हिब्रु 12:22 - बान्‍तावा राई

²² मेन खानानिन सियोन भ़ऱदा त़तान्‌युङ्‌सिन। मो अ़ह़ङ निनाम्‍हाङ्‌ओ अ़चुसहरा, खोन्‍कि निनाम्‍मादुओ यरुसलेम ओ। मोदा खिप्‌दिअ़तेत्‍निन्‌ओ निनाम्‍हाङ काफाचि ऩङानुयाङ्‌सा म़कोप्‍नान्‍चिन।

हिब्रु 12:22 Referans Kwoze

फिलिप्‍पि 3:20

मेन आन्‍ताङ्‌युङ निनाम्‍मादु युङ्‌याङ। खोन्‍कि मोदाङ्‌का म़ताओ आन्‍कालेन्‍पा, हाङ्‌पा येसु ख्रिस्‍त आन्‍कान राक्‍स़रि हुङुम।

गलाति 4:26

मेन फोङ्‌याङ्‍ओ मेत्‍छामा साराआ निनाम्‍मादुओ यरुसलेम खाङ्‌मुसु, मो आन्‍मा ओ।

खाङ्‌मुमा 14:1

अ़ङ्‌का खाङ्‌हिदा सियोन भ़ऱदु, थुबाछा म़एवाङा। खोक्‍कोएनान अ़क्‌लाखा चवालिस हजारा म़नाचि म़याआङा। मोचिओ अ़चुत़ऱबुप्‌दा खोक्‍कोसोओ अ़चुऩङ खोन्‍कि खोक्‍कोसोओ अ़चुपापाओ अ़चुओ ऩङ छाप्‍ताङा।

खाङ्‌मुमा 21:2

खोन्‍कि निनाम्‍मादुङ्‌का सेङाङाओ सहरा अ़ऩङ्‌वा यरुसलेम निनाम्‍हाङ्‌आ अ़धान्‍ताङाओ अ़ङ्‌का खाङ। मो सायाकाकाम्‍मा अ़सायाकाकाम्‍पा तुप्‍मा निम्‍पाङ चोङ्‌सान्‍चिन्‌कि चुम्‍सान्‍चिन्‌ओवा मुवाङा।

खाङ्‌मुमा 22:19

खोन्‍कि साङ्‌आ ओ निनाम्‍हाङ्‌य़ङ खालुमाय़ङ्‌ओ छाप्‍लाखादाओ य़ङ्‌चिदाङ्‌का दिदिचि लारुखाइसुचि, ओ छाप्‍लाखा भोङ्‌दा छाप्‌याङ्‌ओ ह़ङ्‌म़ङ काप़ स़ङ्‌ताङ्‌ओ अ़लोक खोन्‍कि सेङ्‌याङ्‌ओ सहरादाङ्‌का मोसाआ तोक्‍मायु अ़लोक निनाम्‍हाङ्‌आ अ़ङाप।

खाङ्‌मुमा 3:12

साङ्‌चि म़छो, अ़ङ्‌निनाम्‍हाङ्‌ओ अ़चुब़क्‍खाखिम्‌दाओ अ़खाबो अ़ङ्‌का मोचि मुङ्‌च़ङ। खोचि मोदाङ्‌का देम्‍खाछाङ बुङ्‌खादा ऩलानिन्‍लोन्‍निन। अ़ङ्‌का मोचिएदा अ़ङ्‌निनाम्‍हाङ्‌ओ अ़चुओ ऩङ छाप्‍तुङ, खोन्‍कि अ़ङ्‌निनाम्‍हाङ्‌ओ अ़चुसहराओ अ़ऩङ, अ़ऩङ्‌वा यरुसलेम छाप्‍तुङ। मो अ़ङ्‌निनाम्‍हाङ्‌दाङ्‌का निनाम्‍मादुङ्‌का ह्‍युना य़, खोन्‍कि आप्‍पि अ़ऩङ्‌वा अ़ङ्‌ऩङ्‌छाङ मोचिएदा छाप्‍तुङ।

हिब्रु 13:14

देकिनालो ओदा आन्‍को निम्‍पाङ अ़धुन युङ्‌युङ्‌ओ सहरा मात्‍द़ङ, मेन तायाङ्‌ओ सहरा आन्‍कान हुङुम्‌योम।

हिब्रु 11:10

अब्राहाम्‌आ ओ मु, देकिनालो निनाम्‍हाङ्‌आ मित्‍चिऩङ अ़मुवाओ खोन्‍कि अ़धुन युङ्‌युङ्‌ओ छ़ङ्‌दा मुमाय़ङ सहरा खोसाआ हुङुङु।

खाङ्‌मुमा 21:10

खोन्‍किना सेङ्‌लावाआ अ़ङ्‌का अ़क़म्‍ताङ, खोन्‍कि अ़क्‌तात अ़धिवा झोन्‍ताङाओ भ़ऱदु अ़खात्‍ताङ। निनाम्‍हाङ्‌आ निनाम्‍मादुङ्‌का ह्‍युत्‍नि अ़धान्‍ताङाओ सेङाङाओ सहरा यरुसलेम खोसाआ अ़ङ्‌का खाङ्‌अ़मेत्‍ताङ।

