‌छेङ्‌वा खाङ्‌मुन। ओन्‍ग़रि अ़ङ्‌का अ़क्‍चिलोक ओन्‍ङा तुप्‍तुङ, देत्‍नि निनाम्‍हाङ्‌आ अ़ङ्‌का नुलोक ऩसिन्‍ताङ्‌युङ्‌साङ मोवात्‍नि मोन्‍ग़रि अ़ङ्‌का झारा तुप्‍तुङ।

१ कोरिन्‍थि 15:49

आन्‍कान देत्‍नि बाखादाओ म़नाओ अ़कात्‍मा लोउम्‌युङ्‌सुम, मोवात्‍निङा निनाम्‍मादुङ्‌काओ म़नाओ अ़कात्‍मा आन्‍कान्‌छाङ लोउम।

हिब्रु 2:12

खोक्‍को म़य़ङ्‌याङ, “अ़ङ्‍ब़ब़, नाना खोन्‍कि निछाचिओ अ़चुबुदा आम्‍नुओ काचि अ़ङ्‌का खालुसुङ, आम्‍नुओ म़नाचिओ रुहुप्‌ओ अ़चुरादा अ़ङ्‌का आम्‍नुओ ऩङ्‌चोन्‍तुङ।”

खाङ्‌मुमा 6:9

खाउग़रि थुबाछाआ पाच्‌कातात्‌ओतात सेप्‍खा फोङ्‌सु, मोन्‍ग़रि अ़ङ्‌का ब़क्‍खाओ अ़भेन्‌यु लावाचि खाङ्‌च़ङ, मोचि निनाम्‍हाङ्‌ओ अ़चुय़ङ म़चेवाओसाआ खोन्‍कि अ़छ़ङ्‌एनान अ़चुसालुम्‍स़ङ म़पुवाओसाआ म़सेरुचिओ।

खाङ्‌मुमा 6:11

खोन्‍किना मो झारा म़सेरुचिओचि अ़क्‌तातात ओमाङाओ तित म़प़चि, खोन्‍कि म़लोचि, “मोदा ब़द्‍धे खानानिन्‌वाङा निनाम्‍हाङ काब़क साकोङ्‌छ़ङ कामुचि म़युङ्‌याङ, खानानिन ऩसेरिन्‌वाङा म़नाचिआ मोचि म़सेरुचि। मोन्‍ग़रितारि खानानिन थुत्‍मेत्‍लो सावा तोम्‍सानिन।”