खाङ्‌मुमा 7:2

खोन्‍कि अ़ह़ङ निनाम्‍हाङ्‌ओ अ़चुसेप्‍माएनान नि निनाम्‍हाङ काफा बुसुहोन्‌याङ्‌का बानाङाओ अ़ङ्‌का खाङ। हेन्‍खामा खोन्‍कि धियाङ्‌वामा लुक्‍मा सावा निनाम्‍हाङ्‌आ म़प़युङ्‌सुचिओ मो चारकातात निनाम्‍हाङ काफाचि अ़धिवा य़ङ्‌आ खोक्‍कोसाआ म़लोचि।

यहुदा 1:14

आदम्‌दाङ्‌का सात्‌कादुङ आदेङ्‌ओ हनोक्‌आछाङ ओ म़नाचिओ अ़चुतुक्‌वादा ओवात्‍नि निनाम्‍हाङ्‌य़ङ खालुसु, “एनानुम! खिप्‍मा अ़ऱन्‍मिन्‌ओ म़सेङ्‌याङ्‌ओ अ़चुम़नाचिएनान

हिब्रु 10:31

अ़ह़ङ निनाम्‍हाङ्‌ओ अ़चुछुक्‌दा छुक्‍मा क़माकात्‌ओ य़ङ ओ।

हिब्रु 9:14

ओ अ़छ़ङ य़ङ ओनालो, ख्रिस्‍तओ अ़चुह़आ देम च़लोक आन्‍छेन्‍खाताया हेवा काचिचिदाङ्‌का सेङ, खोन्‌ओसा आन्‍कान अ़ह़ङ निनाम्‍हाङ ब़क्‍मा ऱम। देकिनालो खोक्‍कोसाआ अ़धुन्‌ओ लावाओ सावाआ आप्‍पि अ़च़क़ल़क हेन्‍खोक्‌वा म़लिसाकि निनाम्‍हाङ अ़पुवालावा।

हिब्रु 3:12

ब़ब़, नाना खोन्‍कि निछाचि ओ, चाप्‍चेत्‍तानिन्‍चिन! खानानिन खा-खाक्‍कोएदा याक्‌याङ्‌ओ अ़अ़त्‍पा खोन्‍कि साकोङ्‌छ़ङ मान्‍मुदामा साकोङ्‌वाआ खानानिन अ़ह़ङ निनाम्‍हाङ्‌एदाङ्‌का अ़थाया ऩखात्‍तिमिन्‍ने।

१ थेसलोनिकि 1:9

देकिनालो देत्‍नि आन्‍कान्‍का खानानिन तुप्‍निहिदा साऩङ्‌वा त़मेत्‍निओ, खोन्‍कि देत्‍नि सेम्‍पोक्‌चिदाङ्‌का अ़ह़ङ खोन्‍कि अ़छ़ङ निनाम्‍हाङ ब़त्‍सि त़लासिन्‌ओ, मोसोओ अ़तुक्‌वादा झारादात्‍निओ म़नाचिआ खाअ़लु।

रोमि 11:26

मोवात्‍नि झारा इस्राएल लेत, ओवात्‍नि छाप्‌याङ, “कालेन्‍पा सियोन्‌दाङ्‌का म़ता, खोक्‍कोसाआ हेवादाङ्‌का याकुब अ़ला।

रोमि 9:26

“खोन्‍किना, खादा ‘खानानिन अ़ङ्‌म़नाचि माआङ’नि ऩलोन्‌ओ, मोदाङा मोचि ‘अ़ह़ङ निनाम्‍हाङ्‌ओ अ़चुछाचि’नि म़लोचि।”

मत्‍ति 5:35

ना हेन्‍खामाओङा चानिन, देकिनालो मो खोक्‍कोसोओ अ़चुलाङ्‌युङ्‌खा ओ, ना यरुसलेम्‌ओङा, देकिनालो मो तोक्‍पो हाङ्‌ओ अ़चुसहरा ओ।

मत्‍ति 16:16

सिमोन पत्रुस्‌आ लासुलो, “खानानिन ख्रिस्‍त ओ, अ़ह़ङ निनाम्‍हाङ्‌ओ अ़चुछा ओ।”

एफिसि 2:19

खोन्‌ओसा खानानिन हान्‌दाङ्‌का तावाङ्‌चि खोन्‍कि प़न्‍थादाओचि माआङ, मेन निनाम्‍हाङ्‌ओ अ़चुम़नाचिएनान खानानिन यावा-ताङ्‌युङ्‌चि खोन्‍कि निनाम्‍हाङ्‌ओ अ़चुखिम्‍लुम्‍पादाओ पाङ्‌यिचि त़लिसिन्‌युङ्‌सिन।

२ तिमोथि 4:18

हाङ्‌पाआ अ़ङ्‌का झारा अ़अ़त्‍पाचिदाङ्‌का ऩलेन्‍ङा, खोन्‍कि खोक्‍कोसोओ निनाम्‍मादुओ अ़चुहाङ्‌होन्‌ओ निम्‍पाङ अ़ङ्‌का ऩलेन्‍ङा। खोक्‍कोसोओ अ़धुन-अ़धुन्‌तारि अ़चुऩङ लोङ्‌युङ्‌ने। मोवात्‍निङा लिने।

हिब्रु 11:16

मेन मोचिआ अ़क्‌तात च़लोक अ़नुवाक हेन्‍कोप निनाम्‍मादुओ खिम अ़लामाङा। खोन्‌ओसा निनाम्‍हाङ मोचिओ अ़चुनिनाम्‍हाङ्‌नि लोलुमा अ़चुलेजो अ़कात्‍निन। खोन्‍कि खोक्‍कोसाआ मोचिओ निकिना अ़क्‌तात सहरा म़चुम्‍सुप़युङ्‌सुचि।